فهد:وصلنه للبيت الحمد الله غرور صحت بعد ماخذت علاجه وعمو ادهم طول الطريق يراضي بيه ويبوسه وهيه مبين على شكله حزينه بس تحاول تبين قويه والي صار وياه مو مهم بس مادري ليش احسه حزينه اني استأذنت من عمو ورجعت البيتنه بس طوول الطريق اني افكر بالشخص الي بالكم هههه ..وصلت البيتنه دخلت واجتني امي تركض...
هاله:فهد يمه وين صرت ليش هالگد تأخرت بالي ضل عندك .
فهد:هلا بأم رامي يمه حبيبتي جنت عند بيت عمو ادهم عزمني على الغده بس غرور وگعت مريضه واخذنا للمستشفى ..كاعد اسولف وسمعني رامي
رامي:لا ماتستاهل والله غرور غاليه عندي گولي شلون صارت هسه
فهد:لاالحمد الله صارت زينه مجرد صخونه عاليه عده
رامي:اهوو خطيه اذكره من جانت صغيره اذا صارت عده صخونه تنتهي ..هههه اذكر قبل جان عمره خمس سنوات تقريبآ هم صخنت وضلت تهذي وتسولف وضلت تغلط على الدكتور ههه .
فهد: ههههه لابربك يعني هيه من زمان هيج لسانه طويل.
رغد:اي هيه من جانت صغير مو مؤدبه جانت توكفلنه بالباب مال الشارعه وتضل تغلط علينه وتشتم وتشرد تخاف نضربه وجانت دائمآ تضرب رؤى وهيه خطيه رؤى فقيره كولش.
فهد:اي الصراحه رؤى حيل فقيره خليني ساكت ام علاوي ..يلا من رخصتكم رايح انام
رامي:مرخوص فهودي
فهد:حيل ضجت من رغد ورؤى وامهن لان اعرفهن كلش زين شكد يكرهن غرور صاير عدهن كره متوارث من امهن الهن ماناسي قبل جانت غرور صغيره ورؤى اكبر منه بسنتين ورغد اكبر منه بتلث سنوات قبل يسون مصايب ويذبنه براس غرور كان عمو ادهم ميحجي وي غرور بس مرات يعوفه بيت جدو عند عمتي راويه وجانت نوال كاعده وياهم جانت تضرب غرور وحتى تخلي اثار على جسمه جنت حيل انقهر ومره من المرات نوال رادت تضرب غرور وهيه مرعوبه وخايفه اجيت سحبته من نوال وسولفت العمو ادهم ومن شاف الاثار بجسم غرور عصب حيل وتعارك وي عمو مهند ونوال وضل ياخذ غرور ويا للشركه ومن كبرت ضل يخليه بالبيت وي رند بس كل هذه ولامره شفت غرور ضعيفه لو تطلب عطف احد لو تشتكي اتمنى تشكيلي تسولفلي بس هيه تكتم لكن الي يركز بعيونه راح يشوف الحزن يفيض من عيونه يشوف طفله مشتته يتيمه كاعده بين ذئاب تريد تفترسه....
..................................
رؤى:اووف بس لو اعرف عمو ادهم شسواله بس خوفي نفس كل مره ميحجي وياهة اي عيني هاي ام سبع حضوض منو يضوجه لو يسمعه كلمه قابل هيه نفس رؤى بنت البطه السوده الرايح والجاي يرزله .
نوال:ام صابر عيني وين صافنه.
رؤى:لج ماما اليوم شفت عمو ادهم .
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
