بوصلة المشاعر

بارت36

فهد:اني متأكد هذه محمد وكلابه الي حذرتك منهم بس انت ماسمعت مني بس الي مو مستوعبه شلون غرور صعدت ويا للسياره وامنت بي وهيه حتى ماتعرفه لو ماشفته بعيوني بالكاميرات جان ماصدگت....

ادهم:اكيد كذب عليه بكذبه مقنعه وصعدت وياه بس اني مخايف عليه لان محمد مستحيل يگدر يأذيه...

فهد:اول مره اعرف انت هالگد دمك بارد وحيدتك مخطوفه عند عدووك وانت دگولي مخايف عليه انت شنوو من اب...

ادهم:فهدد الزم حدودك ولاتنسه نفسك فهمت اني ابوه ومستحيل احد يحبه مثلي بس انت گلتلي بنفسك هذه عدوي يعني اعرفه حق المعرفه مستحييل يأذي غرور...

فهد:اذا مايأذيه ليش صارلنه من الصبح الى الان نتصل علي وميرد وحتى ردت ابلغ بمركز الشرطه يگولون مايصير لازم مدة الاختطاف 24ساعه ...

ادهم:وين يروح مصيره يتصل عليه وبذاك الوكت اني اتفاهم وياه ...

فهد:اذا طلب منك تتنازل عن المناقصه راح تتنازل..

ادهم:اكيد اتنازل فهد هذه بنتي الوحيده صح اني كتلك مخايف عليه لان محمد مستحيل يأذيه اذا يعرف امه غرور بس بنفس الوقت اني گلبي مشتعل نار على بنتي.

فهد:اني اليوم راح ابقه يمك مستحيل ارجع للبيت ننتضر هذه النذل عسى ولعل يتصل ....

ادهم:اني اريدك  تبقه هنا وماريد اي احد يعرف بهذه الموضوع لاابوك وعمك مهند ولا اي شحص مفهوم ...

فهد:ليش ماتريد يعرفون..

ادهم:ابوك يكبر المواضيع ويضل يلوم بيه وعمك مهند مايضم شي على نوال وتعرف نوال انت شلون تحب غرور تبقه تألف سوالف على بنتي ..وان شاء الله بس نتفاهم اني و محمد الابهر ترجع غرور..

..................................

غرور:فاتحه اعيوني بصدمه بحيث حتى مااگدر ارمش   هذه شنو گاعد يتكلم معقوله هذه ابن خالة ماما ،،هوه هذه حضي عمامي يكرهوني وخوالي خاطفيني ..
استأنف كلامه وهوه يگول..

محمد:ورى فتره اتصلت عمتج راويه على خالتي ام غرور وگالتله بنتج صار عنده اسقاط وماتت هيه والطفل الي ابطنه البقيه بحياتج ...نهت الاتصال بكل بروود وتركت النيران مشتعله بالگلوب بقت خالتي ام غرور وامي يبجون ويلطمون وخالتي كل شويه يغمى عليه وبين كل هذه الاحداث المتسارعه والفوضى اني احس الوقت توقف وكل شيئ من حولي اتلاشى ...صعدت سيارتي واتجهت للنجف اعرف المقبره الي يدفنون بيه مااعرف شلون وصلت ومااعرف شوكت وصلت امشي بدون وعي مااعرف شلون وصلت للمقبره لكن نتبهت الادهم كان منحني على احد القبور ورى دقائق اخذه اخوه وابتعدو ...تقربت من هذه القبر بالحضه قريت اسمه المكتوب على القبر احس السماوات السبع سقطت على ضهري وكسرني ..فقدت غرور مرتين واني متأكد ادهم لو اهله الهم ايد بموت غرور لان جنت اسمع همه مايريدونه ..على كل حال جانت صدمه صعبه عليه ومرارة الفقدان الي خلاني اذوقه ادهم لازم اخلي يجربه..بعد فتره من رجعت اني من السفر سمعت عنده بنيه الي هيه انتي .. النذل ازوج بعد غرور وماهمه شي .