بوصلة المشاعر

البارت34

ادهم:هاا فهد وصلت غرور للبيت ؟

فهد:انتضرته ساعه كامله وماطلعت من المدرسه دخلت سألت عليه گالولي اول وحده هيه طلعت من قاعة الامتحان..

ادهم:اني شفته متصله عليه هواي بس كنت بالاجتماع يمكن راجعه للبيت بتكسي لان تأخرت عليه..

فهد:اي يمكن...

ادهم:تعال وياي للمكتب خلي نخلص شغلنه...

...............،....،..............

غرور:مشت السياره واني گلبي ممرتاح لهذه الشخص يربي شگد غبيه اني شلون اصعد وياه بالسياره واني مااعرفه وحتى مامتأكده من ابويه مشت السياره بسرعه مو طبيعيه بالحضه انتبهت هذه مو طريق بيتنه ،،،شلون اخلص نفسي من هذه الورطه بقيت هادئه وماحجيت وي هذه الشخص لان خفت يأذيني كل لحضه يرفع عينه بالمرايه يتأكد ان اني مااحس علي شفت خفف السرعه اعتقد وصل للمكان الي يريده منطقه سكنيه بس البيوت البيه جدا فخمه وكبيره لما اتأكدرت هوه خفف سرعة السياره اني بسرعه فتحت الباب وسحبت جنطتي وركضت...مااعرف شلون اجتني هذه القوه والسرعه ماعندي خيار ثاني غير هذه ركضت واحس رجليه بدت تتخبط من التعب بالحضه حسيت شخص سحبني من ايدي بقوه لزمت الجنطه وضربته على عيونه بس مع الاسف شفت اربع اشخاص اجوا وياه  يتقربون مني بحذر الى ان تقرب واحد منهم وبحركه ماحسيت بيه خله قطعه قماش على خشمي بعده ماحسيت بأي شي ..

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ادهم:رجعت للبيت واني تعباان گعدت بالصاله انتبهت البيت هدوء تفاجئت اليوم اخر يوم امتحانات الغرور يعني اقل شي تسوي تحتفل لو تجي يمي تطالبني بطلعه لو تسولفلي على الامتحان ..رنددد رنددد

رند:نعم بابا،،

ادهم:اصعدي ناديلي غرور كوليله تعالي اتغدي واذا ماقبلت گوليله بابا يريدج...

رند:......

ادهم:شبيج اتحركي يلا ليش صافنه بوجهي..،

رند:بس غرور ماموجوده بالبيت..

ادهم:شنوو ماموجوده وين طلعت ..

رند:هيه اصلا مارجعت من المدرسه حتى تطلع..

ادهم:انتي شنو گاعد تحجين ليش مااتصلتي عليه شايفه الساعه هسه بال2 والمفروض هيه من 11بالبيت ..

رند:مااعرف ضنيت هيه وياك طالعه،.

ادهم:لااله الا الله ...الوو فهد

فهد:هلا عموو...

ادهم:انت شلون گلتلي غرور رجعت للبيت لك الحد الان ماراجعه من المدرسه..

فهد:عموو شنو گاعد تحجي شنوو مو بالبيت اتأكدت زين خاف طالعه وي صديقاته ...

ادهم:اي صديقات هيه اصلا ماعنده صديقات وماتروح الاي مكان قبل مادگولي راح اروح المدرسته اسألهم...

فهد:تمام اني راح اسبقك للمدرسه ....

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

هاله:اهلا وسهلا تفضلي عيني ام احمد..

نوال:زاد فضلج حبيبه..

رغد:شلونج عمه ام رامي..

هاله:الحمد الله صرت زينه من شفت اولاد ابني بخير تعرفين ياست رغد ذوله احفادي مثل اغلا من الهوى عندي..

رغد:عمه والله اني اعتذر بس تعرفيني اعصابي تالفه وهمه وكحين حيل تعبوني وبعدين اني امهم من اضربهم مو معناته اكرهم اكو ام تكره اطفاله...

هاله:لاماكو ام تكره اطفاله بس اكو ام تتحملهم وتربيهم وتعلمهم بهدوء مو بالضرب هوه الضرب لو يعلم جان شفتي الحيوانات هسه دكاتره...

نوال:ياعيني لاتكبرين الموضوع رغوده اعتذرت وبعد ماتضربهم وتتحكم بأعصابه بس انتو هم شويه خفوو عليه ترى هيه صغيره بعده وهم تحتاج واحد يعلمه ويوجه...

هاله:اشربي الجاي عيني ام احمد قبل لا يبرد...

رغد:من رخصتكم صاعده الغرفتي .....

......................................

ادهم:السلام عليكم ..

المدير:وعليكم السلام اهلا ....

ادهم:اني ولي امر الطالبه غرور ادهم ...

المدير:اهلا استاذ ادهم تفضل اگدر اساعدك بشي...

ادهم:اريد اسأل عن بنتي اليوم اجت تمتحن والحد الان ماراجعخ للبيت...

المدير:شلون الحد الان مراجعه للبيت الدوام الصباحي انتهى ولان بدء الدوام المسائي وحضرتك هسه يلا جاي تسأل ....

فهد:استاذ لاطوله وهيه قصيره اكو كاميرات بالمدرسه..

المدير:نعم اكو كاميرات ...

فهد:وشنو منتضر رجع الكاميرات التوقيت الصبح وخلي نشوف بسرعه...