بوصلة المشاعر

البارت26

غرور:ادهم هذه البيت يجنن صغير واحسه على گد عائلتنه اني وياك وبنتنه..

ادهم:اهم شي عجبج ورتاحيتي بي..

غرور:اكيد عجبني مدام انت وياي لو اعيش بخرابه تصير بعيني قصر..

ادهم:غرور انطيني وعد متعوفيني وحدي..

غرور:ادهم ليش هيج تحجي اني عفت اهلي وناسي كلهم علمودك انت وتعرفني شگد احبك قسم بالله ياادهم غير الموت ماكو شي يگدر يبعدني عنك...

ادهم:واني متأكد من حبج بس اسألج لان احب اسمع هذه الكلام من عندج هههه تعالي نرتب الملابس الي شتريناه للطفل ..

غرور:هههه يلا تعال بس ترى انت شتريت هواي ملابس اله وذني كلهم راح يصيرون صغار عليه بعد شهر هههه.

ادهم:عادي هاي اول مولود الي لازم ادلله صدك بعد كم يوم تولدين..

غرور:ماادري كم يوم بس اني هسه بشهر التاسع يعني مابقه شي .

ادهم:نشاء الله تولدين وتگومين بالسلامه..

غرور:حيل خايفه انت منتبه شلون وزني نزل وجهي صار اصفر وصار عندي فقر دم حاد وغير هذه كوله منو راح تساعدني وتجي وياي بلمستشفى انت تعرف امي ماتحجي وياي من يوم ازوجتك ...

ادهم:لاتخافين نشالله كولشي يتم على خير وراح اتصل على راويه تجي وياج للمستشفى.

،،،،،،،،،،،،،،،،،،،،،،،،،،،،،،،،،،،،،،،،،،،.

نوال:حض العواهر جواهر لج هاله شفتي ادهم شلون عزل ابيت وحده ومااهتم الاكبر واحد وانتي زوجج اكبر منه وعدكم ثنين اطفال رامي وفهد وبعدكم كاعدين ابت عمي يعقوب..

هاله:متشوفين نفسج انتي زوجج هم اكبر من ادهم وهم بعدكم كاعدين ابيت عمي يعقوب..

نوال:اني تعرفين عمي يعقوب شلون متعلق بيه ومايگدر يفارقني لان اني بنت اخو بس انتي خطيه محبوسه انتي واطفالج بغرفه وحده وحتى المكان ميكفيكم والبيت صغير ..

هاله:اي والله كلامج صحيح اني راح افاتح محمد بهذه الموضوع بس خاف عمي يعقوب ميقبل..

نوال:ميهمج اني اقنع عمي يعقوب واخلي يوافق ،شنو قابل ادهم وغرور احسن منكم..

هاله:بله انتي بس تريدين تخلصين من عدنه مو ميته عليه ..

،،،،،،،،،،،،،،،،،،،،،،،،،،،،،،،،،،،،،،،،،،،،،

غرور:ادهمم ادهم اگعد راح اموت من الالم..

ادهم:غرور ليش منايمه شكوو شبيج..

غرور:اخخخ راح اجيب اخذني للمستشفى راح امووت بطني تأذيني ادهممم..

ادهم: غرور لاتخافين گومي اخذج للمستشفى بسرعه..

غرور:ادهم مااكدر اتحرك رجليه ماادري شبيهم مااكدر اكوم اخخخ مااكدر اتحمل ياربي ساعدني..

ادهم:ياربي شنو اسوي شلته واخذته للسياره وهيه تصرخ من الالم وماتكدر تحرك رجليه بسرعه اتصلت على راويه حتى تسبقني للمستشفى ...

غرور: ادهم فدوه اذا اموت بنتي امانه عندك لاتخليه عند نوال لان تكرهني ولاتخلي امي تربيه لان تكرهك وخاف تأذي بنتي ...

ادهم:اششش انتي شنو گاعد تحجين اسكتي انتي راح تربين بنتنه ماراح يصير الج شي كافي لاتعبين نف بالكلام دقايق ونوصل للمستشفى..

غرور:اخخخ ياربي فدوه ساعدني بعد مااگدر اتحمل...ادهم انت وعدتني تسمي بنتي على اسمي ...

ادهم:والله اسميه على اسمج بس دگومين بالسلامه ....وصلنه للمستشفى وشافتني راويه اجت تركض من بعيد والممرضات جابو سديه واخذو غرور الصاله الولاده

راويه:غرورو فدوه اتحملي ولاتخافين انشاء الله دكومين بالسلامه ...

غرور:راويه لاتبجين الكاتبه الله يصير راويه فدوه عينج على بنتي وانتبهي الادهم لاتخلينه ينقهر لو يضوج ....

راويه:دخلت غرور الصالة الولاده وعينهٓ على ادهم وعيون ادهم تركض وراه ماكدرت اتحمل مادري ليش احس روحي مقبوضه على غرور ..

ادهم:كعدت على الكرسي وخليت اديه على راسي احس  حيلي انهد بالي وعقلي وگلبي كله يم غرور جسمي كله يرجف لحضه واختفى صوت صراخ غرور وسمعت طفل يبجي رحت اركض الباب الصاله وعيوني مليانه فرح بولادة بنتي الاولى سمعت صوت طفلي الاول .....

غرور:احس النفس ضاق عليه وشفت شخص كاعد يتقرب مني بس شكله مو واضح من السواد حسيت برهبه وخوف احس صوتي اختفى بقيت انازع ماريد اموت اريد اطمن على بنتي واشوفه قبل لااغمض عيني وافارق جسمي احس اطرافي جمدت والالم صار بروحي مو بجسدي فقدت حاسه السمع ضليت مااسمع صوت الدكتوره ولااسمع صوت الممرضات فصلت عن العالم الخارجي بس رغم هذه گدرت اسمع صوت صراخ بنتي رغم الشدة الي اني بيهَ ابتسمت بسلامة بنتي ونزلت من عيني دمعه حسره على شبابي وعلى بنتي الي غيري راح يربيه وعلى زوجي الي احبه وعلى بيتي الجديد الي ماشبعت منه شهقت بقوه وانتهى شريط حياتي بكل قسوه والم وعذاب وحسره ......