بوصلة المشاعر

بارت3

گاعدة اقره واحل واجباتي واخيرآ خلصت هاي السنه تعبتني ليل وي نهار اقرة بس اني خليت هدف براسي ولازم احققه رفعت راسي اريد اشوف الساعة شفته بثمانية باليل،شگد مر وقت واني بغرفتي اقرة ياربي بعدين تنفست براحه تذكرت باجر جمعه وماكو دوام
اهوو نسيت باجر غدانه عند بيت عمو محمد لان كل يوم جمعة نتجمع عند بيت عمو محمد لان هوه اكبر واحد بعمامي ،يربي شلبس باجر بنات عماتي وبنات عمي مهند هناك لازم اكشخ فتحت الخزانه مالتي وصفنت بسرعه طلعت فستان ماروني قصير شوي من صدره ضيق ومن تحت منفوش شوي واكمامه جرجيت وطلعت ويا شيله جرجيت لونه ابيض مائل للكريمي وحذاء نفس الون كعب مفرود ابتسمت بقناعه واني اتخيل نفسي بالفستان ،نزلت ع الدرج واني اسمع صوت الجرس هفف رند ليش متفتحين الباب ،يربي مادري وين تختفي هاي البنت ركضت اني فتحت الباب شفت بابا بسرعه حضنته بكل قوه .

ادهم:هههه هاا مو انتي زعلانه اشو بسرعه حضنتيني حتى مالحگت ادخل للبيت

غرور:مو انت ادكولي ماكو زعل بين البنت وابوهِ،صح لو اني مشتبه

ادهم:كلامج ذهب موبس صح ، هذه فهودي اليوم عزمته يتعشه ويانه

رفعت رجليه حتى اشوف منو واگف ورى بابا شفته مبتسم بثقه ورافع حاجبه .يربي شبي هذه ،تذكرت موقف الصبح ونحرجت وجهي صار مايتفسر ولونه احمررر بابا دخل للبيت وني بقيت منتضره فهد يدخل حتى اقفل الباب وراهم

فهد:مساء الخير ست غرور😏

غرور:مساء النور 😑

فهد:الصبح ماقصرتي وي سيارتي الباب نكسر من ورى عصبيتج الي ماتنعرف شنو سببه

غرور: يلا فدوه الي السياره كوله ،وبعدين اني شفته ما نكسرت لاتجذب.

فهد:اهاا اني صرت اجذب موو حتى ماكلفتي نفسج تعتذرين .اوك يصير خير

شبي هذه شايف نفسه على شنو وفوگاه يهدد على اساس خوفني .

دخلت للبيت عزززه نسيت نفسي بدون حجاب يربي وگفت باب المطبخ المطل على الصاله شفته كاعد ومشغول بجهازه وبابا يغير ملابسه بالغرفه گلت فرصه هاي خلي اصعد ركض الغرفتي البس حجابي وانزل بسرعه ركضت على الدرج ومااحس اله تشيرت التراك تعلق بالمحجر مال الدرج ووگعت على وجهي واسمعه اجه يركض گالي الله الله بس لاتأذيتي من الفشله ضليت بس ابجي يربي شسوي

فهد:كاعد مشغول بجاهزي وشفت غرور صعدت تركض لابسه تراك مثل مالت الاطفال وشعره مغطي متونه ضليت مركز ماگدرت اتحكم بنضراتي فجأة شفته وگعت وضلت تبجي ركضت اله عبالي نكسرت او صارله شي بعدين الحمد الله شفته كولشي مابيه بس يمكن من الخوفه ضلت تبجي هههه او يمكن حسدته شكله وهيه تبجي وتحجي كلمات مامفهومه ماگدرت اكتم ضحكتي شافتني اضحك دفعتني وهيه زعلانه وصعدت

غرور:يربي اني ليش دوم اتفشل وانحط بمواقف محرجه وفوگ وگعتي وفشلتي هذه ضل يضحك بدال مايساعدني صعدت الغرفتي وبابا طلع من غرفته ناداني على الاكل گتله عوافي اني تعشيت قبلك عفتهم سديت باب غرفتي گعدت فتحت تلفوني دخلت على الانستغرام ونتبهت رؤى حاضرتني نصدمت هاي شبيه ليش هيج ضلت تسوي وياي نقهرت حيل هسه فعلآ صرت وحيده اتمنى يصير عندي صديقاات او خوات بس القدر كاتبلي ابقه وحيده ،بس اني ماسويت شي ال رؤى اهديله اغلا الهدايه ولامره زعلته بكلمه بس هيه فجأة تغيرت قفلت تلفوني وضليت احس ادموعي تنزل بدون توقف امسحهم بسرعه وينزلون غصب عني مااحب احساس الوحده اكره معقوله اني الناس تكرهني بس ليش اني مامأذيه احد احس نفسي ختنگت طلعت كراستي والواني واقلام الفحم ونزلت شفتهم مخلصين عشه وبابا يمكن نايم طلعت للحديقه حديقتنه كولش كبيره وبيه انواع الورود والاشجار من اختنك اكعد بالحديقه ارتاح مااعرف ليش اكو طاوله وكراسي موجوده بنص الحديقه كعدت وزعت الواني وفتحت كراستي وبديت ادخل العالمي الخاص عالم الرسم اذا ارسم احس نفسي انقطع عن العالم الخارجي وانسه نفسي سمعت صوت حركه بس ماهتميت اني منزلة راسي ومشغوله بالرسمه بس احس اكو جسم ضخم واگف كدامي رفعت راسي شفته فهد ابتسم بوجهي وسحب كرسي وكعد بدون استأذان سكتت اني ونشغلت برسمتي

فهد:كاعد اخابر بالحديقة وشفته وجه حزين وعيونه ذبلانه مبينه جانت تبجي مادري ليش حسيت لازم اخليه تضحك حرام تضوج لو تزعل حسيت  اني مسؤؤل عنه صراحه احساس حلو تقربت منه رفعت عيونه الي وبهذِ الحضه ايقنت مو بس نضراتي مااگدر اتحكم بيه حتى نبضات گلبي سحبت كرسي وكعدت سألته ليش هيج الحزن مسيطر على وجهج عكس اول مااجيت تركضين وتضحكين.

غرور:مابيه شي ،شكرا على سؤالك

فهد:شنو هاي الرسميه الي عايشه بيه انتي،شوفي صح اني اكبر منج بسبع سنوات بس عادي سولفيلي اذا مضوجج شي حتى لو متسولفيلي فضفضي الصديقاتج حتى ماتكتمين بداخلج ونفسيتج تتأثر .

غرور:ههه هوه اني منين الي صديقات بس رؤى ولگيته حاضرتني من كل البرامج بدون سبب .

فهد:اهاا يعني هذه الي مضوجج ،عبالي شي يسوه هسه انتي ضايجه على رؤى صلي صلاة شكر لان الله خلصج من بنت نوال هههه

غرور:اممم عادي اصلا اني مااهتم خلي تولي اني مااهتم الاكبر واحد

فهد:اي صراحه مبينه ماتهتمين هاي ماتهتمين وهيج عيونج مورمه من البجي ومكتأبة لو تهتمين شسويتي هههه

غرور:انت شعليك ابجي ازعل اضوج ليش تتدخل بيه هفف

فهد:والله مالوم صديقاتج من عافنج على هذه السانج بس سبب عمي دللج الحد ما خربج يلا تصبحين على خير😒

غرور:ونت من اهل الخير.يربي والله صدك اني لساني راح يخرب حياتي بس مااگدر اسيطر علي يلا شيريد يصير خلي يصير المهم مااخلي كلمه تبقه بگلبي