ဆေး (ေဆး)

အပိုင်း (၃၄) : ရွှေရောင်ဘဏ်စာအုပ်များ/ ေ႐ႊေရာင္ဘဏ္စာအုပ္မ်ား

Unicode Version

ဂုန်ယိတျန်းဟန်က ဆက်ကာ ‌၁၅မိနစ်လောက် သိုင်းလေ့ကျင့်နေလိုက်သည်။ ထို့နောက် သူက ရပ်တန့်လိုက်ကာ ကူဇိုးနှင့် မျက်နှာချင်းဆိုင်လိုက်ပြီး သူ့အား လက်ဝေ့ယမ်းပြလိုက်သည်။

ကူဇိုးက အခေါ်ခံရပြီးနောက် အရင်အတိုင်း သူ့အလုပ်ရှင်ဆီသို့ ပြေးသွားလိုက်သည်။

အခု သူမြင်လိုက်ရသည်က သူ့ကို တောက်ပလာစေသည်။ သူ့အလုပ်ရှင် IQသည် အမြင့်ဆုံးဖြစ်ကာ သူက သိုင်းအဆင့်များကို လျှင်မြန်စွာ ကျော်ဖြတ်နိုင်ရုံတင်သာမက မန်ရိဒျန်ဖွဲ့စည်းခြင်း အဆင့်(၂) သိုင်းပညာရှင်တစ်ဦး ဖြစ်နေပြီဖြစ်သည်။ နှစ်ပေါင်းများစွာ သိုင်းလေ့ကျင့်ခဲ့ရသော နဂါးတစ်နှင့် အဆင့်တစ်ခုသာ ကွာတော့သည်။ သူလေ့ကျင့်နေသော သိုင်းပညာများကိုလည်း အတော်လေး ကျွမ်းကျင်နေပြီ ဖြစ်သည်။ နေ့တိုင်း သူ၏ စွမ်းရည် အမျိုးမျိုးမှာ တိုးတက်နေသည်ကို မြင်နိုင်သည်။ လောလောဆယ် စုစုပေါင်း ၂၀ထက် များနေပြီ ဖြစ်သည်။

အခုဆိုလျှင် သူ့အလုပ်ရှင်က သိုင်းပညာများကို လေ့ကျင့်နိုင်ရုံသည်သာမက သင်ပေးနိုင်သည်ကို ကူဇိုး ယုံကြည်လေသည်။

ကူဇိုး တျန်းဟန်အနားသို့ သွားပြီးနောက် သူ့ကို မြင်းစီးပုံစံ ရပ်ခိုင်းကာ လက်သီးထိုးချက်ကို လေ့ကျင့်စေသည်။

....ထိုအချိန်ကျလျှင် ကူဇိုးမှာ နည်းနည်း ကံဆိုးသည်ဟု ခံစားရသည်။

အရင်က သူက သူ့အလုပ်ရှင်၏ ပျော့ပြီး မတည်ငြိမ်သော တိုက်ခိုက်ရေးပုံစံကို ကြည့်ကောင်းခြင်း မရှိဟု ဝေဖန်ခဲ့သည်။ သို့သော်လည်း ရလဒ်မှာ ထိုပျော့သော လက်သီးထိုးချက်မှ အခုကဲ့သို့ သန်မာသော လက်သီးထိုးချက်များအဖြစ် ပြောင်းလဲသွားသည်။ ထိုအကြောင်းကို စဥ်းစားကြည့်လျှင် သူ့အလုပ်ရှင်၏ တိုက်ခိုက်ခြင်းပုံစံမှာ အနည်းငယ် ရယ်စရာကောင်းနေသည်။ တျန်းဟန်၏ တိုက်ခိုက်ရေးပုံစံမှာ ကြည့်ရသည်မှာ တန်သည်ဟု မပြောနိုင်ချေ။

သို့သော်လည်း သံသယမရှိစွာပင် ထိုပျော့သော လက်သီးထိုးချက်ပုံစံ၏ ရလဒ်မှာ အရမ်းကြီး မဆိုးလှချေ။