بوصلة المشاعر

بارت35

غرور:فتحت اعيوني واني احس جسمي يأذيني وعطشانه انتبهت للغرفه هذه مو غرفتي وليش بعدني لابسه ملابس المدرسه بديت ارجع بذاكرتي ...اركض وتعبانه بمَكان اني مااعرفه ...لزمت ايدي الي تأذيني وذكرت لما هذه الشخص الي مااعرفه سحبني وضغط قطعة القماش على خشمي الى ان اغمى عليه ماادري نمت مااعرف شنو صارلي ومنو ذوله وليش خطفوني ضليت ابجي بصوت مسموع ابتعدت من هذه السرير الي نايمه علي وگعدت بأحد زوايه الغرفه وحضنت نفسي واني احس اطرافي ترجف من البرد والخوف والغرفه شبه ضلمه ..وين بابا ليش مااخذني ضليت ابجي ...الى ان انفتح بابا الغرفه ودخل شخص طويل القامه وعمره تقريبآ نفس عمر بابا شكله جميل لكن مرعب بالنسبه الي وبالضرف الي اني بي ماگدرت اميز شكله لان الغرفه كان بيه ضوء خفيف شبه ضلام بدء يجول بنضره بأرجاء الغرفه الى ان استقر نضره بالزاويه الي اني گاعده بيه....

محمد:ههههه مبينه خايفه بنت استاذ ادهم الكلب لا لا لتخافين انتي مجرد خطار ذليل عدنه ههههه..

غرور:مجرد ماسمعته يتكلم بهذه الطريقه على بابا ويحاول يهيني بكلامه ،نفضت كل الخوف الي كان مسيطر عليه وعرفت هذه مو وكت خوف ولاوقت السكوت وبنفس الوقت عرفت خاطفيني بسبب خلاف بين هذه الشخص وبابا...نضرتله بنضرات استحقار ،اذا اكو كلب فهو انت مو ابويه ياجبان لو بيك ذرة رجوله جان واجهته مو تغدره من ورى ضهره وتخطف بنته ..

محمد :والله وطلع عندج السان وترفعين صوتج مااعرف منو قبل اشويه كانت ترجف وتبجي بزاويه الغرفه ..على كل حال اذا كان ابوج هذه الي ادافعين عنه يحبج يتنازل عن بعض الاشياء وترجعين البيتج والاحضان امج وابوج لان اني خطفتج مو محبةً بيج ولا القيمتج بالنسبه الي ...

غرور:عمري كوله ماشايفه شخص نذل وحقير واناني مثلك ياكلب اطلع بره اطلللع ...

محمد:لا لا اليكذب يروح للنار مايصير تكذبين ..انتي مو بس شايفه بحياتج شخص انذل مني لا انتي عايشه وي شخص انذل مني وزيدج اكثر مو بس انذل لا احقرر واخبث انتي ابوج هذه شيطان على شكل انسان اني خطفتج مو لان خايف من مواجهته بس اعرف ماكو شي يأذي بهذه الدنيا اكثر من فقدانج هههه..

غرور:انت منوو وليش تكره بابا هذه الكره والحقد اعتقد من حقي اعرف...

محمد:اذا نفكر بيه من ناحية الحقوق فهو مو من حقج لكن خلي اگعد على السرير واسولفلج اني منو وليش اكره ابوج ...كرهي الادهم من سنيين طويله لكن اجه الوقت الي انتقم بي من عنده صارلي وقت طويل منتضر هذه الحضه ههه ومااخفي عليج سعادتي صراحه

غرور:عيوني اذتني من الضلام ليش ماتفتح اضوية الغرفه...

محمد:لان مااحب اشوف شكلج ..بما انو لسانج يشبه ادهم فأكيد شكلج يشبه واذا اشوف شكله گدامي يمكن مااگدر اتحكم بأعصابي واضربج ..لذاك من صالحج الضلام يبقه..