غرور:فتحت عيوني من النوم ...عندي احساس هذه اليوم حلو لان اول مكعدت من النوم حسيت بتفاوؤل
وبكل نشاط رتبت فراشي وفتحت الشباك دخلت للحمام غسلت وغيرت ملابس النوم ونزلت ...فجأه حسيت كلبي انقبض لما شفت طاولة الطعام ذكرت لما جنت كل يووم انزل افطر وي بابا صارلي 19سنه ماتركت بابا ولايوم كعدت على الكرسي وني افكر حيل اشتاقيتله بس مااكدر اكوله يرجع لان اني طلبت من هذه الشي واكيد هسه فرحان خليني مااعكر علي ..بهذه الحضه حسيت نفسي من داخلي جدا هشه ومشاعري متضاربه بس اتجاهلت كل هذه المشاعر حتى مااندم على قراري ..ابتسمت ابتسامه باهته حتى اواسي وحدتي الي عايشته واني مخليه ايدي على خدي واتأمل كوب الحليب الدافي ...قطع صفنتي اتصال مفاجئ من فهد ..
غرور:الوو
فهد:صباح الخير
غرور:هلا صباح الورد
فهد:اووو مبين المزاج رايق اليوم
غرور:ههه شلون عرفت بله ؟
فهد:هسه مو مهم شلون عرفت جهزي نفسج بسرعه لان قربت على بيتكم .
غرور:وي..
فهد:يلا بسرعه مو تأخريني باي .
غرور:صبرني ياربي اي غير يكولي وين وليش اجهز نفسي ..يلا اجت الطلعه بوقته ،صعدت الغرفتي فتحت اغنية اليسا (نفسي اقوله) وطلعت علبة المكياج وبديت اتفنن بوجهي بعد ماخلصت توجهت لخزانتي طلعت جاكيته جلد وتنوره قصيره لونهم اسود وبوت ابيض شفت فهد يتصل بس مارديت ضليت ارتب ولبست الاكسسوار واختار اي عطر ابخ منه وكل هذه وفهد مستمر يتصل واني بس اضحك واخيرا خلصت ونزلت طلعت بالشارع سيارة فهد ماكو وين راح هذه يربي ..اتصلت بي واني معصبه
فهد:هلا غروري
غرور:انت وينك صارلي ساعه منتضره بالشارع ولاكأنو قبل شويه انت اتصلت الف مره حتى اطلع.
فهد:اهاا يعني تعرفين اتصلت عليج حتى اطلعين ليش مرديتي .
غرور:جنت اجهز نفسي وبعدين تحقيق هوه وينك؟
فهد:رجعت للشركه شفتج مارديتي عبالي غيرتي رأيج..
غرور:تحجي صدك انت !!! يلا اوك اوك باي .
فهد:ههههه لا لا تعالي واكف بالشارع الثاني بس لازعلين.
غرور:شكد تاافه
فهد: من زمااان تافه مو هسه ..يلا تعالي
غرور:اجيت ..
فهد:هلا ابنت العم
غرور:وين رايحين ؟
فهد:بسم الله الناس اول مره تسلم تسأل .
غرور: شلونك شخبارك وين رايحين...
فهد:والله لو تموتين مااكول .
أنت تقرأ
بوصلة المشاعر
Чиклитانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
