بوصلة المشاعر

البارت29

ادهم:مرت الايام والشهور والسنين واني اربيج وصرت الج الام والاب والاخ والاخت وكبرتي وتفوقتي بدراستج وصرت افتخر ابنتي غرور الي كل مااشوف عيونه اذكر الانسانه الي حبيته بس فرقنا القدر وراحت بس تركتلي قطعه منه الي هيه انتي ياغروري...

غرور:بابا ابدآ ماكنت اتوقع انت تحب ماما الهذه الدرجه هسه عرفت ليش هاي السنين كله انت مافكرت تزوج ....

ادهم:الحمد الله على كل شيئ ،،يلا بابا اليوم سولفنه هواي شوفي الساعه صارت 2باليل يلا روحي نامي..

غرور:تمام بابا ،تصبح على خير.

ادهم:وانتي من اهل الخير بنتي..

غرور:صعدت الغرفتي واني احس ختنگت اكثر لما بابا سولفلي على ماما وعن علاقتهم وحبهم،، فتحت الشباك وبقيت اتأمل النجوم وهدوء الشارع والهوه البارد يضرب بوجهي غمضت عيوني وكلام فهد يتردد بعقلي اخاف من مشاعري تميل اله وبعدين اتندم ماادري ليش كنت خايفه من الحب بشكل مبالغ بي فتحت عيوني وردت اقفل الشباك واروح انام....شنوو مسحت اعيوني ورجعت نضري للشارع شفت فهد مستند على سيارته واگف مقابيل بيتنه عزززه هذه شجابه بهذه الوقت خاف بابا يشوفه يربي شنو اسوي لبست جاكيته فوگ بجامه النوم ونزلت امشي على اطراف اصابعي فتحت غرفة بابا شفته بسابع نومه سديت باب غرفته بهدوء وركضت للحديقه فتحت الباب مالت الشارع قليل حتى مايشوفني فهد الحمد الله مامنتبه عيونه على شباك غرفتي مادري شبيه احس گلبي يريد يطلع من مكانه بقيت صافنه علي بالحضه نزل جگارته بالارض وصارت عينه على الباب اني بسرعه فزيت سديت الباب بقوه يبووو يارب نشاء الله ماشافني حتى لو اعمى وماشافني اكيد سمع صوت الباب يربي شنو اسوي بقيت واگفه ورب الباب ماگدرت حتى اتحرك .....

فهد:اليوم غروري سهرانه اول مره تبقه لهذه الوقت بالعاده ضوه غرفته ينسد ب١١باليل طفيت الجگاره برجلي ردت ارجع للبيت سمعت الباب انسد بقوه اتفاجئت معقوله جانت تراقبني من ورى الباب تقربت بهدوء شفت اكو شي طالع من جوه الباب ركزت طلع شحاطة بيت على شكل ارنب على رغم العصبيه والكأبه والضوجه الي جنت بيه بس ضحكت بدون مااحس لما شفت الارنب مبين على اساس هيه خافيه نفسه هههه بقيت واكف مقابيل الباب وحيل قريب بحيث اذا نفتح تصطدم بيه ...

غرور:بقيت واگفه خلف الباب بدون حركه وبس اتنفس صار عندي فضول ارجع مره ثانيه افتح الباب واشوف بلكي راح ،اخذت شهييق وزفيير ارتاحيت شويه وفتحت الباب وياريتني صليت استخاره قبل ماافتحه...فتحت شويه شفت گدامي بنطرون رفعت عيوني شفته واگف مستند على الباب ومبتسم ....

فهد:غرور ههه

غرور:فف فهدد ههه صباح الخير..

فهد:مساء النور، شنو تسوين بهذه الوقت واگفه ورى الباب..

غرور:اممم طلبت اكل ومنتضرته يوصل...

فهد:الساعه ب3 باليل هسه اعتقد ماكو مطعم مفتوح بهذه الوقت..

غرور:شنوو تحقيق انت شعليك وبعدين انت شنو تسوي بهذه الوقت واگف مقابيل بيتنه ...

فهد:اولا هذه مو بيتج بيت عمي ادهم وثانيآ اني واگف بالشارع واعتقد الشارع مو ملكج ولاملك عمي فهذه شي مايخصج ويلا گدامي روحي نامي لااتصل على عمي واگوله عليج ومن يوصل الاكل اني اخذه لاشيلين هم هههه...

غرور:اوك اتصل على بابا ،يلا منتضرتك ...

فهد:شنو انتي ماتخافين من احد ...

غرور:لا مااخاف من احد لان بابا من رباني علمني احترم مو اخاف فهمت ياشطور ....

فهد:يلا ياشطوره روحي نامي باجر وراي دوام وسهرت من وراج....

غرور:اني شعليه روح نام قابل لازمتك...

فهد:مو كتلج ماانام الا اشوف ضوه غرفتج طافي واطمن..

غرور:احلام سعيده....سديت الباب بوجه واني احس طايره بالسما اجمل شعور بالحياة لما تحس اكو شخص عايش علمودك يحب ويهتم ويخاف ويقلق عليك،بس اسوء شعور بالحياة هوه لما يخيب ضنك بهذه الشخص الي كنت تعتقد هوه يفضلك على كل الناس ....بس مااعتقد يوم من الايام فهد يخيب ضني لو يخليني اندم على حبه صارت عندي ثقه بي لما شفت عيونه وهوه يتكلم وياي قريت نضاراته الي واخيرا اليوم اعترفت النفسي اني حبيت فهد.....صعدت الغرفتي فتحت الانستا ونشرت ستوري اغنية اليسا وبعده نمت بكل راحه.......