دخلت للبيت واني ضايجه شمرت جنطتي وكتبي ونزعت حجابي صفنت الوجهي بالمراية بعديت گلت النفسي اني ليش هيج معصبه ومزعوجه من رؤى من شوكت واني اهتم الاحد ضحكت بثقه واني افتح شعري الي احسه كان مسجون وتحرر بكل راحة وانتشر على متوني نزعت ملابسي ولبست تراك شتائي مريح ابيض وبي نجوم وردي دائمآ اضحك على برائة وجهي الي ابدآ ماتمثل تفكيري الي سابق عمري دخلت للحمام الي موجود بغرفتي غسلت وتوضيت فرشت سجادتي وتذكرت بابا مشتاقتله والشغل ماخذه مني صايره قليل اشوفه قررت اخلص صلاتي واتصل بي كملت صلاة واخذت جهازي ونزلت اتصلت على بابا اول مره مافتح وبعدين بالمره الثانيه سمعت صوته..
ادهم:الوو
غرور:هلا بابا شلونك
ادهم:اهلآ بنتي الحمد الله انتي شلونه يومج بالدوام
غرور:تمام قبل شوي وصلت للبيت ، بابا انتضرك على الغدا اليوم
ادهم:لا حبيبتي اتغدي انتي عافيات اني عندي شغل اليوم هواي.
غرور:اوك اصلآ اني راح انام ماريد اكل
ادهم :غرور اعتقد كبرتي على هاي السوالف روحي اكلي حتى تگدرين ادرسين بتركيز وتعرفيني اني لو ماعندي شغل مهم جان اجيت.
غرور:اوك اوك يلا باي
ادهم:بايات،خلي بعلمج اذا رجعت وسألت رند وگالتلي مااكلتي الي وياج غير حساب مفهووم
غرور:مفهوم ...
لگيت رند مجهزه الاكل الشخصين الي والبابا ... بابا ماراح يجي تعالي انتي گعدي وياي مليت واني الوحدي خطيه هيه فرحت ونضمت وياي على المائده
.............................................
بيت عمو مهند
رؤى:ماما اليوم فهد وصلني للبيت اني وغرور
نوال:صدك ولج وسويتي نفس ماگتلج لو نثولتي نفس كل مره
رؤى:لاماما طبقت كلامج بالحرف الواحد ضليت اخذ وانطي ويا بالكلام وگعدت يمه بمقدمة السياره وخليت غرور تگعد ورى
نوال:اي عفيه عليج هسه صرتي بنتي من صدك ،بس معقوله غرور خلتج تگعدين بالصداره وهيه تگعد ورى ماصدك ههه
رؤى:اي والله ماما مامجذبه اني خليته ادور عليه وسبقته گعدت يم فهد .وماقصرت وياهة ضليت احجي الفهد وگلتله متكبره ودوم گالبه وجه ومايعجبه العجب وهيه ضلت مصدومه
نوال:ههههه خلي يعرفون منو بنات نوال .
رؤى:بس ماما خطيه هيه ضلت ساكته ومبينه ضاجت وزعلت
نوال:ياغبيه هوه هذه المطلوب ،مادام هيج نزعجت معناته الخطه گاعد تمشي صح ،بس تعالي من حجيتي هيج فهد شنو جان رد فعله؟
رؤى:ياا ماما رزلني ونزعج بسرعه گالي انزلي يلا تأخرت من وراج.
نوال:اممم يعني الافكر بي صحيح لحد يلومني من اگول غرور نسخة امه الي خلت ادهم يعوف البنات كوله بذاك الوقت ويركض وراهٓ مثل المجنون.
رؤى:يااا ماما شنو يعني راح تحرموني من دراستي وهم من فهد هاي المحضوضه جمعتهن كلهن دراسه وزواج وابو يموت عليه بس رؤى حضه اسود
نوال:اهووو اشش لج مو تشوفيني انطيتج وجه وسولفت وياج لادوخيني ،والله والاسمه الله اذا مافلست بنت المحضوضه من كلشي مااتسمه نوال ومثل ماخليت رامي يزوج اختج رغد اخلي فهد يركض وراج وهم يزوجج.
مهند:نواااال نوااال وينج.
نوال:اجييت خير شصاير شبيك عياطك واصل السابع جار
مهند:سلامتج خاتون ازعجتج عيني ست نوال مخليه حماده يطلع بالشارع وهمزين ممدعوم لو ما الله ستر
نوال:خطيه الولد ضايج لايطلع ولايمشي اخاف يصير بي توحد خليته يلعب شوي بالشارع قابل كفرت
مهند:شوفي ام التوحد عيني مره ثانيه اذا شفت حماده بالشارع وملتهيه عنه والله اخليج تتمنين التوحد وماتلگينه فهمتي.
نوال:يلا يلا مصار شي اكعد خلي اسويلك جاي اشبيك انت اليوم مالك خلك
مهند:ادهم يريد يخلي بنته تكمل دراسته خارج العراق واني ومحمد اعترضنه ومافاد تعرفين ادهم الي براسه يسوي
نوال:شنووو هوه شبي ادهم احنى وين عايشين شلون يخلي بنته تسافر وحده صدك جذب
مهند:والله مادري مدلل بنته بزياده وراح يخرب تربيته ولو هوه شوكت يسمع كلامنه من قبل هوه الي براسه يسوي ولا كأن احنى خوانه الكبار
نوال:لامهند هناا وبس تالي وكت بنت زعطوطه تشوه سمعتكم والناس كله تحجي عليكم تضل متيهين بنتكم بالغربه.
فهد:اي والله كلامج صح .بس هيه بنته بعدهِ مامكمله السادس خلي يجي وكته ولكل حادث حديث
أنت تقرأ
بوصلة المشاعر
ChickLitانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
