غرور:اول مرة احس شخص مهتم الي وخايف عليه ويغار عليه حسيت بشعور مختلف مااگدر اوصفه كأن فراشات خرجت من شرنقاته وبدأت اتطير بصدري بكل امل بحياة جديده ابتسمت بوجهَ واني نفسي ماعرفت اصنف هذهِ الابتسامه شنو تقصد...
فهد:كنت اتكلم بكل جديه ونبرة صوتي حادة وياها اول مره بحياتي اتكلم بهذِ الطريقه وي غرور توقعت تزعل وتعلي صوته علي اومثل كل بنيه دموعه تسبقه او تعاند
لكن ماتوقعت ردة فعلة تكون بهذه البرود وياريت اكتفت بالبرود ابتسمت ابتسامه ماأله اي تفسير غير ان هيه ابتسامه استهزاء كأن دگولي ميهمني لاانت ولاعشره منك مااكذب عليكم قوة شخصية هذه البنت اسرتني حسيته مختلفه كل مره تفاجئني برداة فعله ...
غرور:اوك تريد تروح للمول روح معليه بيك قابل لازمتك اني ..
فهد:اوك انتضريني دقائق بس اغير ملابسي وانزل ..
غرور:اوك.
راويه:غرور حبيبتي اخرتج اني اليوم .
غرور:يلا عمه بسرعه خلي نطلع .
راويه:هههه ليش هالگد مستعجله ترى عدنه وقت هواي.
غرور:موو بابا گالي لاتتأخرين بسرعه ارجعي للبيت.يلا اني منتضرتج بالسياره .
فهد:فرحت لان غرور ماكسرت كلمتي ولاعاندتني لبست قميص اسود برز عضلات جسمي مااحب الملابس الضيقه بس ماگدرت اقاوم الون الاسود رتبت شعري بخيت عطري بعشوائيه وطلعت بسرعه نزلت شفت غرور وعمتي مموجودات احس دمي ضل يفور عمو ادهم حيل مدلله بحيث حتى ماتحترم الاكبر منه بس ماعرفت هيه لعبت وي منو شغلت سيارتي واني مااعرف وين متجه لان مااعرف وين راحوا اني اعلمج ياغرور تجذبين عليه دقايق ولمحت سيارته الحمره بهذه الحضه ابتسمت ابتسامة الشر ....
غرور:كنت فرحانه احس نفسي انتصرت علي وماخليت كلمته تمشي عليه لكن مع الاسف ماطولت هذه الفرحه لحضات وشفت سيارته تمشي ورانه ارتبكت لا هذه مو سهل يستسلم ضليت امشي سريع واصلآ السرعه لعبتي ...
راويه:عمه غرور شنو تريدين تموتينه يمعوده خففي ترى ماريد اموت والله اريد اشوف احفادي.
غرور:ههههه عمه لاتخافين تشوفين احفادج والله .
راويه:يبوو عزه العزاني لو رايحين مشي ولامخليتج تسوقين.
غرور:هههه عمه فدوه كافي ترى ماكنت ادري هالگد انتي خوافه.
فهد:لاحضت سرعته زادت حيل وخفت عليه والمهم ثبتت وجودي اله زدت سرعتي اكثر منه وتعديت سيارته ومشيت لان عرفت هيه وين متوجه اصلآ....
غرور:شفت سيارته تعدتني ومشت ارتاحيت لان عرفته ماراح يجي ويانه وصلنه للمول ونزلنه اني وعمه وماخلينه محل ملابس اذا مادخلنه اله وشترينه وحيل ضجت من عيون الشباب كأن ياكلون البشر بنضراتهم بس ماهتميت وكملنه مشوارنه اني وعمتي وتقريبآ خلصنه كل احتياجاتنه ..
غرور:عمه شنو رئيج اقص شعري .
راويه:لا حبيبتي شعرج يجنن حرامات تقصينه .
فهد:امشي وراهن وتقريبآ امشي وياهن وهمه مايدرون لان ازدحام وممنتبهن سمعت غرور گالت العمتي تقص شعره ابتسمت وذكرت من كانت صغيره شعره كان دائمن قصير وجماله ماينوصف دائمآ اتأمل جماله الناعم ابتعدت عنهم وگعدت بكوفي موجود بنفس المول الي همه موجودين بي فتحت تلفوني ودزيتله رساله (الصراحه الشعر القصير يجنن على ملامحج الطفوليه لاتسمعين كلام عمه راويه).
غرور:لحضه عمه يمكن بابا دزلي مسج لان تأخرنه..فتحت الرساله شفت رقم فهد قريت المكتوب فتحت اعيوني بصدمه وضليتي اتفحص بوجوه الناس الموجوده قريبه مني عززه هذه شلون عرف اريد اقص شعري شلون سمعني ...
راويه:غرور عمه شبيج وجهج انخطف شكو شنو يريد ادهم ..
غرور:لا ميريد شي بس سألني شوكت نرجع ..عمه تعالي نروح للصالون اريد اقص شعري.
راويه:الله يعين ادهم عليج يعني الي براسج لازم تسوينه يلا تعالي نروح.
فهد:ضحكت من شفته دزتلي اوك ،شربت قهوتي وطلعت بعد مااتصل عليه بابا يريدني بشغل ..
غرور:قصيت شعري وحتى الكوافيره انعجبت بشكلي وعمتي غيرت رأيهَ بعد ماشافتني .. وصلت عمتي البيته واني رجعت للبيت بابا كالعاده ماموجود بالبيت صعدت الغرفتي سبحت وغيرت ملابسي وفتحت خزانتي رتبت ملابسي الجدد واخيرآ خلصت نمت على سريري وفتحت الانستا اتصفحت بعدين اخذني الفضول لستوري فهد فتحته ناشر كاضم الساهر اغنية صغيرتي احس الابتسامه انرسمت على شفايفي بدون شعور بعد ماتأكدت هوه يقصدني بالاغاني الي ينشره....
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
