بوصلة المشاعر

البارت33

غرور:مشت الايام طبيعي وبدت امتحاناتي النهائيه وبقيت بس اقره اسهر للفجر وبابا يوصلني للمدرسه ومرات فهد يوصلني اذا بابا مشغول ..........

ادهم:صباح الخير .

غرور:صباح النور بابا..

ادهم:اليوم شعجب گاعده من وكت..

غرور:ليش اني اصلا نمت حتى اگعد بقيت من امس لليوم گاعد اراجع وبنفس الوقت فرحانه لان هذه اخر امتحان..

ادهم:عفيه بنيتي الشطوره بس اليوم شنو امتحانج ..

غرور:اقتصاد وشويه صعب خايفه ...

ادهم:لاتخافين انشاء الله الاسئله سهله وتجاوبين..

غرور:الله يسمع منك ..

ادهم:يلا تعالي اوصلج للمدرسه حتى ماتتأخرين ..حبيبتي غرور اليوم عندي شغل يمكن اتأخر عليج احتمال ادزلج فهد يرجعج للبيت...

غرور:تمام بابا.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

هاله:السلام عليكم ..

نوال:خيير نشاء الله ،شنو هالصلافه تتصلين بعد الي سواه ابنج ..

هاله:اتصلت عليج حتى نتفاهم ثمني كلامج وياي وتكلمي مثل الاوادم انتي تعرفين رامي مايهمه اي شي واذا الموضوع كبر يروح للمحكمه يطلق بنتج بدون تردد..

نوال:يطلقه وهيه عنده اثنين اطفال ؟

هاله:هههه على اساس هيه مهتمه بالاطفال لو تحبهم نوال ماكو وحده تعرفج انتي وبناتج اكثر مني ماتحبون غير نفسكم ومصلحتكم ..،

نوال:انتي شنو متصله عليه حتى تتكلمين عليه وعلى بناتي لو حتى تعتذرين على سواد وجه ابنج..

هاله:نوااال ثمني كلامج وياي واحترمي نفسج لا اني ولاابني نعتذر باجر العصر تجيبين بنتج وتخلينه تعتذر من رامي لان غلطت علي وشتمته وضربت الاطفال وخلتهم يخافون من خيالهم واحمدي ربج اتصلت عليج وگلتلج رجعي بنتج...

نوال:واذا مارجعته شنو تسوين ياست هاله...

هاله:قسم بالله يانوال اني صارلي سنيين طويله متحمله عليج وسوالفج القديمه مثل الموس ابلعومي لااگدر ابلعه ولااگدر اطلعه اذا مارجعتي بنتج وتبدين بالمشاكل وتخربين بيت ابني والله الافضحج وطلع اسرارج كله واوديج ورى الشمس ...مع السلامه...

،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،

ادهم:فهد شوكت يخلص الاجتماع ..

فهد:ساعه ب1ضبط يخلص واحتمال اكثر..

ادهم:تمام انت روح الغرور وصله للبيت لان ماأمن بأحد يوصله .لو اني لو انت ..

فهد:حاضر محتاج شي قبل مااروح ..

ادهم:اي بس جيبلي كم ملف من مكتبك ..

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

رامي:انتي شلوون تتصلين بنوال وتطلبين منه ترجع رغد منو گالج اني اريده ترجع ..

هاله:لاترفع صوتك على امك وبعدين هاله لازم ترجع انت ماتفكر بأطفالك شلون راح يشتتون اذا افترقو امهم وابوهم..

رامي:وعلى اساس امهم شلون مهتمه بيهم وتحبهم اصلا همه يخافون منه ويرعبون من يشوفونه لان محلصته بس تضرب بيهم يمه رغد مريضه نفسيآ ..

هاله:لاتتكلم بهذه الطريقه على زوجتك ،وبعدين انت تعرفه كلش زين تعامله مو حلو وي الاطفال شلون تخليه عند اهله وانت ماتعرف شنو تسوي بيهم على الاقل هنا احنى يمه ونمنعه من ضربهم ..

رامي:والله مااعرف شنو اسوي ورطتيني بيه ماكو بهذه العالم بس رغد تخطبينه الي لو باقي بلا زواج احسن الي ...

هاله:لاتضوج نفسك باجر تعتذر منك وكلشي ينتهي ..

رامي:لااريده ولااريد اعتذاره باجر التحق واخلص ، ..

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

غرور:خلصت الامتحان والحمد الله جاوبت كل شي سلمت دفتري للمراقبه وطلعت انتضر بابا حتى يجيني بالوقت ورى ربع ساعه وگفت سياره مضلله گدامي ونزل منه شخص لابس زي رسمي لونه اسود وعضلاته بارزه وشكله يخوف شويه ..

الشخص:انتي غرور ادهم حضرتج ..

غرور:نعم تفضل محتاج شي..

الشخص :لو سمحتي اصعدي وياي بالسياره..

غرور:خيير انشاء الله ليش حتى اصعد وياك بالسياره ..

الشخص:استاذ ادهم بلغني حتى اوصلج للبيت لان مشغول ومايكد يجي ..

غرور:تذكرت لما بابا كالي راح يتأخر عليه لان مشغول ،بس بابا مايدز شخص غريب يعني ليش مادز فهد يوصلني ..خلي اتصل على بابا اتأكد...هفف ليش بابا مايرد.

الشخص:لو سمحتي تأخرت يلا اصعدي بسرعه لان عندي شغل...

غرور:اسفه اخرتك ..تندل البيت لو ادليك ...

،،،،،،،،،،،،،،،،،،،،،،،،،،،،،،،،،،،،،،،،،،،،