ဆေး (ေဆး)

အပိုင်း ၁၅ : ဂုန်ယိမိသားစု

Unicode Version

လမ်းတစ်လျှောက်၌ ကူဇိုးက ဂုန်ယိမိသားစု မြို့တော်၌ မည်မျှ ကျော်ကြားသည်ဆိုသည်ကို တွေ့ခဲ့ရသည်။

လူစုတစ်စု မြင်းစီကာ ဖြတ်လာစဥ်် လမ်းပေါ်က လူများက ဘေးသို့ ဆုတ်ကာ တက်ကြွစွာ ပြောနေကြသည်။ သာမန်သူများနှင့် သိုင်းပညာရှင်များက ရပ်ကာ အားလုံးမျက်လုံးနှင့် ပါးစပ်များက မနာလိုမှုများ လေးစားမှုများနှင့် ပြည့်နေသည်။

"ဒါ ဂုန်ယိမိသားစုကပဲ။ ကြည့်ဦး မြန်မြန်။ အရမ်းကို စွမ်းအားကြီးတာပဲ"

"ဝူအာ မင်းသာ အသက်သုံးဆယ်မပြည့်ခင် ဟောင်တျန်အဆင့်သုံးရောက်ရင် ဖေဖေက ဂုန်ယိမိသားစုမှာ အစောင့်နေရာရဖို့ အားလုံးကို ပုံပေးမှာ"

"ဘေးက ဟာကို ကြည့်ဦး။ "ဟန်"လို့ ရေးထားတယ်။ ဒါက ဂုန်ယိမိသားစုရဲ့ သခင်လေးများလား?"

"ဒါ တကယ့်ကို သခင်‌လေးပဲ။ သူ မကျင့်ကြံနိုင်တာကိုပဲ မကြည့်နဲ့။ သူ့ကို ဘုရင်မင်းမြတ်ကတောင် ချီးမြောက်ထားရတာ"

"သူ့ခန္ဓာကိုယ်နဲ့တောင် သူက မြင့်မြတ်တဲ့သခင်လေး လေးယောက်ကို ယှဥ်နိုင်တယ်။ အရမ်းကို ထူးချွန်တာပဲ"

အခု ကူဇိုး၏အာရုံငါးပါးက အရင်ကထက် ပိုထက်မြက်လာသည်။ ထိုအသံတို့က နားထဲသို့ တဟုန်ထိုး ဝင်လာသည်။ သူထိုအရာတို့ကို ရှင်းရှင်းလင်းလင်း ကြားရလေသည်။ သူ့နှလုံးသားကတော့ အံ့ဩခြင်းနှင့် လေးစားခြင်းတို့ ပြည့်နှက်နေသည်။

အံ့ဩစွာပင် တစ်ယောက်ကမျှ သူ့ကာကွယ်သူ သိုင်းပညာကို မကျင့်ကြံနိုင်မှုကို မရှုံ့ချကြ။ အမှန်ပင် သူ့ကာကွယ်သူက အရမ်းကို အံ့ဩစရာကောင်းလှပါသည်။ 

ထိုအရာကို ပြန်စဥ်းစားကာ သူ တျန်းဟန်ကို ကြည့်တိုင်း သူ့ကာကွယ်သူက အရမ်းကို တောက်ပနေသလိုပင်။

ဂုန်ယိတျန်းဟန်၏ပုံက တည်ငြိမ်နေကာ လက်ဖက်ရည်ကို မနှေးမမြန် သောက်နေသည်။

သူက ကူဇိုး၏အကြည့်ကို ကြည့်နေကာ အကြည့်ချင်းဆုံလိုက်သည်။ ထိုမျက်လုံးအစုံက တောက်ပနေသည်။ ကူဇိုး၏စဥ်းစားနေသော အတွေးကို သူ့မျက်နှာ၌ ရေးထားလေသည်။ ထိုအရာက လူတွေကို ရယ်ချင်စိတ်ပင် ပေါက်စေသည်။