فهد:وصلنه للبيت واني كل مااشوف عمو ادهم معصب اشيل هم الغرور خاف يزعله بكلمه مادري حسيت اريد اضمه بگلبي ماريد احد يزعله .
ادهم:رند ناديلي غرور بسرعه.
رند:بابا بس غرور نايمه وماا تگدر...
ادهم:بدوون بس روحي ناديه الي بسرعه
غرور:ماادري نايمه لو گاعده مااحس انفي محتقن واطرافي ترجف وصداع بردانه وبنفس الوقت جسمي نار سمعت رند گالتلي بابا يكول خلي تنزل بسرعه گلتله گلتي البابا اني مريضه
رند:لا
غرور:تمام حبيبتي نازله وراج.
رند:تحتاجين مساعده خاف ماتگدرين
غرور:ابتسمت بوجه واشرتله بمعنى مامحتاجه مساعده ساعدت نفسي اتجيت على الحيطان حتى امشي للحمام اغسل وجهي عسى ولعل شوي اصحصح غسلت وجهي ورتبت شعري ونزلت واني لابسه بجامة النوم لان ماسيطرت ابدل ملابسي شفت الدرج احسه صار عليه الف درجه امشي شوي واوكف اخذ نفسي والرجفة مال جسمي مااكدر اسيطر عليها بس اريد اوصل البابا حتى اروح الحضنه صعبه من تحس بتعب وتحس نفسك ضعيف ومحد يمك جنت بس اريد اوصل البابا ..
فهد:شفت غرور تمشي شوي وتوكف ومبينه تتنفس بصعوبه وجه احمرر ولازمه المحجر مالة الدرج بقوه كأن اذا فلتته من ايده توگع التفتت العمو شفته مامنتبه الغرور بس لازم ورقة امتحانه ومركز على الدرجه وشكله مايطمن ..
ادهم:حسيت بيه نزلت ووكفت مقابيلي بس مارفعت عيوني اله وماشفته لان ادري بيه تضوج اذا مانتبهت اله واصلا جنت جدا مزعوج من تصرفه گلتله..عفيه بابا غرور عفيه بنتي الي جذبت عليه وگالتلي درجاتي عاليه عفيه بنتي الي عاندت اخواني علمود مااضوجه عفيه ابنتي الي مامقصر وياه بشي وهيج اجذب عليه تغيب وتضرب الدوام بعرض الحايط والمدرسات كله تشكي منج ومن كسلج هيج تفشليني موو
غرور:كنت منتضره بابا من يشوفني يفز الي ويحضني ياخذني للدكتور يسألني اذا جنت زينه لو لا يتندم لان عايفني بالبيت انازع من الصخونه الي ماترحم جسمي الضعيف هوه يعرفني اني مو مثل اي شخص اذا صارت بي صخونه عادي لااني اذا صخنت انتهي وادخل مستشفى لان صخونتي داخليه تصير بعضامي ..سمعته ضلي يحجي عليه ويرزل بيه على مستواي الدراسي واني اصلا مستواي زين ودرجاتي متنزل عن الثمانين بس بأخر امتحان مال الرياضيات ماجنت ادري بي قريت عربي ابدال الرياضيات واصلا المدرسه وعدتني تعيد الي المتحان ...انقهرت حيل ضليت صافنه على بابا واني اشوفه بشكل مغوش مو واضح واسمعه يسولف بس مااكدر افهم كلامه لو اميزه عيوني يصعدن وينزلن ضلن بالحضه حسيت طاقتي انتهت ورجليه استسلمن وگعت على طولي وبعده ماحسيت بأي شي.....
فهد:اشوف عمي حيل قسى على غرور وهيه ماحجت ولاكلمه مادافعت على نفسه ولاحتى بررت واني اعرف غرور كلش زين مو من النوع الي تسكت عن حقه اكيد بيه شي بالحضه شفته ادور على شي تسند نفسه وعيونه تصعد وتنزل وگعت بدون سابق انذار احس نفسي اتجمدت مااكدر اكوم اشيله شفت عمو تفاجئ من شافه متمدده گدامه مثل الجثه ضل عمو ينده بيه بقوه يريد يصحيه بس ماكو اي استجابه منه ركضت بسرعه شلته واني مااحس بأي شي ومااشوف بس هيه گدامي فتحلي عمي ادهم سيارته صعدته ورى وعمو نومه بحضنه واني سقت السياره للمستشفى.
ادهم:بابا بس گومي شتردين يصيرلج انعل الدراسه ساعه السوده الي شفت بيه بنت مهند اول تالي اني اقسى عليج هيج باباتي بس افتحيلي عيونج ولج بس انتي بقيتيلي من حبيبتي والله مااخليج تعوفيني وتروحين وراه
فهد:اسمع كلام عمو ادهم واحس الدموع اتجمعت بعيوني شگد يحبه ويخاف عليه مااكو اب بالدنيا متعلق ابنته مثله مستحيل هذه الرجل القوي والمتماسك الكل يخاف منه اول مره اشوفه هيج منهار والندم بعيونه وصلنه للمستشفى اخذنه الممرضات من عدنه فحصه الدكتور شاف حرارته 40ْ گال لتخافون شوي بس يبدي مفعول الابر راح تنزل حرارته وتستعيد وعيهة انتبهت العمو شفته گاعد وساند راسه على الكرسي اجت ممرضه فحصته ولگت صاير عنده هبوط بالضغط خطيه حيل خاف على بنته هذه كله من بت نوال الحيه اني اعلمه ....
عمي ادهم اخذته الممرضه بغير رده حتى يوازنون ضغطه وهوه هم تعب شويه ردت اروح ويا بس مقبل گالي ابقه يم غرور.
غرور:احس بصداع قوي فتحت اعيوني شوي بس ماگدت ناديت بابا .
فهد :هاا بابا شنو يأذيج شلون صرتي
غرور: بابا اريد مي عطشانه
فهد:ههه يربي هاي عباله ابوه يلا خلي اعيش الدور على مايجي عمو ادهم.شربته مي ورجعت نامت بس جسمه كوله يرجف انتبهتله حتى حجاب ملابسه لابسه تراك ابيض ومرسوم بي بطوط اصفر ههه بس عجبني هسه البنيه بيا حال واني صافن على البطوط...
غرور:الحمد الله مرت على خير بعدني مصخنه شويه بس على الاقل گدرت امشي واتكلم رجعنه للبيت الساعه بال5العصر خطيه فهد جان ويانه مادري بي شوكت اجه واني كفشتي شگده ولابسه بجامة النوم يربي رحت للمستفى واني بهاذي البهذله يلا عادي قابل يريد يخطبوني ههه
أنت تقرأ
بوصلة المشاعر
Chick-Litانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
