فهد:رجعت من النادي احس جسمي تعبان سبحت وعندي كم شغله خلصته صعدت الغرفتي اريد انام بس قبل لاانام افتح تلفوني اشوف منو دازلي رسائل منو متصل بذاك اليوم دخلت شفت خاص الانستغرام هواي ناس راده على الستوري بس شفت رساله من حساب غرور معقوله ردت مسحت عيوني اريد اتأكد اي والله هذه حسابه دخلت شفته راده على اغنية صغيرتي واخيرا عرفت هيه المقصوده كاتبتلي
غرور:ابن عمي ذوقه حلو بالاغاني.
فهد:قصيتي شعرج لو بعدج متردده.
غرور:تعرفني اني اذا اريد شي اسوي مهما تكون عواقبه.
فهد:هوه هذه اليعجبني بيج شخصيتج قويه من جنتي طفله الى ان كبرتي..
غرور:عن اذنك راح انام .
فهد:اخذي راحتج احلام سعيده.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غرور:مادري شنو صارلي كل رساله يرسله نبضات قلبي تزيد من زمان اعرف فهد عنده مشاعر اتجاهي تبين بأهتمامه الي بغيرته حتى بنضراته بس هذه الفتره احس تصرفاته وكلامه بده يفضح اعجابه الي وخايفه حيل خايفه يعترفلي مادري شنو سبب هذه الخوف يمكن ماريد اتعلق بشي بعدين افقده اخاف من الحب اخاف من المشاعر المفضوحه ماريد اصير ضعيفه اتاجاه مشاعري اريد ابقه دائمآ قويه ماريد اي شي يأثر بيه بعدت كل الافكار من بالي ونمت بصعوبه ..........
ادهم:غرور يلا بابا اكلي بسرعه راح تتأخرين على امتحانج..
غرور:يلا بابا خلصت . خليت بابا يوصلني القاعة الامتحان هذه الفتره عندي امتحانات شهريه وبعده تبدي امتحانات اخير السنه بقيت اراجع بالطريق وبابا يسألني واني اجاوب ...
ادهم:قريتي زين مسيطره على المادة لولا.
غرور:اي بابا نشاءالله درجه كامله .
ادهم:عفيه بنتي يلا وصلنه لاتتسرعين بالاجابه وركزي على السؤال زين وراجعي اجوبتج قبل لاتسلمين الورقه .
غرور:اوك بابا لاينشغل بالك.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رؤى:ماما ماريد جعفر والله ماريده اصلآ مامفكره بي .
نوال:اشش كافي بجي وين تلكين احسن من جعفر لج ثوله هوه انتي منو خطبج غيره.
رؤى:انتي جذابه جذبتي عليه وخليتيني احب فهد وابني املي علي وكتيلي يحبج ، ابوي بطلني من الدراسه وهسه تريدون تزوجوني شخص مااحبه ولا يحبني انتم اعداء مو اهل .
نوال:دراما المسلسلات عوفيه وفهد انسي لان هوه حتى مامفكر بيج واذا خايفه غرور تاخذه والله نجوم السما اقربله امسحي وجهج ورتبي نفسج وكافي يلا وعوفي هذه التفكير السلبي.
،،،،،،،،،،،،،،،،،،،،،،،،،،،،،،،،،،،،،،،،،،،
غرور:خلصت امتحاني وانتضرت بابا يجيني شفت سيارة فهد ويا بابا اشرلي بابا وصعدت وراهم.
ادهم: هلا بحلوة العشيره هلا ببنيتي
فهد:هههه عمو هالگد تحبه
ادهم: ماكو مثل معزة البنيه عند ابوها من يصير عندك بنيه راح تتذكرني.
فهد:اني ماريد بنات بس اذا صارت عندي بنيه مثل غرور بذاك الوقت اغير رئيي.
ادهم:لاتحلم ماتصير عندك بنيه مثل غروري ..بابا ليش ساكته.
غرور:بابا گاعد اسمع حديثكم الممتع ههههه
فهد:عمو گالي عندج امتحان اليوم شلونج بي.
غرور:الحمد الله جاوبت.
فهد:اذا عندج شي صعب اني اقريج.
غرور:شكرا متقصر.بابا ليش مااجيت بسيارتك.
ادهم:باباتي صار بسيارتي بنجر وفهودي وصلني.
غرور:طول الطريق فهد يسرق نضرات من المرايه واذا صادفت نضراتي ويا يبتسم ويكمل طريقه ..
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
