غرور:نادو رؤى من ورى الباب حتى يعقدلهم الشيخ انتبهت اله تنضرلي نضرة بطرف عينه وتبتسملي ابتسامه صفره مااهتميت اني هيه رؤى هيج من زمان لما جنه اطفال رغم كل الي سوته وياي واني اليوم فرحت اله لان هيه هم خطيه بطلت من المدرسه بس رب العالمين عوضه بجعفر انسان خلوق ولطيف ومثقف ومتدين الله يسعدهم بحياتهم شفت نوال شلون فرحانه ابنته وكل شويه تهلهل وشايله بدلة رؤى ومهتمتله حسيت بشعور مؤذي مكان الأم ماكو احد يعوضه حتى الاب اليوم رؤى امه وگفت وياه وفرحتله بس اني من انخطب منو يفرحلي ويهتملي هيج واليوم صار وياي هذه الموقف ضمن الف موقف مريت بي بحياتي واني افتقد امي اخذت نفس عميق زحت بي كل الافكار والحزن الي بملامحي عقدو وخلصوا شغلو الاغاني وبدت الهلاهل وجعفر راح يدخل على العروس يلبسه الذهب.
رغد:غرور حبي ممكن تساعديني بتقديم الكيك والعصير .
غرور:اي ممكن .
رغد:اني راح اخذ العصير وانتي طلعي هذه الكيك من الثلاجه وتعالي وراي .
غرور:بس موجود كيك هناك .
رغد:هاا اي ميخالف احتياط خاف الكيك الموجود ميكفي.يلا اني رايحه وديري بالج ترى باب المطبخ القفل مالته مكسور واذا انسد بعد مينفتح.
غرور:تمام خاف ينسد بالغلط انتي تعالي افتحي الي ،بقيت اطلع الكيك من الثلاجه وارتب بي على الطاوله .
فهد:غرور....
غرور:فهدد شنو تسوي بالمطبخ .
فهد:اجيت اخذ استكاين الجاي ،انتي شنو تسوين هنا بهذه لبسج والولد كل شوي واحد داخل للمطبخ.
غرور:اني رغد گالتلي اساعده بتقديم الضيوف.لحضه وسمعت الباب انقفل بقوه بسرعه ركضت .يربيي انسد الباب هذه.
فهد:اشبيج واذا انسد افتحي .
غرور:رغد گالتلي القفل مالته عاطل واذا انسد مينفتح وهسه كلهم مشغولين منو يفتح الباب هفف كملت .
فهد:تقربت على الباب شفت القفل مو عطلان بس اكو شخص قافله متقصد عرفتهن اعلنن الحرب على غرور .
غرور:هاا تعرف تفتحه.
فهد:لا هذه عاطل القفل ماينفتح اله شخص من ذيج الجهة يفتحه،بس ليش هيج انتي متوتره.
غرور:فهد شنو هذه البرود العندك بله دخل احد للمطبخ وشافني هيج شنو يگول.
فهد:اعمي عيونه الي يشوفج ومره ثانيه لاتحجين هيج فهمتي.
غرور:ترى مو وكت عصبيتك.
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
