بوصلة المشاعر

البارت 42

بعض الاحيان يتكون شخص بداخلنا نتيجه الضلم والاضطهاد النفسي الي نتعرض اله من الطفوله الى ان نكبر يحسسنا وجودنا غلط بهذه المكان وبين هذه الناس انتي تستاهلين مكان افضل وناس تحتوي على همجيه و وقاحه اقل ....صح هذه الشخص الي بداخلنا يكون الوحيد الي يعرف قيمتنه لكن دائمآ ما يكون ضعيف ومحد يسمعه غيرنا الى اذا انتي عرفتي قيمة نفسج وصارت ردود افعالج قويه وذكيه بنفس الوقت بهذه الحضه راح تقوين الشخص الي بداخلج الي راح يصير واقي يحميج من همجيتهم وحقدهم وكرهم والكل راح يسمعه بذاك الوقت يعرفون قيمتج ويحسبون الج الف احساب ....اتكلم ابداخلي بكل هذه الكلام وعيوني مليانه دموع واني اتحسس الندبه الموجوده بصدري ..

سمر:غروور غرووور

غرور:سمرر من شوكت وانتي موجوده هناا؟

سمر:قبل شويه خاله ام سامر گالتلي اصعد حتى اگعدج من النوم وتفطرين وياهم..

غرور:تمام انزلي انتي واني نازله وراج ..

تقدمت سمر وگعدت على السرير مقابيل غرور ولزمت اديه

سمر:سولفيلي صايرلج شي خوفتيني عليج ليش هيج عيونج غرگانه من الدموع..

غرور:لاتسأليني ...

سمر:ليش حتى مااسألج انتي مو گلتيلي صرنه صديقات
واعتقد المفروض مانضم على بعض ..

غرور:لان بذلت جهد حتى تبقه هذه الدموع محبوسه بعيوني وماينزلون بسهوله ..ومامتعوده احد يسألني اذا صايرلي شي مزعلني احتمال بسبب سؤالج هذه يضيع كل مجهو.....

خلت وجه ابين اديه وبدأت دموعه تتساقط مثل الجمر على خدوده وبس صوت انفاسه السريع ينسمع...

سمر:غروور فدوه اسكتي لاتبجين والله مو قصدي اخليج تبجين امسحي دموعج والله محد يستاهل هذه الدموع

غرور:ولان محد يستاهل انزل ادموعي بسببه اني كاعد ابجي على نفسي ..

سمر:لحضه لحضه شنو هذه الاثر الموجود على صدرج ..

غرور:ههه هذه تذكار من طفولتي السعيده ..

سمر:سولفيلي شنو موضوع هذه الاثر الي بصدرج الي مخليج گاعده من الصبح تبجين...

غرور:بعدين اسولفلج على هذه الاثر ..كل مااختنك لو تتعب نفسيتي تراودني احلام وكوابيس من مواقف قديمه مأثره على نفسيتي الهذه السبب گعدت من الصبح وذكرت الماضي ...

سمر:تدرين اول ماشفتج وگعدت وياج حسدتج على حياتج ابوج وجدتج يتعاركون عليج كل واحد يريد تعيشين عنده ودراستج مكملته وراح تسافرين عن قريب والضحكه ماتفارق وجهج بالحضه تأكدت كل هذه غلاف وماخفي اعضم.....

غرور:بالضبط لاتحكمين على الشخص من الانطباع الاول او من التصرفات الي هوه يبينه الج ..وكل الحديث الي دار بينه والي شفتي اتمنى يبقه بينه .

سمر:اكيد حبيبتي لاتهتمين ..يلا اخذي راحتج مو تتأخرين على الفطور.

...................................

فهد:كملت كل هذه الملفات بس بقة هذه الاوراق محتاجه توقيعك ..

ادهم:.........

فهد:عموو عموو

ادهم:نعم..فهد شكو شصاير..

فهد:صارلي ساعه اتكلم وانت ماادري وين صافن ..

ادهم:برأيك وين صافن يعني..

فهد:تفكر بغرور..

ادهم:اكيد اكو شي غير يشغل تفكيري...

فهد:حقك اني ابدآ ماتوقعته هيج عنيده ومايهمه شي..

ادهم:ههه بس اني متوقع ردة فعله...

فهد:اكيد لان انت ربيته وعلمته على هذه الشي...

ادهم:كنت دائمآ اگوله اذا ضايقج او زعجج شي ارفضي مهما كلفج الامر لان ماكو شي يجبرج تتحملين واقع انتي رافضته ...

فهد:الى ان اجه اليوم الي رفضتك بي..

ادهم:لا مارفضتني بس انطتني تنبيه على شي كنت غافل عنه ...على كل حال اليوم باليل تروح اله وترجعه ..

فهد:واذا رفضت شلون؟

ادهم:بكل بساطه راح ارفضك اذا خطبته...

فهد: بسسس..شلوون عرفت اني اريد اخطبه ؟

ادهم:هههه وهوه منو مربيك غيري ..اكو شخص يعرفك اكثر مني...يلا انطيتك هذه المهمه اذا قنعته ورجعت للبيت اعتبر نفسك ضمنت الموافقه،يلا اني رايح للبيت

فهد:لحضه هذه حلم لو واقع هذه الررجال شعرفه اني اريد اخطب غرور استغفر الله هوه منو بقه ميعرف احبه اذا هيه عيوني فاضحتني ...انعل ابو الشغل خلي افكر بطريقه اقنعه ترجع والله اليوم مااعوفه منا لمن ترجع وياي للبيت.....

..................................