بوصلة المشاعر

بارت10

غرور:طلع رامي هوه واطفاله من غرفتي تركو ابتسامه ذابله على وجهي حيل فرحت من شفتهم دائمآ احس رامي سند الي بعد بابا صدك اخوي الكبير اعتبره الله يحمي ويطول بعمره الخاطر اطفاله..بعدين تذكرت كلام بابا الجارح الي اني اعرف بابا مو قصده يجرحني واعرف هوه خايف على مستقبلي بس مع ذالك اني مااستاهل هذه الكلام منه اني درجاتي كوله عاليه منو جذب علي بعدين اتذكرت بس فهد جان وياا خلي اتصل علي بحجة اشكره لان وگف وياي وبعدين اسأله ...بس منين احصل رقمه ...دخلت الغرفه بابا واني امشي على اطراف اصابعي اتسلل نسخت الرقم من جهاز بابا ورسلته الي ومسحت اثار الجريمه من تلفون بابا ههههه

.....................................
فهد:جنت نايم نومه عميقه وفزيت على رنة تلفوني اهوو منو يتصل هسه شفته رقم غريب رفضته ورجعت نمت .

غرور:اهوو وكتك هسه غير يرد والله لو ماالفضول موتني جان يحلم هسه يشوف رقمي بشاشه مبايله بس شسوي لازم اعرف منو مجذب على بابا.. اتصلت مره ثانيه بعد مارفضني

فهد:ياربي شنو هذه اليوم ماناوي يعوفني انام اني اعلمه ..الووو بابا شبيك انت ماتشوفني انطيتك رفض شنو هذه الازعاج وكل شوي متصل مو عيب ..شبيك متحجي بلعت لسانك قسم بالله اذا تصلت مره ثانيه ماتلوم اله نفسك حتى النومه طيرته.

غرور:لا لا معقوله الي گاعد اسمعه شبي هذه تخبل عززه رزلني وسد الخط بوجهي الحمد الله ماحجيت ولاكلمه حتى مايعرفني اني الي تنازلت اله واتصلت الخبيث والله اني اعلمك يافهد .هفف نرفزني الحقير

...................،..........

ادهم:رند روحي گعدي غرور خلي تفطر وياي

رند:حاضر بابا

غرور:صباح العسل على احلى اب بالعالم

ادهم:صباح الورد هلا ببنيتي ماشاءلله اليوم مبينه نشيطه گعدتي من النوم وحدج .

غرور:اي والله اليوم گعدت حتى قبلك احس نفسي صرت زينه واريد اداوم.

ادهم :بس بابا اجازتج بعد ممخلصه ابقي ارتاحي.

غرور:لا اختنكت من البيت وهم مااريد ادروس تفوتني .

ادهم:تمام لعد اني اوصلج .

غرور:فطرنه اني وبابا واحس اليوم متفائله عكس امس كان اتعس يوم من بدايته الحد نهايته ختمه استاذ فهد ..وصلنه للمدرسه لزمت ايد بابا كتله اريدك تنزل وياي ،

ادهم:ليش بابا انزل وياج شكو خوفتيني صايره وياج مشكله.

غرور:لا بابا تعرفني اني حتى لو تصير وياي مشكله مااشتكي الاحد احله بنفسي .بس اني اريدك تنزل وياي عندي موضوع اريد اوضحه الك.