The Trouble with Love (BBHS1) ✅

Chapter 43. Surprise

Surprise

"For you, Love, hija. Me and your mum are making the impossible things possible for you. Kaya sana pagbutihin mo ang pag-aaral mo. Study hard, set your goals and priorities," tugon ni daddy at ngumiti na ako. Tagos sa puso ang mga sinabi niya at totoo naman talaga.

"I'll promise to finish, dad. And soar high like you. I will become an Engineer and then I will marry the man in my dreams," bahagyang tawa ko. Natawa na rin si daddy ko. Napailing na siya. May mali ba sa sinabi ko? Wala naman 'ata!

"I'm not against Charles, Isabella. Pero mga bata pa kayong dalawa at alam kong matalino ka," ngiti niyang tugon.

Napayuko ako. For some reason I felt guilty. Naalala ko kasi ang nangyari sa amin noon ni Charles, noong prom namin. Pero hindi na mangyayari iyon. Sisiguraduhin ko na mas gagamitin ko ang utak ko bago ang puso.

"I know, dad. I love you dad and thank you," sabay yakap ko sa kanya.

Sumunod naman ang kapatid kong si Xeejay na kasayaw ko.

"Hindi ka na baby, ate. So mag-ipon ka na para makabukod!" bahagyang tawa niya at binatukan ko na ang ulo nito. Tumaas pa ang kilay ko.

"Ikaw rin malapit ka na sa boundary. Magkano na ba ang ipon mo?" paninira kong biro.

Ang alam ko kasi mas marami pang pera ang mukong na ito, dahil sa mga sideline projects. Sinasama kasi siya ni daddy at nagkakapera rin siya kahit papaano.

"I have one hundred thousand in my bank account, ate," sabay pakita niya nang dila sa akin. Iniinis niya ako talaga!

"So, anong gift mo sa akin?" taas kilay ko.

"You don't need one. Meron ka na bigay ni mommy at daddy. Kasali na ako roon," halakhak niya.

Binatukan ko na naman siya at napansin ng iba ito. Natawa na sila. Mabuti pa itong kapatid ko mas malaki pa ang sariling savings kaysa sa akin.

"Mukhang hindi sisipot ang Prince Charming mo ah." At talagang hindi pa siya tapos!

"Okay lang. Ano ka ba! Abala iyon sa trabaho at naiintindihan ko. Sinabi ko na naman sa kanya na okay lang," kibit-balikat ko.

"Pero ang totoo umasa ka? Tsk!" ngiti niya.

"Umalis ka na nga. Iniinis mo lang ako e!" Babatukan ko na sana, pero agad na bumitaw na siya at tawang-tawa pa. Kapatid ko ba talaga ang baliw na ito? Kainis ah! Isip ko.

Sumunod na ang iba pang lalaki na nagsayaw sa akin. Wala akong masyadong inimbitahan sa mga kaklase ko. Medyo pribado rin kasi ang birthday ko. Halos lahat ng bisita mga kasamahan ni mommy at daddy sa trabaho. Kung meron man na akin ay ang mga kaklase ko lang na malapit sa puso ko. Pero nabibilang lang din sila.

Patapos na ang lahat ng 18th roses ko, isa na lang na dapat sana ay si Charles ito. Pero hindi na ako umasa at si Karl na ang pinalit sa kanya.

"And to complete our 18th roses, here he is!" tugon ng emcee.

Hindi pa sinabi ng emcee ang pangalan niya. Naglakad siyang palapit pero tinakpan ang mukha sa bulaklak na dala niya. Ang kapal ng bulaklak nito at halos hindi ko na makita ang kabuuan nang ulo niya. Suot ang tuxedo suit na kulay grey at naka black pants pa. Pormal siya, pormal na pormal ang baklang Karl sa paningin ko. Napangiti pa ako, dahil ang daming drama ng mukong na 'to.

Ibang klase din itong si Karl magpakwela ah! Showbiz nga naman siya.

Nang inabot niya sa akin ang mga rosas ay nakangiti kong tinangap ito. Mas una kong tinitigan ang mga rosas na bigay niya kaysa sa mukha niya.