بوصلة المشاعر

البارت 37

ادهم:يلا تصبح على خير راح انام كم ساعه..

فهد:تنام؟

ادهم:اي انام شبيك ..

فهد:سلامتك اني طالع بالحديقه اشتم هوى..........گعدت بالحديقه واني فكره تجيبني وفكره توديني وبس دخان الجكاير احس بي يفهمني بقيت گاعد الى ان شفت خيط الفجر بين...

ادهم:فهد انت شوكت گعدت من النوم!

فهد:ليش اصلا اني نمت ..

ادهم:تعال خلي نفطر حتى نروح للشركه وانشاء الله اليوم كل شي ينحل...

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

غرور:بقيت گاعده واني مااعرف هسه صبح لو ليل الغرفه ضلام احس اعيوني اذتني لان ماكو اي ضوء لحضات وسمعت انفتح القفل مال باب الغرفه اني بسرعه ضميت وجهي بين رجليه وتقربت اكثر من الزاويه الگاعده بيه ..

محمد:اگعدي اكلي وانشاء الله اليوم اخلص منج ..

غرور:اسمعه يتكلم بس مارديت علي ولاتحركت ولانطقت اي حرف..

محمد:اعرف بيج گاعد تسمعين لاتتجاهليني فهمتي گومي يلا ..

غرور:اسمعه بس مااكدر اتكلم ولااكدر اتحرك احس صار عندي دوران احس الارض الگاعده عليه تتحرك مو ثابته بحيث اذا اگوم اكيد افقد توازني......ياحيوان اترك شعري

محمد:اخاف نسيتي انتي وين حبيت اذكرج انتي عندي فهمتي مو بيت ابوج حتى تتصرفين وياي هيج..

غرور: گلتلك اترك شعري ياكلب ....سحبني من شعري الى ان وگفت مقابيله مااعرف شلون صارت عندي الجرئه والقوه ثنيت رجلي وضربته بكل قوه عندي ابطنه ...

محمد:اني اعلمج يابنت ادهم النذل خاف ابوج مامعلمج بسيطه ...

غرور:صح اول مره كنت خايفه منه بس هسه شنو يريد يسوي خلي يسوي مو خايفه والضربه ارجعه اله عشر ضربات والغلطه ارجعه اله اضعاف ....راح هوه يفتح ضوء الغرفه بس انتبهت اليوم جايين وياه ثنين حراس نفسهم الي ركضوا وراي اول مره ...اول مانفتح الضوه خليت اديه على وجهي لان مااگدر افتح اعيوني..

بعد مافتح الضوء محمد تقرب من غرور وضربه كف رج صدى صوت الضربه بأنحاء الغرفه رفعت غرور وجه اله بعد مانزف انفه ...

غرور:انت شلون تتجرئ وترفع ايدك عليه ياحقير انت منوو حتى تضربني بصفتك شنوو تحاسبني على غلط اني مارتكبته روووح صفي حساباتك وي ابوي الي تركني بأيدك ياجباان اكرههكم اكرهكم حتى ابوي اكره وكرهت نفسي حسبي الله ونعم الوكيل عليكم..،،.