بوصلة المشاعر

البارت23

غرور:خلصت الحفله والعقد على خير ولبست البشت والحجاب وطلعت بالحديقه حتى اروح وي بابا.

رامي:هلا غندوره تعالي ويانه اني وفهد خلي نوصلج .

غرور:هههه شنو غندوره هذه اسم جديد الي طلعته،لاشكرا ماريد اتعبكم اروح وي بابا.

رامي:عوفي الرسميات وتعالي يلا والله افتحلج الاغاني الي تحبينه.

فهد:رامي عوفه براحته يلا تعال وراي ماريد اتأخر عندي شغل.

رامي:غندوره هذه اخر جواب يعني ماتريدين تجين وياي.

غرور:هههاي اخر جواب ،يلا ماريد اخركم باي .

ادهم:هاا بابا غرور يلا خلصتي نروح.

غرور:اي بابا انت اسبقني للسياره واني راح اروح اسلم على عمه راويه بسرعه واجي.

ادهم:يلا حبيبتي مو تتأخرين.

راويه:غرور عمه بعد وكت وين رايحه.

غرور:عمه والله تعبانه ،وبابا منتضرني بره .

راويه:حبيبتي تمام روحي وبس توصلين للبيت اتصلي عليه اريد اتكلم وياج.

غرور:تمام عمه. طلعت وشفت عمو محمد و فهد ورامي واكفين يم بابا يسولفون بعدهم ماراجعين للبيت اني عفتهم وگعدت بالسياره انتضر بابا سندت راسي على كرسي السياره وغمضت عيوني احس نفسي مخنوگه
فتحت عيوني بتعب شفت فهد صافن عليه ويدخن جگاير جانت نضراته غريبه بالنسبه الي اول مره بحياتي مااگدر افسر نضرات فهد بس جانت قريبه للعتب او خيبة الامل ماگدرت اتحمل نضراته اشرت البابا حتى يجي ركب السياره بابا ومشت السياره واني متأكده نضراته تراقبنه بعدهِ.....

ادهم:بابا غرور شبيج حبيبتي .

غرور:ابتسمت البابا بتعب ،لابابا مابيه شي بس تعبانه شويه..

ادهم:كانت غروري الله يرحمه اذا احد يضوجه لو تتأذه من موقف معين ابدآ ماتگولي ولاتشكي بس جنت اني افهمه بدون ماتحجي لان عيونه تفضحه ونضراته اني حافضه ،انتي ولحسن حضج صارن عندج عيون الماما بالضبط سبحان الله ونفس النضرات رباط كلامي ياغرور لاتحاولي تخفين عليه شي اني ابوج وامج نفس الوقت شوكت ماتحبين تفضفضين الي اني اسمعج تمام حبيبتي.

غرور:بابا احس نفسي مخنوگه ماادري شبيه .

ادهم:وحيدتي مخنوگه وضايجه واني موجود هسه نرجع للبيت نغسل ونغير ملابسنه ونتعشه ونگعد نسولف منا للفجر ههه ها متفقين .

غرور:متفقين هههه.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،