غرور: دخلت للبيت واني متردده ماادري ليش حسيت بشعور الخوف اول مره بحياتي اخاف من ابويه خاف زعلان مني..او ميريدني ارجع للبيت وفهد اتصرف من وحده وجذب عليه... هفف خلي اطرد كل هذه الافكار من بالي وادخل شنو يصير خلي يصير...
كان البيت هدووء ومضلم رند خلصت شغله وراحت البيته وادهم كالعاده كاعد بالمكتب يشتغل ...زاح كل الملفات والاوراق الي على المكتب وسند راسه على اديه بتعب ..تعب من التفكير ..تفكير ابنته الي اول مره تكون بعيده علي وبغير مكان صح هوه لو ما مأمن عليه يم جدته جان مخلاه ومتأكد راح ترجع لكن....
ادهم:طوولت حيل طولت مستحيل اخلي بنتي بعيده عليه كل هالفتره المفروض اني اروح ارجعه مو فهد لان فهد مايكدرله اذا هيه عاندت ابوه ماتعاند فهد ....سحب الجاكيته من الكرسي وتوجه للباب حتى يروح البيت محمد فتح الباب بقوه وكل اعصابه متشنجه فجائه رخت ملامحه وبقه واكف بمكانه بدون حركه ..
ادهم:غرووور؟
غرور: بابا ...ركضت بسرعه حضنته بس حسيته تفاجئ لما شافني ... اعتقد ممتوقع ارجع وي فهد.
ادهم :غروور بابا مشتاقلج ..ليش هيج سويتي ابأبوج لييش .
غرور:المفروض ماتسألني ليش لان انت اكثر شخص تعرفني اني مو بسهوله وصلت لهذه الحاله الي خلت ردة فعلي اتجاهك قاسيه ..وبرغم هذه اني اسفه مو قصدي اخليك تزعل مني ولاقصدي اضوجك ..
ادهم :لعد شنو كان القصد من هذه التصرفات؟
غرور:القصد انك تقدم بنتك على عملك وعلى سفرك وعلى كلشي وماتهمله ..احس صار بيه توحد دائما كاعده وحدي بالبيت وطول اليوم انتضرك على الاكل بس حتى اشوفك واجتماعاتك المهمه تحرمني من هذه الشي القصد كله ان تحسب البنتك احساب وتحس بوجودي...
ادهم :اعرف مقصر وياج ...بسس
غرور:بسس شنوو؟
ادهم :بس اني نسيت شلون الحياة تنعاش من يوم الماتت بي روحي ..ومحد صبرني ونساني الحزن غير شغلي الى ان نسيت نفسي وحياتي صارت عباره عن عمل ..لكن اوعدج بعد مااخليج تحسين بشعور الوحده واني بالوجود اوعدج راح اعيش باقي عمري الوحيدتي الي هيه انتي.
غرور:مااريدك تنطيني وعد تعيش بالحياة علمودي اني مثل ماعشت علمود شغلك ونسيت نفسك ونسيتني لا.. اني اريدك تعيش الحياة النفسك انت ..وعندي وياك موضوع مهم لكن مو هسه نتكلم بعدين.
ادهم:والله كبرتي ياغرور وصار كلامج يأثر بيه ..بس شنو الموضوع الي تريدين ادگولينه الي اتكلمي هسه ليش بعدين.
غرور:احس هسه مو وكته بعدين نتكلم بهدوء احسن ،واني هم اريد اروح ارتاح الصراحه مشتاقه الغرفتي هههه.
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
