غرور:نزلت وكالعاده تغديت وحدي خلصت رحت اغسل سمعت الباب مال بيتنه اتكسر ركضت فتحته جان اشوف رؤى ونوال اشكالهن تخوف ورؤى عيونه مورمه من البجي ونضراتهن تبث الخبث والانتقام اول مادخلت نوال لزمتني من شعري وتغلط عليه وتفشر ورؤى لزمتني من التشيرت مالتي تجر بيه ودگولي كله من وراج ابوي غصبني اترك الدوام بحيث التشيرت اتمزق بأيده بقيت ادفع بيهن اريد اخلص نفسي مااگدر لان هنه ضخمات واني ناعمه سحبتني نوال ضربتني راشدي احس خدي اشتعل نار من الالم وحسيت برطوبه تحت انفي مسحته شفته دم ينزف خلصت نفسي من اديهن وركضت للحديقه موجود بيه احجار زينه اني اخذت الحجر وضليت اضرب بيهن بدون مااحس ضليت مااشوف بعيوني ابجي واعيط بصوت عالي واضرب بيهن بشكل عشوائي ضليت اسمع صوت بابا وفهد يحجون واسمعهن هنه يتمسكنن بس حتى كلامهم مااگدر استوعبه بالحضه الدنيا صارت سوده وگعت ماحسيت بشي.....
فهد:خلص دوامنه ورجعت للبيت وي عمي ادهم حتى اخذ الملفات الموجوده عنده بالبيت واني اشتغل بمكانه لان هوه راح يسافر وصلنه للبيت شفته الباب مفتوح واكو صوت عالي طالع من البيت هذه الصوت سامعه ...
ادهم:بالحضه حسيت الدم توقف بشراييني من سمعت صوت بنتي الوحيده وهيه تبجي وتصيح بألم ركضت دخلت للبيت شفت نوال ورؤى واكفات وغرور مقابيلهن ترمي عليهن حجر وتبجي وتگولهن عوفني لاتتقربن مني عووفني اتأذيت منجن كافي اني ماسويت الجن شي ليش تكرهني تتكلم بصوت عالي وهيه منهاره انتبهت الوجه بي اثار ضرب وكدمات زرگه وانفه ينزف دم ..
فهد:اتمنيت اموت ومااشوف هذه الوقف شفته مث..ل الوردة الذبلانه شكله تعبان ومنهار اول مره بحياتي اشوفه تبجي بألم كنت متأكد هيه كانت تمثل القوه طول الوقت واليوم شفت هاي الطفله الهشه الي متحمله اكثر من طاقته ..كانت مشاعري مختلطه بحزن على غرور وغضب على الي وصلة الهذهِ الحاله توهجت نضرات الغضب والاتهام النوال وبنت لزمت نوال من اكاتفه وگلتله شسويتن بالبنيه احجي شسويتي
نوال:والله ماسوينه شي شنو نسوي يعني جبت رؤى تعتذر من غرور وهيه طردتنه من البيت وضلت تغلط علينه وتشتم ولان ماطلعت ضلت تضرب بنفسه وتضرب بينه هيه عقله مو كامل مخبله .
فهد:اي صدكتج الصراحه خليني محترمج وامشي اخذي بنتج واطلعن بره يلا ....
ادهم:لك فهد تعال بسرعه غرور اغمى عليها وماگاعد تصحى افتحلي السياره خلي ناخذه للمستشفى بسرعه ،
فهد:راحن نوال وبنته اخذن تكسي ومشن بس مع الاسف نضرات الشماته كانت جدا واضحه بعيونهن..اخذنه غرور للمستشفى اني وعمي ادهم ،...
ادهم:طمني دكتور بنتي شبيه .
الدكتور:صاير عنده انهيار عصبي الضاهر ماره بموقف مخليه تنهار وماتصيطر على انفعالاته وايضآ اكو اثر ضرب على المريضه ممكن اعرف شنو سببه.
ادهم:الصراحه دكتور ماادري لان اني ماكنت بالبيت رجعت للبيت شفته بهذهِ الحاله .
الدكتور:اتطمن انشالله مابيه شي انطيناه مهدئات راح تبقه نايمه كم ساعه وبعدين تصحه ..انتبهو النفسيته لان الضاهر هيه علية ضغوطات نفسيه.
ادهم:انشالله دكتور ...
......................................
غرور:فتحت عيوني على غرفه لونه ابيض والشراشف بيض احس عيوني بيه ابر تنغزني مااگدر افتحهم حاولت مره ثانيه وفتحتهم وبالحضه استوعبت اني موجوده بالمستشفى بس بابا ماموجود يمي حسيت نفسي طفله ومستغربه من المكان الغريب وتريد امه وابوهَ..لا غرور انتي قويه اتماسكي لاتخلين دموعج رخيصه اصلا عادي انتي تعودتي على الوحده .،.
ادهم:هلا بابا غروري الحمد الله على سلامتج خوفتيني عليج.
غرور:لابابا لتخاف عليه .
ادهم:ههه اعرفج بنت ابوج مينخاف عليج .
غرور:ابتسمت بوجه بابا واني احس گلبي صاير اشلاء متناثره بصدي ماابالغ بشعوري بس الوحده تقتل وخصوصآ من تكون بوسط ناس تكرهك بدون سبب اني ابدآ مااستاهل المواقف الي تصير وياي بعدني صغيره وماگدر اواجه نوال وبناته يعني وصلت بيهن يضربني ويتهجمن عليه اووف ليش غريبه على نوال الحد الان اذكر ضربه الي من كنت صغيره واني كنت ماافهم اسكت واخاف منها بحيث اليوم من ضربتني اتذكرت الماضي وصار عندي انهيار من الكبت والقهر الي بداخلي ......
فهد:استأذنت من عمي ادهم ورجعت للبيت بس رجعت مجرد جسد احس بالي وقلبي عفتهم بالمستشفى يحرسون الشخص الي بالكم هههه
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
