بوصلة المشاعر

البارت 43

گاعده غرورعلى الطاوله بالمطبخ ومخليه ايده على خده
بملل وسمر تنضف بالمطبخ .....

غرور:هففف ضايجه وامس مانمت زين ..

سمر:مانمتي بسبب الكوابيس لو اكو سبب ثاني؟

غرور:لا اكيد اكو سبب ثاني..

سمر:شنو السبب الي طير النوم من عيونج الحلوه ..

غرور:مانمت بسبب صوت القطط مالتكم ..

سمر:ههههه لج احنى هنا ماعدنه قطط ذني مالت الجوارين مخليهن بسطح يلعبن ..

غرور:شنو ميخافون عليهن يوگعن ..

سمر:لا همه القطط اصلا حذرين اقوى مغامره عدهن يعبرن على سطح بيتنه ومرات ينزلن للطابق الثاني هههه

غرور:اهااا ..عمو محمد شوكت يرجع للبيت؟

سمر:اعتقد بعد كم ساعه ويجي لان اليوم يتغده بالبيت.

غرور:اممم. من رخصتج صاعده ارتاح شويه ..

سمر :اخذي راحتج حبيبتي..

غرور:البيت هدوء بيبي نايمه واخته ام سامر گاعده على التلفزيون وسمر مشغوله بالطبخ والتنضيف ..صعدت ركض فتحت باب السطح ..ومشيت بأطراف اصابعي الغرفة محمد اني اعلمك بسيطه ....الصراحه تفاجئت بفخامة الغرفه وترتيبه لكن ماادري ليش اختنكت من شفت الاثاث كله بالون الاسود والشبابيك ملغيه اصلا شفت عطوره الغاليه عارضهم هههه ..اسفه استاذ محمد راح اخسرك كم ورقه ههههه جمعتهم كلهم وكسرتهم واحد ورى الثاني بعدين اتجهت للسرير لزمت المفرش ضليت افتح بي بأضافري صح تأذيت واضافري تكسرت بس مااريد استعمل مقص اخاف يبين ..احس نفسي بعد ممكتفيه لزمت المزهريات كسرته والوحات وگعته على الارض .....

ام سامر؛ سمررر سمررر اصعدي شوفي شنو هذه الصوت شصاير فوگ ...

سمر:حاضر خاله...

نزلت غرور تركض وانفاسه سريعه وهيه تحاول تتكلم بسرعه

ام سامر:اسم الرحمن بيبي شبيج تركضين لتوگعين من الدرج ..

غرور:سمعت صوت اشياء تتكسر بغرفة عمو محمد طلعت من غرفتي انتبهت للباب مفتوح دخلت شفت ثنين قطط لاعبات بالغرفه لعب حرامات ممخليات شي ممكسراته ...

ام سامر:لج سمر كم مره اني گلتلج لاتفتحين باب السطح هسه شيخلصنه من محمد ..

سمر:شنوو ..والله اني مافاتح...

غرور:اني اني گلتله تفتحه حتى الهوى يتغير بالبيت لان خنگه ...

ام سامر:خلي اصعد اشوف بس كون ممتقربات من لوحاته ..