بوصلة المشاعر

البارت 40

ادهم:فهدد لاحضت اهتمامك وخوفك مبالغ بي على غرور ممكن تبررلي ؟

فهد:عمو شنو ابررلك غير بنت عمي واخاف عليه !

ادهم:اممم بس رؤى ورغد هم بنات عمك مااشوفك شايل همهن مثل غرور.

فهد:عمو شنو يعني انت تقارن غرور ابنات نوال ترى فرق السما عن الارض..

ادهم:اي والله صح كلامك ..بس غرور اني دللته هواي وضلت تتماده وتصير ضدي ..

فهد:لا عمو مو ضدك بس هيه نفسيته تعبانه ومن شافت بيبيته حست ان هي محتاجه اله والحنانه انشاء الله كم يوم وترجع للبيت...

ادهم:انشاء الله ..

فهد:يلا عمو من رخصتك راح اروح للبيت لان حيل تعبان..

ادهم:اخذ راحتك فهودي ماقصرت صارلك يومين وياي.

فهد:لاعمو شسالفه هذه واجبي شنو قابل مسوي فضل .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

غرور:شنو ماتضيفون الخطار انتم ؟

ام غرور:ان السان انتي مو خطار انتي ام البيت هههههه

ام سامر:اي والله حقج بس اعذرينه انشغلنه بأدهم ونسيناج..

غرور:لا حجيه انشاء الله بالايام الجايه ماتنسيني هههه.

ام سامر:حجيه؟

غرور:اي حجيه لعد شنو اگولج مدام!

ام سامر:غير اني خالة امج سميني بيبي ..

غرور:لا عيني اني عندي بيبي وحده ماتصير اثنين..

ام غرور: هههههه فدوه اروح للسانج الي ينگط عسل ههههه..

ام سامر:اي اضحكي اضحكي بعد شيخلصنه من حفيدتج هههه

محمد:يلا غرور خليتهم يجهزولج احلى غرفه وشترولج ملابس اذا تحبين روحي ارتاحي ..

غرور:الملابس على قياسي؟

محمد:وشمعرفني اني اصعدي وشوفيهم ..

................................

راويه:والله اليوم اجينه الكم حتى نحدد موعد زواج جعفوري ورؤى واني وابو جعفر حددنه الخميس القادم

مناسب الكم او لا.

نوال:اي عيني مناسب احنى النيشان خلصناه من زمان والخطوبه الي تطوول هم ماتنراد..

صباح:وانت ابو حماده شنو رئيك ..

مهند:مادام الكل موافق والموعد مناسب للجميع لعد خلي نفرح بيهم الخميس القادم انشاء الله.

راويه: تمام .يلا عيني احنى نترخص منكم..

مهند: بعد وكت حتى عصيركم مشربتو..

صباح:والله نريد انروح البيت ادهم نعزمه هوه وبنته .

راويه:اي والله صارلي هواي مشايفتهم ومشتاقتلهم..

نوال:شعجب صارلج هواي مرايحتلهم عاد انتي تموتين على غرور ماتفارگينه..

راويه:والله بعد تعرفين الدنيا تلاهي ..

رؤى: صدك عمه غرور هم تتواصل وياج او تتصل عليج.

راويه: لا والله متتواصل وياي خطيه يمكن مشغوله بالامتحانات والقرايه الله يعينه.

رؤى:لا عمه خلصت امتحانات بس هيه بيه توحد متتواصل وي احد ولاتريد احد اعوذ بالله شايفه نفسه مدري على شنو.

راويه: رؤى شنو هذه الكلام غرور عمره ماشافت نفسه على احد بالعكس تضحك وي الصغير والكبير..على كلآ اتأخرنه يلا مع السلامه.

نوال:الله وياج عيني الله وياج..

رؤى:اخخخ ماما شبيج اتركي ايدي.

نوال:بنت الاوادم انتي شلون تحجين على غرور گدام راويه..

رؤى:شكوو ماما من شوكت حبيتي غرور وصرتي متقبلين احد يحجي عليه..

نوال:ياا غبيه ياا ثوله مو قصة احب غرور لو مااقبل احد يحجي عليه بس انتي ماتعرفين راويه شلون تحب وتحترم غرور بس شسوي الكلام وياج ضايع ...

......ّ.............ّ.................

غرور:صعدت للغرفه تفاجئت بالاثاث الفخم وجمال الغرفه ونضافته فتحت خزانة الملابس وشفته مليانه ملابس صح مو نفس ذوقي بس يعني حلوان امشي بيهم حالي هذه المدة ..سحبت تراك عشوائيآ ودخلت للحمام سبحت بماء دافي حسيت براحه .خلصت وجففت شعري ومشطت بعدين اتجهت للسرير وشمرت نفسي علي،،نعساانه وتعبانه وجوعانه ...

..................................

ادهم:اهلا وسهلا زارتنه البركه ..

صباح :تسلم ابو غرور البركه بوجودك .

راويه:شلونك خويه شخبارك مشتاقتلك هواي.

ادهم:والله بخير الحمد الله انتم شلونكم العريس شلونه ههه.

صباح:الحمد الله بخير والله اليوم اجينه نعزمك الزواج جعفر الخميس القادم واكيد انت متحتاج عزيمه بس اجينه نبلغك ..

ادهم:اي بالخير انشالله واخيرآ راح نفرح بجعفوري .

راويه: غرور وين اشو ماسلمت عليه..

ادهم:امم غرور طلعت وي صديقته شويه وترجع..

روايه:يااا حرامات والله مشتاقتله هواي صدك شلونه بالامتحانات .

ادهم:لا الحمد الله مجاوبه غرور مينخاف عليه شطوره .

...........ّ.........................