بوصلة المشاعر

بارت47

رامي: والله اني اليوم اجيت هنا حتى اشوف عمي ادهم وهم اشوفج لان حيل مشتاقلكم بس مامقسوم اشوف عمي يلا خيره بغيره.. يلا عيني استاذ فهد خلي نروح ورانه شغل..

غرور: لا ويين تروحون والله بعد وكت شنو سالفتك يارامي اگعد شويه شنو من شغل عندك بهذه الوقت..

رامي: والله ورانه انروح للحلاق ونرجع للبيت نجهز نفسنه وبعدين نروح البيت عمتي نشوف جعفر شنو محتاج تعرفين بعد انتي لازم نوگف وياا... ولو وين تعرفين انتي اذا قاطعه علاقتج وي الاقارب كله ههههه.

غرور: هاااا رامي بدينه شنوو قصدك يعني اني مااعرف بالاصول مووو.

فهد: لايابه شنوو متعرفين بالاصول احترم نفسك رامي لك هذه غرور على گد ماتعرف بالاصول ومعدله رادو يغيرون شيخ عشيرتنه ويخلونه مكانه هيه الشيخه ههههههه.

رامي: والله عمي زين وبعدين صارت شيخه لولا؟

فهد: لا والله حرامات هيه رفضت گالتلهم عندي دراسه واخاف انشغل اذا صرت شيخه.

رامي: لااااا حرامات والله...

غرور: اسلوبهم بالكلام يخلي اكبر شخص مايگدر يكتم ضحكته بس برغم هذه سويت نفسي كلامهم ميهمني.... على فكره مسرحيتكم هذه ماتضحك..

فهد: دطلعي ضحكتج لاتختنگين هههههه.

غرور: هههههه والله مااتحمل بعد ههههه شكلكم وانتو تتكلمون هيج يضحك اكثر من سوالفكم..

رامي: يلا عمي اهم شي تضحكين حتى لو على شكولنه مو على سوالفنه..

فهد: اي والله اهم شي تضحين واشوفج فرحانه.. أاقصد يعني كلنا نشوفج فرحانه ووو..

رامي: هههههه وكت الي خله فهد من يسولف جمله يتلكئ وينحرج وتضيع اعلومه.

فهد: شبيك رامي اسكتت.. اني اعلمك بس خلي نطلع بره البيت..

غرور: شبيكم تتشاورون سمعوني وياكم اني مو غريبه هههه.

فهد: لاماكو شي بس گالي خلي نروح وگتله لا ننتضر عمي ادهم حتى منخليج وحدج بالبيت..

غرور: اي والله ابقو مااحب ابقه وحدي بالبيت..

فهد: لااكيد نبقه يمج مانتركج وحدج بالبيت..

رامي: امري الألله شسوي انتضر عمي ادهم وياكم..

غرور: واني اگول علاوي ابنك السانه طويل على منو طالع اثاري ماخذ الوراثه من البابا ههههه..

فهد: يمعوده هوه بس البابا حتى الماما مو قاصره سوالفه عباره عن قصف جبهات وياريته تقصف عدل هههه.

رامي: شگد متستحون مگابليني وتحجون عليه وعلى زوجتي بله هسه زوجتي يطبه مرض بس اني لا والف لا مااقبل على نفسي.