بوصلة المشاعر

البارت41

غرور:يربي اني صارلي كم ساعه نايمه هفف جوعانه ، رحت للحمام غسلت وجهي ورتبت شعري وملابسي ونزلت شفت بيبي گاعده هيه واخته..شنوو ماتشبعن من السوالف ليل ونهار گاعدات سوه وسولفن..

ام سامر:شنو تريدين من عدنه نسوي بله احنى عجايز ماعدنه لاشغل ولاعمل ماعدنه بس السوالف هههه..

غرور: تسمحلي انضم المجموعة العجايز هههه

ام غرور:تعالي بيبي تعالي گعدي يمي .

غرور:اكلج بيبي ميته من الجوع .

ام سامر:ماگعدتج من النوم للعشه لان شفتج تعبانه ونايمه هسه گولي للشغاله تسويلج عشه..

غرور:عمو محمد وينه؟

ام سامر:اووف اووف هذه شالع گلبي ..

غرور:ليش شالع گلبج شنو مسوي؟

ام سامر:صار عمره بالاربعين سنه والى الان لازواج ولااطفال راح يخلص عمره وهوه بس يشتغل يطلع الصبح ويرجع الفجر للبيت..

غرور:الفجر يرجع!!!

ام غرور:اي بيبي الفجر خطيه عنده شغل هواي بس ليش سألين علي..

غرور:هههه مجرد سؤال لان شفته مامنضم المجموعه العجايز الحلوه ..

ام سامر:ولاتگعدين ام السان هههههه..

ام غرور:يلا اني قفلت راح اروح انام.

ام سامر:اني هم والله حيل نعست خلي اروح اگولهم يجهزون عشه الغرور قبل لاانام...

غرور:روحي ارتاحي انتي اني رايحه للمطبخ ...

ام سامر:يلا تمام رايحه انام بس ديري بالج تبقين بدون عشه ترى ازعل عليج ..

غرور:لاتوصين حريص هههه...دخلت للمطبخ شفت بنيه كاعده على الطاوله وتشرب حليب شكله يجذب جماله مختلف شعره اسود طويل وبيضه وملامحه بارزه ...هلوو

سمر :اهلآ تفضلي محتاجه شي ..

غرور:انتي عراقيه؟

سمر:هههه اي لعد شنو!

غرور:امم انتي الي تشتغلين هنا؟

سمر: اي حبيبتي تفضلي محتاجه شي ..

غرور:لا شكرا ممحتاجه شي ..ممكن اگعد يمج.

سمر: اكيد ممكن ..تفضلي .

غرور:الصراحه تفاجئت لما شفتج ..

سمر:ههه شنو الشي المفاجئ بيه؟

غرور:ههه لا بس قصدي توقعت لما ادخل للمطبخ اشوف مره كبيره بالعمر تشتغل هنا مو بنيه شابه وحلوه مثلج..

شفته نزلت راسه والحزن اعتلى على وجه

سمر:اممم بعد الضروف خلتني اشتغل هنا..

غرور:اسفه والله مو قصدي اضوجج بكلامي بالعكس الشغل الشريف مابي اي عيب بس جان قصدي اعجابي بجمالج وشكلج ...

سمر:لا عادي حبيبتي اعرف مو قصدج ، ماعرفتيني على نفسج ؟

غرور:اسمي غرور،عمري الاسبوع الجاي راح يصير 19 ههه ...وانتي عرفيني على نفسج؟

سمر:اسمج يجنن حلو بسس معقوله انتي بنت خالة استاذ محمد الابهر؟

غرور:ههه لا اني حفيدته ...

سمر:حلوو يعني مسمينج نفس اسم امج!!

غرور: اي لحسن حضي بابا سماني نفس اسم ماما..

سمر:اممم امبين ابوج يحب ماما هههه الله يحفضهم الج..

غرور:شكرا بس ماما ميته يعني گولي الله يرحمه مو الله يحفضه ؛

سمر:انا لله وانا اليه راجعون ..الله يصبرج حبيبتي اسفه والله ماادري..

غرور:ولايهمج عادي ..اي عرفيني عليج .

سمر:اني اسمي سمر عمري 28 سنه وهم مثلج امي وابوي ميتين ..ومن كنت اصغيره الى الان اني اشتغل بهذه البيت ...

غرور:بس شلون تعرفتي عليهم وشتغلتي عندهم ؟

سمر:هههه عرفتج راح تسألين هذه السؤال .

غرور:تحمليني اني شوي فضوليه احب اسأل هههههه..

سمر:هههه لا عادي خليني اسولفلج ..شوفي اني من ماتو اهلي كنت بنفس عمرج ومحد الي غير عمو الي يشتغل حارس عند استاذ محمد اصلا عمو ساكن بهذه الغرفه الموجوده ورى الحديقه ..عمو سولف الاستاذ محمد عني وطلب منه اشتغل عندهم مقابل اكل وسكن فوافق استاذ محمد وضل ينطيني راتب كل شهر وخصصلي غرفه وحدي والحمد الله عايشه ...

غرور:الحمد الله على كل حال ..ممكن سؤال؟

سمر:جواب...

غرور:اذا نخطبتي الشخص اكبر منج بالعمر بس وضعه المادي ممتاز وعايش بس هوه وبنته بالبيت وبنته كم شهر وتسافر للخارج يعني يبقه البيت الوحدج توافقين؟

سمر:ههههه شنو تشتغلين خطابه وماگلتيلي ..

غرور:ههههه لا بس الصراحه عجبتيني يلا جاوبي ترى المدة محدوده للعرض هذه ههه..

سمر:اممم اذا الشخص محترم ويخاف الله ليش حتى ارفض ...

غرور: تمام لعد ..يلا گومي وياي نسوي اندومي وناكل اني وياج ..

سمر:اي والله اني هم جوعانه هههه.

..........................................