غرور:گعدت واني مزعوجه من ضوه الشمس الي تعكس من الشباك على سريري مديت جسمي براحه ورحت للحمام غسلت وجهي ونزلت للمطبخ شفت رند تنضف ابتسمت بوجه وسألته على بابا گالتلي راح للدوام فطرت وبعدين طلعت للحديقه فتحت الانستا اتصفح بي شفت فهد دازلي متابعه ماهتميت بس صار عندي فضول ادخل الحسابه ناشر بوست صورته لابس بنطرون نيلي وقميص ابيض وستره نيلي لازمه بأيده ومتكي على سيارته شفت التعليقات كوله بنات يتغزلن بشكله واناقته ماادري ليش حيل ضجت فتحت الستوري شفته ناشر كاضم الساهر متمرده،
وكاتب تحته( لغروري )شنوو هذه شنو يقصد لحضه خلي استوعب معقوله يقصد عليه بهذه الستوري لا لا اني شكو حتى ينشر عليه اصلآ اني وفهد كل مانگعد سوه نتعارك اكيد ناشره الوحده من ذني الي معلقاتله الاخ مبين هواي عنده معجبات اصلا اني معليه بي قفلت الجهاز وصعدت الغرفتي شفت نفسي محتاجه هواي اشياء راح يجي الصيف ولازم اشتري ملابس ومكياج بس منو يروح وياي خلي اتصل على عمة راويه بلكي متفرغه نروح اني وياه
غرور:الوو
راوية:هلا والله حبيبتي غرور شلونج
غرور:هلا بيج عمتي الحمد الله انتي شلونج
راويه:الحمد الله صرت زينه من سمعت هذه الصوت الحلو
غرور:هههه حبيبتي عمتي شخبارج مشتاقتلج هوااي
راويه:والله اني اكثر بس انتي لاتسألين لاتجين مادكولين عمتي خلي امر عليه واشوفه
غرور:والله عمه تعرفيني مااطلع وبس اقره ماعندي وقت
راويه:حياتي الله يوفقج ويجازيج على تعبج.
غرور:تسلمين عمه..اكلج عمه اريد اروح للمول اشتري ملابس للصيف ومحتاجه غراض وگلت اشوفج اذا فارغه وماعندج شغل العصر امر عليج ونروح سوه .
راويه:اي والله اني هم اريد اروح خلي جعفر يوصلنه اني ب4العصر اجي اخذج
غرور:لاعمه ميحتاج اني اجي بسيارتي
راويه:غرور خاف توگعينه من فوگ الجسر ههههه اني اخاف من سياقتج لان سريعه
غرور:هههههه لاعمه والله على مودج اخفف السرعه
راويه:يلا تمام حياتي
غرور:تمام عمه يلا باي
.................................
فهد:عمو شصار على سفرتكم التركيا اعتقد فات موعده وانتم مارحتو
ادهم:اي ولله انت تعرفني اني ردت اروح علمود غرور بس هيه ماقبلت دگول عده امتحانات .
فهد:تمام.عمو ممكن سؤال
ادهم:اتفضل فهودي
فهد:صدك عمو راح تخلي غرور تكمل دراسه البكلوريوس خارج العراق .
ادهم:اي لان من كانت صغيره هذه حلمه .
فهد:اي اعرف عمو بس شلون راح تأمن عليه واني اعرفك متعلق بيه هواي.
ادهم:مااخفي عليك يافهد صعبه عليه حيل صعبه بس مااگدر اوگف بمستقبله ولااگدر ارفضله طلب .
فهد:مادامك مصر على قرارك خليه تسافر الدوله مجاوره وأمنة.
ادهم:اي دوله تقصد ؟
فهد:اكيد تركيا جامعاتهم ممتازه وأمنة وبيه مسلمين هواي وعدنه شقه هناك واصدقائنة ومعارفنه هناك.
ادهم:اي والله صح شلون راحت من بالي ..الحمد الله رب العالمين مارزقني بولد بس عوضني بيك. صدك رامي شخباره.
فهد:والله رامي حيل خايفين علي المحافضه الي هوه بيه حيل خطره .
ادهم:الله يحمي ويحفضه .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راوية:ابو جعفر شنو رئيك نخطب الجعفر الحمد الله تخرج واتعين .
صباح:اي والله نشوف اطفاله قبل لانموت .بس انتي شايفتلج بنيه مناسبه.
راوية:اي والله اني من زمان مخليه عيني على رؤى بنت مهند خوش بنيه ومبطله من المدرسه يعني متفرغه .
صباح:ونعم من مهند وانتي بعد اعرف بيهم .
راويه:تمام لعد اني العصر اروح اني وبنت ادهم البيت اخوي محمد استفسر من رغد واشوفهم ينطونه لا حتى الجمعه نشالله نروح البيت مهند نخطب .
صباح:الله يقدم الي بي خير انشاء الله.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
