فهد:رحت غسلت بعد ما غرور وگعت علي الجاي مادري تتقصد تغثني لو هيه فاهيه صعدت الغرفتي اريد اغير ملابسي شفت باب غرفتي مفتوح دخلت شفت رؤى تتجوول بغرفتي بكل اريحيه وصلافه استغربت هاي شتسوي بغرفتي .
فهد:احم احم
رؤى:هاا فهد اسفه والله صعدت اريد اروح اشوف اطفال رغد وشتبهت بين الغرف.يلا يلا من رخصتك.
فهد:اهاا قفلي الباب ونتي طالعه .
رؤى:بس سؤال شبيه ملابسك.
فهد:غرور وگعت علي الجاي بدون متقصد.
رؤى:ياا شكد ثوله هاي بس لاحترگت خاف الجاي حار.
فهد:لا مابيه شي.بس من رخصتج اقفلي الباب ونتي طالعه اريد اغير ملابسي.
رؤى:اي اي اخذ راحتك ...بسيطه ياشيطانه تسوي هاي الحركات متقصده حتى تلفت نضر فهد بس والله اذا ماندمته..
.............................
غرور:خلصت الجمعه ورجعنه للبيت اني وبابا صعدت الغرفتي غيرت ملابسي وغسلت ودخلت بفراشي نمت نومه عميقه گعدت فتحت عيوني شفت الساعه صايره بثمانيه باليل هاي اني شگد نايمه گعدت غسلت وتوضيت وصليت بعدين نزلت شفت بابا طالع مادري وين سألتني رند شنو اتعشه گلتله تروح ترتاح واني اطلب اكل من المطعم وطلعت بالحديقه انتضر الطلب يوصل رن الجرس يربي نسيت حجابي فوك يلا عادي مااطلع اخذ الطلب من ورى الباب فتحت الباب ومديت ايدي ونطيته الفلوس اشو هذه اخذ الفلوس ومانطاني الاكل دفع الباب ودخل واني متت من الخوف لان وحدي بالبيت حتى بابا مموجود واني بديت اصرخ بعدين انتبهت الفهد وهوه خايف من صراخي ويحاول يسكتني بديت اضربه واني اعصابه متوتره وجسمي يرجف من الخوف بالحضه شفته منهار من الضحك ..
فهد:هههه صراحه ماجانت عندي نيه اخوفج بس يلا على الاقل طلعت ثاري من وگعتي الجاي عليه ..
غرور:على فكره انت تحتاج دكتور نفسي يعالجك لان ابد مو طبيعي ماتحس نشفت دمي .
فهد:امم عادي اروح اتعالج عند دكتور نفسي بس بشرط انتي تروحين وياي تتعالجين
غرور:ترى كولش مو وكتك ومالي خلك شتريد انت هسه جاي بنص اليل
فهد:عمي ادهم وين محتاجه بخصوص الشغل
غرور:بابا ماموجود .
فهد:اي عادي انتضره شعندي
غرور:ابقه انتضره منا للصبح شعليه بيك.
فهد:تعالي تعالي ست غرور شعندج بهذه الوقت طالعه بالحديقه وشنو هاي الفلوس منتضرتمن وحتى حجاب مامخليه فوك راسج؟؟
بهذه الحضه رن الجرس طلع فهد اخذ الاكل الي وصل من المطعم ..
غرور: هذه الي كنت منتضرته لو سمحت انطيني الاكل لان بردت من الجو.وانت ابقه منتضر عمك هناا
فهد:لا عاد ماتوقعتج بخيله وماتعزمين ضيفج.بس صح نسيت اني مو ضيف .اخذت الاكل وخليته على الطاوله الي موجوده بالحديقه وفتحت الاكل وهيه رافعه حواجبه ومتفاجئه ..گلتله يلا الاكل راح يبرد تعالي
غرور:يعني انت تعزمني على اكلي
فهد:كيفج ابقي واگفه يم الباب لاتاكلين.بس سؤال شمعرفج اني احب صاج الدجاج وبيدزا الخضار
غرور:للأسف طلعنه نفس الذوق بالاكل ..تقدمت وگعدت على الطاوله وبديت اكل وياه لان جنت جدا جوعانه وموكت زعل لو مشاكل بس نتبهت هوه ماياكل بس يحاول يغثني.
فهد:عمو وين طلع ماگالج؟
غرور:لا ماگالي .اجاوبه واني اكل مارفعت عيوني
فهد:شعجب ماتدرين وين طلع
غرور:مادري جنت نايمه گعدت شفت البيت فارغ
فهد:الله اليعلم عمو ادهم وين راح هسه يطلع مزوج بالسر وعنده بنات غيرج ونتي نايمه ورجليج بالحاف
غرور:اني سمعته هيج يگول جان اغص بالاكل وختنكت ضليت حتى مااگدر اتنفس راح يركض جابلي ماي شربت ورتاحيت شوي .انتبهتله عيونه مليانه دموع وجه محتقن احمر ومنهار من الضحك .
فهد:هههههه ياريت والله عمي يسويه ويتزوج بس حتى اشوف ردة فعلج .
غرور:اصلا عادي بابا اذا يريد يزوج اني اخطبله بس هوه مايقبل وبعدين هالگد تكرهني تدعي البابا يزوج بس حتى تشوفني ضايجه ؟
فهد:لا مو الهذه الدرجه كره مره وحده بس مادري ليش احب اضوجج الصراحه.
غرور:ابدال ما تدعي البابا يزوج ليش ماتزوج انته على الاقل بابا تزوج من الي يحبه وعنده بنيه بس انت راح تصير شايب وبعد حتى محد تقبل تزوجك
فهد: اممم متأكده محد تقبل تزوجني .
غرور:بصراحه بس وحده تقبل بيك اذا صرت شايب هههه
فهد:منو؟
غرور:رؤى بنت عمو لان هيه قبل گالتلي اريد ازوج شخص كبير بالعمر ههههه
فهد:اممم وانتي؟
غرور:شنو وانتي؟
فهد:انسي ماكو شي راح اتصل على عمو ادهم انتضره بسيارتي اذا حتاجيتي شي اني واگف قريب من بيتكم.
غرور:اوك اخذ راحتك
فهد:بارده عليج هنا ادخلي للبيت
غرور:اخاف ادخل للبيت.راح ابقه هنا انتضر بابا
فهد:بس اذا انتي هنا تخافين تبقين وحدج شلون تردين اسافرين وحدج؟
غرور:عادي هناك اتعود.
فهد:يصير خير نشالله يلا من رخصتج .
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
