بوصلة المشاعر

البارت31

احبك كلمه اعنيهَ""

واحس بكل معانيهَ؛

وربك انت البالي""

وكل الناس ناسيهَ؛

وترى كلمة احبك هاي""

لامن قبل حاجيهَ؛

ولامن بعدك احجيهَ""

غرور:دائمآ ردودي غير متوقعه مرات اني نفسي اتفاجئ على جرئتي ...يربي اني شلون گدرت اگوله يمكن كانت سهله عليه لان بالمحادثه لو وجه لوجه مستحيل اگوله شلون بعد اگدر اشوفه لو اخلي عيني بعينه من الخجل...

       ،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فهد:رساله وحده خلتني مااعرف شنو اگول وشنو اسوي حتى ماارمش عيوني صافن على الرساله واني مامصدك معقوله اعترفت بمشاعره وبدوون اي سابق انذار ولاتمهيد هذه مو كلمه هذه صعقه كهربائيه .......

ادهم:فهدد فهدد ..

فهد:هااا ،عموو من شوكت انت بمكتبي..

ادهم:مو مهم تعرف من شوكت اني بمكتبك.ليش الحد الان گاعد الدوام صارله نص ساعه مخلص...

فهد:مانتبهت للوقت ...

ادهم:هالايام انت معاجبني اذا صايرلك شي گولي ...

فهد:هاا لا ماكو شي لاتشغل بالك...

ادهم:شوف فهد اني مربيك على ايدي واعرفك اكثر من نفسك لذلك احذرك من هسه اذا خافي شي عني گول واذا ماتحب تتكلم اعرف بطريقتي..

فهد:تفضل اكوو موضوع مهم لازم تعرفه خلي نتكلم بيه..

ادهم:بخصوص الشغل!

فهد:نعم بخصوص الشغل..شركة محمد الأبهر الي حذرتك منه قبل ماتدخل وياهم بالمناقصه ..

ادهم:اي بس كل شي صار الصالحنه وبعد ما صارت المناقصه سريه كان محمد الأبهر مستهين بشركتنه وابدآ مامتوقع العرض القدمانه ..

فهد:والمشكله لان المناقصه صارت الصالحنه شركة محمد الأبهر معروفه وكان متوقع المناقصه الصالحه لكن تفاجئ بشركتنه ..

ادهم:واني كل همي كان اكسر غرور وتكبر هذه الشخص واحذره مره ثانيه مايستهين بأي شركه اصغر من شركته حتى مايندم ...

فهد:بس هذه الشخص عنده تاريخ اسود ومايهمه غير اسم شركته وكل الشركات تتنازل عم المناقصات اذا محمد الأبهر بيهَ وبنفس الوقت عنده سند قوي من قبل الحكومه وانت اعرف بي مني...

ادهم:شنو يريد يسوي خلي يسوي شركتنه وقوتنه واسمنه مايقل عن شركته بشي وبالنسبه الي ماخايف منه ولاعندي شي اخسره وانت لاتخاف مايگدر يتقربلك هههه..

فهد:اقسم بالله مخايف منه ولامهتمله اصلا لكن حبيت انطيك خبر خصوصآ بعد ماالحراس انطوني خبر كم شخص من كلاب محمد الأبهر يراقبون الشركه وخايف عليك لان اعرف اسلوب هذه النماذج مايواجهون بس يغدروون..

ادهم:اني اخذت الاغلى من المناقصه من محمد الأبهر وهذه العداوه صارله سنين طويله مو اليوم بس لاتخاف عليه اعرف اصرف وياه ...

فهد:كنت متأكد نضرات الكره الي كان ينضرلك بيه ابدا ماتدل على شخص يعرفك اول مره ممكن دگولي شلون تعرفت علي ...

ادهم:محمد الأبهر يصير ابن خالة زوجتي غرور الله يرحمه غير هذه مااگدر اسولفلك ،،يلا تأخرنت اكيد غرور منتضرتني على الغده وانت هم ارجع للبت واترك عنك الصفنات هههه....

،،،،،،،،،،،،،،،،،،،،،،،،،،،،،،،،،،،،،،،،،،،،،،،

هاله' يمه رامي اصعد شوف زوجك شبيه شنو هذه العياط ...

رامي:بنت ال... والله اذا اشوفه ضاربه الاطفال اليوم تقره الفاتحه على نفسه ..

هاله:لايمه گول يالله هيه عصبيه شويه...

رامي: لج رغددد اتركي الاطفال ياغبيه ليش تضربينهم ياحماره تريد تسوين بيهم حاله نفسيه مثلج والله اني متحمل عليج هوايي واليوم جنيتي على نفسج ..تعالو بابا كافي لاتبجون انزلو يم بيبي شويه واجيكم اني..نزلو علاوي وجنى وهمه يمسحون بدموعهم توجه رامي للباب قفله ولزم الحزام وركض على رغد يضربه،

رغد:اتركني ياكلب والله مليت منك ومن اطفالك حسره عليه انام يلعبون يمي زعجوني لاتضرب لااكسر ايدك انعل ابوك لاابو الساعه الي زوجت ..

رامي:حيواانه احمدي ربج رضيت بيج وزوجتج امي ورطتني بوحده همجيه ومريضه نفسيه ..اني اعلمج اشتميني يابنت نوال والله الاخليج اليوم صدك تنعلين الساعه الدخلتي بيه البيتنه...

فهد:يمه شصاير شنو هذه العياط واصل للشارع..

هاله:يمه فدوه اصعد نزل اخوك راح يموت رغد لان ضربت الجهال..

فهد:حيييل بعد ايدي والله لو بيدي اروح اساعده ..محد قوه عينه اله انتي خلصتي عمرج ادافعين النوال وبناته تخافين منه ترى ماناسي الماضي خليني ساكت...

هاله:عززه العزاني انت شذكرك بالسوالف القديمه وبعدين منو گالك اخاف من نوال بسس مااحب المشاكل..

فهد: والله خايف عليج انتي هم تشور بيج زوجت عمي ادهم الي ماتت بدون ذنب وتيتمت بنته وانتي كلش زين تعرفين منو سبب موته السنين كله هاي وانتي ساكته وتتسترين عليه..

هاله:اششش لايسمعك احد سالفه قديمه وصارله سنيين وبعدين مو وكته هسه شوف الجهال شلون مرعوبين من العياط روح نزل اخوك قبل لاتموت البنيه بين اديه..

فهد:صاعد بس والله الخاطر الجهال لان خايفين لو بيدي يبقه للصبح يضربه...