طلع فهد كعد بسيارته ينتضر بابا وعافني اغرق بأفكاري الي حاوطتني من كل جهة اني شلون راح اسافر وحدي شلون اخلص سنوات بالغربه واني وحدي .بعدين ضحكت على اساس اني هسه منو وياي اصلا اني خلصت عمري وحيده مو شي جديد عليه ماما عافتني واني رضيعه ومشايفته بس بالصور بس من كبرت حسيت بفراغ الام بحياتي كل مااشوف حنان الامهات على بناتهم احس بغربة بداخلي مرات احس نفسي ضايعه محد ينصحني محد يوجهني للطريق الصح عمري كله واني اواجه مشاكلي بنفسي واحله صح بابا ممقصر وياي ويحبني ومايرفضلي طلب بس مايوصل الحنان الام واصلا كل وقته للشغل ويسافر ابقه ايام مااشوفه وماعنده وقت يسمع مشاكلي الي بالنسبه اله تافه اتذكر كم موقف مر عليه واني بأمس الحاجه الامي ومااگدر اگول البابا عن بعض الاشياء لان اخجل ماعندي خالات وعمتي متزوجه ومشغوله ابيته صح تحبني وتسأل عني بس اني من النوع الي اكتم بداخلي مااحب احد يعطف عليه او احس اني محتاجه الاحد زوجات عمامي اني مو قريبه عليهن ونوعآ ما يكرهوني لأن جانت علاقتهن وي ماما مو تمام وخصوصآ وي زوجت عمي مهند نوال لان كانت اخته تحب بابا ومن زوج امي تأذت والحد الان اخته ممزوجه بس هاي المشاكل كله اني مالي بيه ذنب حتى تكرهني ..حسيت البرد دخل لعضامي خلي اصعد الغرفتي احسن بس قبل مااصعد فتحت الباب شوي وسرقت نضره السياره فهد شفته واكف ومتكي عليه ومقابيله واكف بابا ويسولفون مادري بنفسي اني شگد مر وقت واني صافنه عليهم بعدين انتبهت الفهد يباوعلي ومبتسم .يبوو نفضحت خلي ادخل اني مااتوب من هاي سوالفي لازم اخلي نفسي بهيج مواقف يربي صعدت اركض الغرفتي طفيت الضوه ودخلت تحت الحافي وبسرعه غفيت ....
فهد:طلعت بره انتضر عمي واني دمي يفوور لان شفته مصره على السفر دقايق وشفت عمو ادهم اجه بسيارته من شافني ابتسم ونزل سلم عليه وبعدين سولفنه بخصوص الشغل بس شد انتباهي شخص فاتح الباب شويه ويسرق النضر النه اني وعمي مادري شلون ابتسمت لااراديآ من شفته وهيه انتبهتلي وبسرعه دخلت للبيت هاي البنت تشدني اله بشكل مو طبيعي مادري شبيه من اشوفه اصير غير مسؤل عن تصرفاتي .
ادهم:فهد گاعد اتكلم وياك وين شارد بالك .
فهد:اعذرني عمو بس شوي تعبان اليوم .
ادهم:تمام مدامك تعبان روح للبيت ارتاح وباجر بالشركه نكمل لان اني هم بردت .
فهد:تمام عمو تصبح على خير .
ادهم:وانت من اهل الخير ،انتبه للطريق لاتسرع .
............................................
غرور:گعدت الصبح من النوم واني بالگوه فاتحه عيوني واسمع رند دكولي السايق منتضرني بالباب حتى اروح للمدرسه شفت الساعه بثمانيه ونص متأخره حيل يربي مادري شبيه احس جسمي كوله متكسر ومااكدر حتى اوكف احس نفسي مختنگه وعيوني بيه دموع على گد مامصخنه مااكدر افتحهم اشرت الرند ادكول للسايق يروح وخطيه هيه جابت مقياس الحراره لكت حرارتي كولش مرتفعه رجعت نمت لان ماعندي طاقه اكوم
رند:غرور اگعدي سويت شوربه حاره اكلي شوي حتى تگدرين اشربين علاج،
غرور:گعدت شوي شربت شوربه وبعديت اخذت خافض حراره ورند سوتلي كمادات ..وسألته على بابا وين
رند:طلع من الصبح للشركه وهوه مستعجل حتى مااكل فطور.
غرور:ياربي ساعدني احس الصخونه تاكل بعضامي ضليت ساعه اموت من البرد وساعه اختنك من الحراره وجسمي يرجف بالحالتين بقيت على هذه الحاله الحد ماغفيت واني اهذي بكلام مامفهوم
.................................
رؤى:تفاجئت من شفت غرور اليوم مامداومه اجت مدرسه الرياضيات وزعت النه اروراق الامتحان الشهري الصف كوله راسب واني ماخذه 15\100 اني عادي عندي لان اول وتالي راح ابطل ومااكمل ماهتميت صاحت المدرسه غرور ادهم وينه وكفت اني گلتله ست غرور اليوم غايبه انطيني ورقته گالتلي المدرسه وهيه رافعه حاجبه وحضرتج منو حتى انطيج ورقته گلتله ست اني صديقته وبنت عمه واخيرا هيه انطتني ورقته واني الفضول موتني حتى اشوف درجته صفنت على درجته وني مبتسمه بفرح شفته ماخذه 45\100هههه واخيرا لزمت عليج شي والله اذا مااشوفه العمو ادهم مااتسمى رؤى....
............................
فهد:اليوم سيارتي صار بيه بنجر وماكدرت ارجع بيه شافني عمو ادهم واصر اروح ويا للبيت نتغدا رفضت بشده بس هوه ماقبل گالي ازعل اذا مااجيت وياي صعدت ويا بسيارته ...عموو هذه مو طريق البيت
ادهم:اي اعرف اريد اروح المدرسه غرور ارجعه للبيت وياي اعرفه تفرح بس تشوفني اجي المدرسته .
فهد:من سمعته اني فرحت عدلت گعدتي وصلنه المدرسته البنات كوله طلعت وغرور ماكو ردت انزل اشوفه وين صارت جان اشوف رؤى من بعيد وهيه مبتسمه بخبث .اجت يمنه سلمت عليه وراحت الجهة عمو ادهم سلمت علي وگالتله.
رؤى:عموو خير ليش اليوم غرور غايبه فاتته هواي دروس وحتى المدرسات ماقبلن وضلن يحجن عليه لان تعرف هيه سادس لازم تعوف الاهمال.
ادهم:شنو تحجين انتي غرور مغايبه.
رؤى:لاوالله عمو هيه غايبه قابل اجذب عليك والله اني حيل مقهوره عليه لان مستواه حيل نازل مااعتقد تدخل بكلوريا السنه،
ادهم:شنو مستواه نازل دائمآ اسأله دكول زينه واشوفه تقره ليل ونهار
رؤى:اي صح خطيه تتعب وتقره بس يمكن باله مو يم الدراسه ..يلا المهم ماريد اأخرك تفضل عمو هاي ورقته مال امتحان الرياضيات راسبه..يلا مع السلامه
فهد:حسيت دمي ضل يفور من شفت حقاره رؤى هسه عرفت شگد تكره غرور شلون حرضت عمو على غرور بدقايق .شفت وجه عمو ادهم شلون احتقن وعصب حيلل الله يعين غرور بس يلا هوه يحبه اعرفه مايضوجه
ادهم:السبب كوله بيه اني دللته زايد ماجنت ادري بيه هالگد مهمله .
........................................
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
