بوصلة المشاعر

بارت 27

ادهم:جنت احس الارض مو سايعتني من الفرحه لان سمعت صوت بنتي واطمنت على غرور لما ضليت مااسمع صوت صراخه من الالم وكفت يم باب الصاله وعيوني منتضره الدكتور تطلع وتبشرني بسلامه زوجتي وبنتي....

الدكتوره:وين ادهم يعقوب...

ادهم:اني ادهم دكتوره بشريني زوجتي زينه اگدر ادخل اطمن عليه..

الدكتوره:البقيه بحياتك لأسف زوجتك صار عنده تمزق في الرحم بسبب التقلصات القويه .لكن الحمد الله البنوته بصحه جيده...

ادهم:انتي شنووو گاعد تحجين لادگولين البقيه بحياتك لاااا غرور وعدتني ماتعوفني ...

راويه:سمعت كلام الدكتوره واحس الدنيا صارت ضلمه بعيني دموعي ضلت تنزل مثل النار على وجهي بدون مااحس سمعت ادهم ضل يعيط على الدكتوره ويغلط ركضت علي...ادهم فدوه اسكت

ادهم:ولج شلووون اسكت لج راويه غرور راحت من ايدي غرور ماتتت تعرفين شنو ماتت ..دفعت راويه ودخلت الصاله العمليات احس جسمي كله يرجف تقربت منه مغطين وجه بغطى ابيض سحبته من وجهه غروور حبيبتي اكعدي غرور اكعدي لاتكسريني غرور والله ماشبعت منج لج غرور شلون تعوفيني اني وبنتج بهذه السهوله اكعدي ...خليت راسي علي صدره وضليت ابجي مثل الطفل احس نفسي وگعت من السماء للارض
غرور انتي وعدتيني ماتعوفيني وحدي غرور سجلت البيت بأسمج ردت اسويلج مفاجئه بس دگومين بالسلامه حبيبتي فدوه اگعدي خلي ناخذ طفلتنه ونروح البيتنه ....

راويه:اسمع كلام ادهم وازيد بالبجي صديقت عمري وزوجت اخوي ماتت هيج اووف ياادهم شلون راح تتحمل هذه المصيبه ...تقربت منه ادهم اخويه حبيبي گوم مايصير هيج تجزع گول يالله وترحمله گوم ابويه ومهند ومحمد منتضرينك بره ...

ادهم:ضليت مااسمع اي شخص بس حاضنه وابجي مااعرف شنو اسوي ماگاعد استوعب الي صار دخل مهند ومحمد سحبوني منه بصعوبه....اتركوووني تريدون تاخذونه مني عوفوني ولكم شلوون ارجع للبيت بدونه ...

راويه:خلصنه اجرائات المستشفى واخذنه غرور للمغسل ودخلت اني غسلته وكملنه وتجهنه للنجف الاشرف وادهم منهار تمامآ اول مره بحياتي اشوف ادموع ادهم وهيج حالته حتى من توفت امي ماسوه هيج گاعد يحفرون بقبره وهوه بس صافن ودموعه تجري ويگول كلمات مو مفهومه ...

ادهم:لا اكيد هذه كابوس هسه راح اگعد واشوف غرور گاعده يمي وبحضنه بنتنه لا لا شنو هاي الحفره لا غرور تخاف من الضلمه ماتحب المكان الضيق لا غرور نضيفه ليش تخلونه بالتراب ليش تريدون تغطون وجه الحلو بالتراب مستحيل اعوف حبيبتي هنا وحده لا مستحيل تخاف هنا مااعوفه وحده غرور لاتخافين اني يمج  مااعوفج ......

راويه:ادهم فدوه خويه گوم لاتعذبني اكثر غرور توفت الله يرحمه مايصير تسوي بنفسك هيج ..

يعقوب :ابني اسمع كلام اختك وگوم ويانه مايصير تبقه هنا شنو تخلص عمرك بالمگبره ياابني يلا گول يالله وتعال ويانه...

ادهم:عووفوني انتم روحو مستحيل اعوف غرور هنا وحده روحوو ..

محمد:يابه روحو انتم واني راح ابقه يمه باليل نرجع سوه..

،،،،،،،،،،،،،،،،،،،،،،،،،،،،،،،،،،،،،،،،،،،،

راويه:رجعنه للبيت بقيت ابجي كل مااتذكر غرور ..

هاله:راويه شوفيلي حل وي بنت ادهم تبجي تريد ترضع وماتريد الممه ....

راويه:لج غرور تعالي وين عفتي بنتج تعالي رضعيه بدليله صارلج شگد منتضره هاي البنيه تالي تعوفينه اووف تعالي هاله انطينياه وروحي انتي ارتاحي...بقيت احاول الحد ماگدرت اشربه حليب بالممه ...

فهد:عمه خليه بحضني ماما ماتقبل تنطينياهَ،

جعفر:لاماما خليه بحضني اني ..

فهد:لا اني گلت العمتي قبلك لاتقلدني.

راويه:اششش روحو نامو يلا ومحد يتقربله بعدهِ زغيره .

فهد:يلا رتاحيت هسه اروح انام احسن .

جعفر :ماما شفتي فهد ضربني..

راويه:شلون بيكم اليوم ترى مالي خلك ناموا وماريد اسمع الكم صوت مفهووم.