بوصلة المشاعر

بارت 46

رؤى :ماما..ماما

نوال:هاي شبيج شكد تلحين متشوفيني مشغوله وي الضيوف ...تكلمي شنو تريدين.

رؤى:اكلج العازمينهم كلهم اجو وعمتي اجت وغرور ماكو معقوله عمتي ماعزمته.

نوال:اي والله اني هم انتبهت ..بس مو معقوله راويه ماتعزمه يلا بعد احسن خليه تولي.

رغد:اتركي عنج غرور وهالسوالف وتونسي اليوم انتي ملكة الحفله.

هاله:اكلج بنت ادهم ليش مااجت وياج ؟

راويه:والله عزمته وادهم كالي تحضر وماكو ماحضرت اتصل عليه جهازه مغلق.

هاله:هيه علاقته متوتره وي نوال وبناته يمكن ماعجبه تحضر الحفلتهن.

راويه:اي احتمال'

هاله:فدوه والله كبر جعفر وصار عريس هههه..ربي يتمم اله على خير وبركه.

راويه:امين الله يسمع منج ..اي عيني نريد نفرح بفهد صدك شوكت تخطبوله غرور؟

هاله:لج رغددد خفضي صوت الاغاني كولشي مااسمع من الناس...اسفه ام جعفر ماسمعتج شنو كلتي ؟

راويه:اكولج شوكت تخطبون غرور الفهد؟

هاله:غروووور¡¡¡¡ وليش غرور يعني منو كالج نريد نخطبه؟

راويه:شبيج فزيتي خوفتيني هههه..وبعدين الاقارب كله تعرف ابنج ميت على بنت ادهم ويريد يخطبه شنو يعني انتي ضجتي لان عرفت تريدين تضمين عليه.

هاله:انتي شنو تحجين ابني فهد يحب بنت ادهم منين جبتي هذه الكلام ؟منووو كالج.

راويه:يعني انتي متعرفين؟

هاله:لا والله مااعرف طلع كلام رغد صح وكله تعرف بس اني نايمه ورجليه بالشمس..

راويه:عززه العزاج راويه شسويتي ...أأ ياعيني ياام رامي اهدي شويه عادي يمكن فهد ماسولفلج لان عباله تعرفين وبعدين احمدي ربج ابنج يعرف يختار وحب بنت عمه مو غريبه البنيه حسب ونسب وخلقه واخلاق بعد شتريدين.

هاله:لج راويه هذه غرور بنت ادهم تريد تاخذ ابني من عندي اي اي كلام رغد صح تريد تاخذه وتسافر والله لو اموت مااخليه تاخذ ابني.

راويه:احمدي ربج وصلي صلاة شكر اذا رضت بأبنج..

هاله:ليش عيني ابني شنو بي شناقصه هااا؟

راويه:والله فهد كامل والكمال لله بس السبب عنده ام تصدق بكلام بنت نوال وانتي تعرفينه كلشش زين هيه شكد تكره غرور هذه البنت اليتيمه الماعده حض والي محد يعرف قيمته بين اهله..من رخصتج رايحه اشوف ضيوفنه.

..... ..............................

غرور: گعدت من النوم واني ماادري هسه صبح لو ليل مسحت اعيوني وفتحت تلفوني حتى اشوف الساعه كم اوو هسه الساعه ب5العصر ليش محد گعدني من النوم رتبت شعري وغسلت وجهي واخذت تلفوني ونزلت...