مهند:روحي ناديلي بنتج بسرعه فشلتني وي اخوي الله يفشلجن دنيا واخره
نوال:ياعيني اهدئ شويه خلي نفتهم شنو الموضوع
مهند:نوال روحي صيحيلي بنتج بسرعه خليني محترمج شويه ترى والله تشوفين وجه عمرج مشايفته .
نوال:هذه كوله محترمني لعد لو ممحترمني شسويت.رؤؤؤى رؤؤى تعالي خلي نشوف ابوج اليوم وين يوصل .
رؤى:هاا بابا خير شبيكم ليش صوتكم مرتفع
مهند:سلامتج يبعد ابوج يالمؤدبه يالمحترمه تعالي بنت الكلب ليش مجذبه على بنت عمج ومن وراج متعارك وياه ابوه وداخله مستشفى.
رؤى:اني اصلا اني شوكت شايفه عمو ادهم حتى اجذب علي والله بابا اذا تريدني احلفلك هم احلف والله ممسويه شي ولامجذبه.
مهند:بنت ال..... فوگ هذه طلعتي عمج جذاب وفتري عليج موو
رؤى:لاوالله بابا اني موقصدي اصلا اني معليه بيهم بس هاي بنته تكرهني والله تموت مني وهيه جذبت على عمو ادهم وخلته يجي الك يشتكي مني والله هيه تغار مني.
مهند:شوفي ولج طلعه من البيت بعد مالج ومدرسه بعد ماكو واذا شفتج تعتبين بابا البيت رجليج اكسره وبعد ماتدخلين بغيرج فهمتي .
نوال:هذه كله من ورى الحيه بنت الحيه خلصنه من الام ماتت انوب طلعتلنه بنته الله لايوفقهن نشالله المسمومات بس شگول حض العواهر جواهر قابل مثل بناتي حضهن مصخم مثل امهن .
مهند:اهووو كافي ولج صوتج نصي من عالم الجوارين راح تلتم علينه راح اطلع اني وقسم بالله اذا اسمع الجن صوت ماتلومن اله نفسجن..
نوال:ماما رؤى حبيبتي لاتبجين والله اذا ماندمته هاي الحيه وخليته اسفل السافلين مااتسمه نوال كافي لاتبجين.
رؤى:ابجي على حضي المصخم ابجي على روحي قابل اني مثل البنات حتى الدراسمه حرمتوني منه.
نوال:دكافي دراما عيني رؤى مو نطيتج وجه على اساس انتي شلون فالحه بالدراسه كل عشر اسنين بصف دخلينه ساكتين .بس وداعت ادموعج اذا ماندمته هاي الحيه وخليتج تبجين من الفرح مو من القهر.
.................................
فهد:اليوم عمو ادهم اتأخر على الشركه ومن وصل رحت للمكتب مالته حتى انطي بعض الملفات المحتاجه توقيعه..
ادهم:فهد الاسبوع الجاي عندي سفره واريدك انت تلزم الشركه بماكني بين ماارجع.
فهد:اي عمو صار بس خير ليش تسافر اعتقد ماعدنه شغل خارج البلد.
ادهم:لا لا مو شغل سياحه اريد اخذ غرور قبل الامتحانات حتى تتغير نفسيته شوي لان احس نفسيته تعبانه واني مااطلعه ليل ونهار گاعده بالبيت وحده.
فهد:اهاا بس الأي بلد تروحون ؟
ادهم:نروح التركيا اصدقائي هناك عزموني .
فهد:نشالله تروحون وترجعون بالسلامه .
ادهم:من رخصتك بس اروح للحمام.
.......................................................
غرور:رجعت من الدوام سبحت ولبست بجامه قطن لونه سمائي وبلوزه وردي ومرسوم بيه غيوم سمائي ،صليت ودعيت ربي يوفقني بحياتي ودراستي ودعيت الرامي الله يحمي لان حيل خايفه علي دوامه بنص الارهاب والموت دعيت البابا بالصحه والعمر الطويل ماادري ليش اجه على بالي فهد ردت ادعيله بس يربي بشنو ادعيله هههه دعيتله الله يوفقه بحياته .خلصت صلاتي وحسيت نفسي جوعانه خلي اتصل على بابا اسألة انتضره على الغده لولا اتصلت....
فهد:سمعت مبايل عموو يتصل وهوه بالحمام اخذت المبايل اشوف منو يتصل ..لحضه هذه الرقم شايفه وين رفعت عيني على الاسم شفته غرور لايكون الي بالي ...فتحت جهازي بسرعه وطلعت المكالمات اي والله هذه الرقم نفسه معقوله هاي غرور الي امس اتصلت بيه ورزلته خرب حضي..بعدهِ تتصل قررت ارفعه
غرور:الوو بابا
فهد:اهلا غرور اني فهد .
غرور:يربي هذه ليش فتح مبايل بابا بسرعه اتذكرته من رزلني لمى اتصلت علي وحيل ضجت ..
فهد:الوو وين رحتي
غرور:اعتقد اني اتصلت على بابا مو عليك وين بابا
فهد:اولآ احجي وياي بأحترام ثانيآ عمو بالحمام وماحبيت تبقين تتصلين ومحد يرد عليج لان هذه الشي مو من الذوق.
غرور:الله عليك ياابو الذوق انت الصراحه المفروض اخر شخص يتكلم بالذوق.
فهد:ليش ست غرور .
غرور:عززه فضحت نفسي بنفسي يربي .
فهد:وين راح لسانج ليش ساكته جاوبي ليش اني اخر شخص اتكلم بالذوق.
غرور:ماكو شي سلامتك يلا باي .
فهد:هاي شبيه قفلت الخط بسرعه ورتبكت اممم يعني ماتريدني اعرف هيه المتصله عليه هههههه اوك ياست غرور تخافين على كبريائج وماتكولين اني الي تصلت بس لحضه هيه ليش اتصلت عليه امس استغفر الله اني الغبي شردت البنيه بلساني السزز.
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
