بوصلة المشاعر

بارت13

رؤى:ماما شفتي فهد شلون خاف على غرور وصلت بي يطردنه من بيت عمو ادهم .

نوال:شفت شفت ميحتاج تذكريني بس والله والاسمه الله اذا ماندمتهم لج اني نواال محد يوگف بوجهي وبعدين لايغرج فهد هسه يطلع طمعان بفلوس ابوها مو ميت عليها .

رؤى:وحتى لو طلع طمعان بفلوس عمو ادهم معناته هم مفكر يزوجه .

نوال:اهو اشش كافي ترى صدع راسي من وراج .روحي شوفي ابوج رجع من الدوام بو بعده.

رؤى:لا بعده ماما فدوه قنعي خلي ارجع للدوام والله هسه هاي غرور بس تشوفني مااداوم بعد تتشمت بيه.

نوال:مو اگول غبيه بس محد يصدكني لج يامدرسه ياصخام البنيه مااله غير بيت زوجه ياثوله وبعدين على اساس انتي من المتفوقات حتى هيج كاتله نفسج بيج خير امشي وراي وعوفي الثول وهسه يلا طفي الضوه واطلعي بره اريد انام شويه .

رؤى :يلا اني هم راح انام .

نوال:لا ابقي گاعده يم حماده خاف يطلع بالشارع وبعدين شيخلصنه من ابوج.

.........................................

ادهم:بنيتي أنشاءالله ماتشوفين شر مو بس الشر أنشاءالله حتى المستشفى ماتشوفينه بعد هههه

غرور:اكتفيت بأبتسامه بوجه بابا .

ادهم:حبيبتي تكلمي شنو الي وصلاج لهذهِ الحاله لاتضمين عليه.

غرور:بابا تعبانه ممكن نتكلم بهذه الموضوع غير وقت .

ادهم:تمام ارتاحي وشوكت ماحبيتي تتكلمين اني اسمعج..طلعت من غرفته واني مية سؤال بسؤال بالي ليش نوال وبنته كانو موجودات وليش غرور وصلت الحالة الانهيار منهن وليش موجود اثر ضرب عليها مامعقوله هيه تضرب نفسه بنتي واعرفه ماتسوي هيج حركات من فراغ بس مااحبيت اضغط عليها بأسألتي.

غرور:طلع بابا من غرفتي واحس نفسي نفجرت ضليت ابجي اكتم صوتي حتى محد يسمعني ركضت للحمام وقفلت وگعدت خلف الباب بخيبه وانهزام وضعف  خليت وجهي بين رجلية وتركت دموعي تتساقط براحه،لو كانت ماما موجوده جان مااضطريت اواجه هاي المشاكل وحدي جان مانحرمت من حنانهَ جان ماگدرت نوال تمد ايده عليه وتضربني حيل صعبت عليه نفسي شگد مااحاول اصير قويه وصلبه اصير ضعيفه وهشه اكثر واني اكثر شي بهذِ الدنيا اكره هوه الضلم والضعف لذلك من مدت نوال ايده عليه انفجرت وغلطت عليها وضربته بس هذه كله ماريحني نوال مو سهلة ابدآ بس بنفس الوقت بعدهِ ماشافت غرور الجديده والله اذا ماخليته تحسب الي الف حساب ..مسحت دموعي بأمل بعد مااخليهن ينزلن على ناس رخيصه وماتسوه دموعي غاليه وكفت على رجليه وتأملت شكلي بالمرايه شفت كدمات على وجهي والارهاق والتعب واضح عليه ابتسمت بقوه متهالكه وقررت اليوم غرور الضعيفه تموت لان الضعفاء مايستحقون الحياة ..وخليهم يتفاجؤن بغرور الي مايهمه اي شي غير نفسه غرور الي راح تثبت نفسه وتأدب كل شخص ضلمه واستغله وتعده الحدود وياهه.
....................................

محمد:بابا بالي بقه يمك ليش تأخرت.

فهد:ههه ابو رامي لتخاف عليه قابل اني صغير

محمد:تأدب ولك شنو اني صديقك وتحجي وياي هيج

فهد:ابو رامي اعصابك غير نشاقه هههه

محمد:تربيه ادهم انت بعد منو يگدرلك..شنو ليش تأخرت

فهد:والله صار عندي شغل اضافي وكلش تعباان..

محمد:الله يساعدك يلا روح غير ملابسك وتعال اكل.

فهد:لا عوافي راح انام ..صعدت الغرفتي وسمعت اطفال رامي يبجون ورغد تعيط عليهم حتى ينامون اني اطفال رامي اعز من نفسي عندي مااگدر ادخل الغرفته واطيح حضه استغفرت ربي وناديت امي تجي تشوفه ليش هيج ويا الجهال والوالد خوش رزلته عفتهم ودخلت الغرفتي نزعت ملابسي وسبحت ورتاحيت شوي بعدين لزمت مبايلي دخلت على الانستا دخلت الحساب رامي الاشخاص الي متابعهم وجان اشوف الحساب الي ادور علي واخيرآ مسميته غرور الادهم يالله حتى اسمه يجنن دزيتله متابعه بنت الاوادم ممتابعه ولاواحد خرب اسم على مسمى والله صدك مغروره ههه بس مو على فهد ..