احس شخص يسحب مني الحاف واني حاضنته بكل قوتي ومتمسكه بنومتي ماريد اضيعه فتحت عيوني بعجز اريد اشوف منو هذه المزعج الي فتح الشباك وسحب من الحاف وجان اشوفه رند (الشغالة)ضليت اتأفف صحت اوك اوك كعدت بس عوفيني
رند:بابا ادهم يكول خلي تكعد تغسل وتتريك وتروح للمدرسه راح تتأخر
غرور:اوك گولي البابا راح انزل .
كعدت وكالعاده اول ماافتح عيوني اروح اشوف شكلي بالمرايه شفت شعري مكفش وعيوني نعسانه توجهت للحمام اخذت دش سريع طلعت مشطت شعري ولبست الزي المدرسي ورشيت عطري ورتبت حجابي ونزلت اركض ع الدرج وني مبتسمه البابا صباح الخير باباتي
ادهم:صباح النور غروري يلا تعالي اكلي بسرعه وخلي اوصلج لان السايق اليوم مايجي .
غرور:يلا بابا ماريدك تتأخر على شغلك اتريك بالمدرسه راح اسبقك للسياره .
ادهم: غروري حبيبتي السنه اخير سنه الج واريد شدين حيلج وتطلعين معدل عالي يليق بيج واني بعدني على وعدي الج اخليج تكمليت قانون بأحسن جامعات نيويورك بس اريدج تقرين لان هاي الفتره منتبه انتي مخلصه كل وقتج على التلفون
غرور:وعد بابا بعد راح اقره ومااضيع وقتي اصلا فرحانه بشكل متتوقعه لان وافقت على دراستي بالخارج.
وصلت للمدرسه ودعت بابا ونزلت شفت رؤى بنت عمو مهند حضنته وكعدنه نسولف ونضحك ماعندي صديقات بالمدرسه بس رؤى بنت عمو لان البنات كلهم يگولولي متكبره مايدرون اصلا اني من النوع الانطوائي مااحب اختلط بناس مااعرفهم المهم مامهتمه الهم اصلا سولفت الرؤى بفرحه گلتله بابا وافق اكمل دراستي خارج العراق اسولف ومندمجه شفت رؤى عيونه حزينه ومبتسمه الي وصافنه
غرور:رؤى شبيج مبينه مو على بعضج وحزينه
رؤى:لا مابيه شي بس فرحتلج لان راح يتحقق حلمج واخيرآ مو مثلي .
غرور:ليش انتي شبيج هم نشالله يتحقق حلمج .
رؤى:لاحبيبتي اني مو مثلج ماما كالتلي حالج حال اختج رغد تخلصين سادس وتكعدين بلكي تجيج قسمتج وتزوجين ماعدنه بنات يخلصن جامعات وني كلتله مو عمو ادهم راح يخلي غرور تكمل دراسته اني شنو فرقي عنه ماما گالت غرور محضوضه على المرحومه امه .
اني ضليت مصدومه من رؤى حجيت بداخلي ماما متوفيه وبعدهِ مخلصانه من نوال بعدين گلتله الله كريم حبيبتي لتضوجين مر الوقت وخلصنه دروسنه اجتني رؤى كالتلي عادي توصليني وياج البيتنه لان تمطر ومااكدر امشي كلتله اكيد حبي السياره فارغه تعالي وياي انتضرنه شوي وبابا مااجه بس انتبهت السياره فهد ابن عمو محمد وكفت يمنه اني ستغربت اشر الي بأيده بمعنى اصعدي التفتت ادور على رؤى بعيوني مموجوده بعدين لگيته كاعده يم فهد بمقدمة السياره ضحكت على تصرفاتها وصعدت.
غرور:فهد بابا ليش مااجه يوصلني
فهد:رفع عيونه بالمرايه وابتسم گال شنو اني ممكفي يعني اله عمو ادهم يوصلج ست غرور
طفرت رؤى لا فهودي عيني والله انت مكفي وموفي اصلا ياريت كل يوم اطلع واشوفك باب المدرسه توصلنه بس انت بعد تعرف غرور اله عمو ادهم يلى ترضى وضحكت بصوت عالي
فهد:اي واني فارغلج كل يوم اجي اوصلج ست رؤى وبعدين اني عمو ادهم گالي روح الغرور لان اني مااكدر عندي شغل مادري بيج انتي وي غرور جان مااجيت
اني ضجت منهم وبقيت طول الطريق ساكته ورافعه حواجبي لان حيل معجبني الوضع ورؤى تتمايع وتضحك وتشاقه شكد بحيث صار عندي صداع منه
وهوه هم بس ساكت وصلت للبيت نزلت من السياره كلتلهم يلا باي .
فهد:شو ماصدكتي نزلتي ركض بالجذب كولي تفضلو وياي تغدو شكد بخيله
رؤى:ههههههههه اي والله صدك
غرور:بكيفك اذا تريد انزل يعني اله اعزمكم
فهد:وشبيج هيج گالبه وجهج لاتضوجين يابه مانتغده عدكم ترى اشاقه
رؤى:لا بس هيه غرور هيج شايفه نفسه حتى صديقات ماعده ويسمونه المتكبره
اني من سمعت رؤى هيج حجت عليه فتحت عيوني وخزرته سديت بابا السياره بكل قوتي ونزلت مقهوره من رؤى مادري شبيه متغيره حيل ..
فهد:رؤى شبيج انتي ليش هيج ضوجتيه عود انتي صديقته وتنطين بيه هيج خطيه نزلت زعلانه منج
رؤى:ونت شبيك عيني راح يوكف كلبك شعليك بيه انت وبعدين اني ماجذبت صدك هيه متكبره متشوفه لو گادر بس على رؤى.
فهد:يلا كافي ترى مالي خلك وصلنه انزلي تأخرت من وراجن
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
