محمد: ادهم يلا گوم صارت الساعه11 باليل ونت بعدك حاضن القبر وتأن ياخويه خلي نروح ونرجع غير مره...
ادهم:رووح ورى اهلك اني مااتحرك هنا صار بيتي ....
محمد:لا اله الا اللهّ...الو هلا راويه
راويه:هلا بيك ابو رامي بالي بقه عدكم ليش تأخرتو.
محمد:اخوج مايقبل يتحرك من مكانه صارلي ساعات اسولف وهوه ساكت اخر شي گالي روح ورى اهلك اني هنا بيتي..
راويه:انطي التلفون اريد اتكلم وياه...
محمد:لاتعبين نفسج مايرد..
راويه:خلي التلفون يم اذانه وميهمك ..
محمد:هاي اختك راويه تريد تتكلم وياك..
راويه؛ گدرت اسمع أنين ادهم بديت اتكلم وياه واني دموعي تجري ،،،دهم اخويه الله يعين گلبك المكسور ويساعد روحك الي الالم يعتصره بكل دقيقه تمر عليك قسم بالله گاعد احس بيك لان بس اني اعرف غرور شنو كانت تعني الك ادهم لاتزيد العذاب على نفسك غرور صارت بجوار الرحمن وغمضت عينه بكل سكينه وهيه مطمأنة ..لاتعذبه بأنينك وحزنك على قبره ادهم والله غرور قبل لاتدخل الصالة الولادة وصتني عليك گالتلي لاتخلينه يقهر نفسه لويضوج وصتني على بنيته الي صارت يتيمة الام قبل لاتگول كلمة ماما الي تركته امه وهيه بعده رضيعه وهسه انت هم تريد تتركه وتخليه يتيمة الام والاب ادهم تعال البنتك تنتضرك تعال وعوضه عن امه...
ادهم:غرور الصغيره نسيته ،،راويه انتبهي البنتي غرور لاتخلينه تبجي راويه لاتخلين احد يتقرب البنتي اني راح اجي بس مسافة الطريق انتبهي البنتي راويه ...
راويه:فرحت من سمعت صوت ادهم الي من سمع ابنته تحولت نبرة صوته من حزن الى لهفة ،،،لاتخاف اخويه بنتك مخليته بعيوني فدوه الگلبك لاتتأخر...
محمد:الوو راويه شسويتي انتي شنو گلتي الادهم وخليتي هيج يفز من مكانه ويصحه على نفسه...
راويه:بعدين احجيلك انت هسه روح يم ادهم ساعده وتعالو بسرعه للبيت لان اخوك مبين تعبان وخاف يصير بي شي ...
محمد:ادهم خويه يلا انطيني ايدك خلي نروح ...
ادهم:بس ابتعد شويه اريد اودع زوجتي ...
محمد:تمام راح انتضرك قريب على السياره...
ادهم:حبيبتي غرور شفتي رب العالمين شلون جبر خاطري بغرور الصغيره ...اسف لان راح اتركج بس بنتي محتاجتني ولازم اروح اله مايصير نعوفه اني وياج ....
غررو عمري ماتوقعت راح اخليج ورى ضهري وابتعد عنج شلون اناطاج گلبج تعوفيني اني وبنتج وحدنه وتروحين مافكرتي بيه شلون ادخل البيتنه واشوف مكانج خالي مافكرتي بيه شلون راح اشوف ملابس بنتي الي اختاريناه اني وياج ..بجيت واني احس گلبي يتفتت الى اشلاء متناثره بصدري ....
هذه حدنه""
هذه حضنه الما جمعنا؛
شگد تعبنه""
شگد رسمنه احلام احنه؛
ندري قسمة بأيد ربك؛
لاهو ذنبي ولاهو ذنبك؛
شگد تعبنه""
بس هذه حدنه!!
هوه ذنبي"
لاسكنت وي الأجوني؛
ولاتبعت الراحلين"
ولاني خالى ومختلي ومرتاح بالي؛
ولاني من العاشگين"
مدري ليلي شلون اخلصه؛
لاسهرت وي السهر"
ولاني من النايمين"
ولاني عابد وارتجي الجنه من اموت؛
ولاني من الكافرين"
اني قصتي وياج قصه"
نكتبت بورقه قديمه وخط حزين؛
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
