بوصلة المشاعر

بارت20

فهد:غرور اني ....

غرور:بس لحضه بابا اتصل عليه.

فهد:اخذي راحتج.

غرور:الوو بابا .....اي شتريت اله خاتم ....لاتعشينه بالمطعم اني وفهد....اي خلصنه نشالله بس مسافة الطريق...يلا باي

غرور:اسفه قاطعت كلامك كمل شنو ردت دگولي.

فهد:انسي ماكو شي مهم ،يلا خلي نرجع للبيت.....

غرور:فهد خفف السرعه احس السياره اطير من السرعه .

فهد:شنو تحبين تسمعين اغنية..

غرور:احب اسمع ذوقك انت بالاغاني .

فهد:هههه تمام،فتحت اغنية اليسا نفسي اقوله الطريق كوله مافتحت اي موضوع وي غرور ماادري ليش احس عيونه تفهمني وتعرف اني احبه بس ماتريد تبين هذه الشي .....

غرور:طريق بيتنه شوي بعيد وصار ليل والشوارع فارغه وهدووء فهد فتح اليسا اكثر اغنيه اني احبه اليسا اخذتني بصوته العالم ثاني كنت تعبانه ونعسانه غمضت عيوني وبعد محسيت بأي شي ...

فهد:وصلت البيت عمي ادهم التفتت الغرور شفته رايحه بسابع نومه بقيت صافن بوجه احس هذه البنت سحرتني شفت بحياتي هواي بنات بالكليه وبالشركه وحتى بالدول السافرت اله وكلهم كانو يتوددون الي بس محد گدرت توصل القلبي بس هذه البنت اخذت قلبي وموناويه ترجعه الي ويارت اكتفت بالقلب اخذت عقلي واحتلت تفكيري .....

فهد:غروري غرورر اگعدي..

غرور:رند عوفيني ماريد اگعد .

فهد:هاي اللحيه والشوارب والصوت وتالي تسميني رند المفروض هسه اشمرج من الشباك .

غرور:فتحت عيوني بصعوبه واني اسمع فهد يتكلم بس ماركزت شنو يگول ياربي اني شلون نمت هنا مسحت عيوني وعدلت گعدتي ....فهد ليش ماگعدتني.

فهد:ههههه شنو هذهِ العيون الحلوه ضميهن لاتنحسدين.

غرور:شنو هسه انتبهت لعيوني ..يلا تصبح على خير .

فهد:وانتي من اهل الخير نفس ماكلتلج عيونج ضميهن لاينحسدن .

غرور:نزلت من سياره فهد فتحت باب البيت ودخلت شفت رند كاعده بالمطبخ سألته على بابا گالتلي بالمكتب كاعد يشتغل عفته وصعدت الغرفتي اول مادخلت شفت نفسي بالمرايه ،عززززه هاي شنوو تذكرت لما كعدت من النوم ومسحت عيوني شفت الكحل والايلاينر ملطخات عيوني واني اگول ليش فهد ضل يضحك ويگلي ضمي عيونج لاينحسدن هففف رحت غسلت وجهي وبدلت ملابسي ونمت .