بوصلة المشاعر

البارت 50

اسوء شعور هو امتزاج المشاعر بين فرح وحزن ،خوف وحماس وبسبب هذه المشاعر المتضاربه تكون محتار ومتشتت ..لكن داخل كل انسان اكو (بوصلة مشاعر) تساعده بتحديد احساسه واتخاذ قراراته بدون تدخل العواطف♡

.
.
.
.
انتهت الجمعه وكل شخص راح البيته وبابا وسمر صعدو الغرفتهم يرتاحون من السفر ورجعت بقيت وحدي بس هالمره كولشي يختلف صعدت الغرفتي سديت الباب وخليت ايدي على كلبي ينبض بسرعه احس نفسي عندي جناح وريد اطير من الفرح والحماس ...غرور خاف هذه حلم ..لا لا الحمد الله ربي كاعد يعوضني بأيام حلوه واخيرآ راح يصير تغيير بحياتي وراح اشوف ناس جدد .....بالحضه تعابير وجهي كلها تغيرت الاسبوع الجاي السفره واني كولشي ممحضره بسرعه اخذت تلفوني وراسلت رؤى ..

غرور: وينج رؤى ردي بسرعه.

رؤى:هلا غرور ..شصاير .

غرور:لا ماكو شي بس ..بس اليوم العصر فارغه .

رؤى:اكيد فارغه يعني شعندي مثلآ.

غرور:عندج جعفر مثلا هههه.

رؤى:الصراحه ناسيته ههه.

غرور:روحي شوفي حتى نطلع العصر اني وانتي اريد اجهز السفرتي .

رؤى:اووو حماس والله حتى لو ميوافق اروح ههه.

غرور: ههه تمام الساعه 4 اني يمج .

.
.
.
.
.
.
.
.
.

جعفر:انت من البدايه تعرف هذه الشي وتقبلته وعادي عندك وهسه من صارت صدك وراح تروح استوعبت .

فهد: اريد اعرف اني اتصلت بيك حتى تخفف عليه لو تزيد .

جعفر:يعني شنو تريد اكلك هذه مستقبلها واكبر غلط توكف بطريقهَا لان بعد مرور الايام راح تلومك واحتمال حتى تكرهك لذلك انصحك تشوفلك حل بدل ما تريدها تبقه وتترك كل شي الخاطرك .

فهد:لا وعلى اساس اني اذا اكول الها ابقي ولاتسافرين راح تسمع كلامي وتبقه ..جعفر انت تعرف غرور حتى اكثر مني ماتسمع الاحد لذلك اني من زمان اعرف هيه تريد تسافر واني كاره حتى نفسي بسبب هذه الموضوع بس سكتت وماعارضتها لان اعرف معارضتي راح تخليها اتصر على الفكره اكثر .

جعفر: انت هسه الي قاهرك لان راح تصير بعيده عليك ؟

فهد:والبعيد عن العين بعيد عن القلب يا جعفر وهذه خوفي ..غرور من النوع الي تكتم مشاعرها بداخلها مره وحده بحياتي سمعته كالتلي احبك صح اشوف الحب بعيونها بس شنو الفايده اذا بعدت عني عيونها اخاف تدفن حبنا بداخلها وتنساني ؟

جعفر:مدام الحب بين بعيونها مستحيل تنساك واني اعرف غرور صح تكتم بداخلها بس ماتنسه لا حب ولاكره بس انت هم اعذرها ترى اني وياك اكثر اثنين شهدنه على طفولة غرور امها اول ماولدتها ماتت وعمرها ماشافت حنان او عاطفه وخالي ادهم رجل عملي وجاد اذا يريد يعبر حبه البنته لو يجيبلها هديه لو يوصلها المدرستها ..شنو تتوقع مثلآ من عدها و...