فهد:طلعت من بيت عمو ادهم واني اعصابي متوتره صعدت السيارتي وشغلته واتجهت للبيت بالي هواي امور ومواضيع شاغله بالي باجر ماعندي دوام بالشركه واخيرا ارتاح يوم من التفكير بالشغل من بين كل الامور الي افكر بيه برزت بالي عيونه الي تلمع وشعره الي يتموج ويتبعثر بفوضى على متونه والخصلات المتمرده على وجه وحواجبه الي ترفعهن بكل غروور من تتكلم بالحضه حسيت هي من املاكي الخاصه وممنوع احد يتقربله غيري ولااسمح الاحد يزعله انتبهت النفسي اني شنو گاعد اگول البنت اصغر مني بسبع سنوات واصلآ مايحقلي افكر هيج لان اني وياه منتشابه وهيه وحده شايفه نفسه وتصرفاته نحسه وماتحترم احد..انتبهت للطريق وستغربت ياربي اني وين سرحت هذه مو طريق البيت .
..........................................
رؤى:ماما عوفيني نايمه والله نعسانه ماريد اروح وياكم البيت عمو محمد .
نوال:مو اكلج انتي غبيه وتبقين غبيه ميفيد بيج الحجي ولج گومي غسلي وجهج المعفن مشطي كفشتج رتبي نفسج ابوج راح يطلع ونتي بعدج داخله بغيبوبه مونومه .يلا وماريد اسمع منج ولا كلمه
سحبت الغطى من رؤى بقوه ورمته على الارض وطلعت من الغرفه بدت رؤى تذمر وتأفف بأنزعاج غسلت وجه ورتبت نفسه لبست فستان وردي طويل وحذاء ابيض وشيله وردي وخلت مكياج ثكيل وطلعت نزلت .
نوال:يلا ماما حماده خلصت فطورك .
حماده:ماما بعدني جوعااان،عوفيني اكل
مهند:نواال عوفي الولد ياكل هوه احنى شكم حماده عدنه .اكل بابا اكل الحد متشبع .
نوال:اي ديلا عوف حماده وشوف مبايلك گاعد يرن .
مهند:هذه اخوي محمد يتصل .الوو ابو رامي اي نشالله مانتأخر مسافه الطريق .
حماده:ماما اريد اروح للحمام تعالي وياي .
نوال:دگووم يلا راح يصير عمرك ست سنين واني بعدني اغسلك ،على گد ماتاكل طالع على ابوك حتى وهوه نايم ياكل.
مهند:بدون كلام زايد راح انتضركم بالسياره يلا استعجلو.
رؤى:هاا ماما شنو رئيج .
نوال:عززه بعينج ولج شنو هاي الحمره حلگج طالع شكبره روووحي مسحيه تفشلين .
رؤى:اهووو والله حيرتيني انتي .
...................................
غرور:اسمع صوت كولش حلو گدرت اميزه هذه صوت فيروز اكيد بابا كعد قبلي من النوم فتحت عيوني وني مبتسمه احس اليوم حلو حركت جسمي براحه وگعدت وكفت مقابيل المرايه زحت خصلات شعري الي على وجهي وني اتمعن تفاصيل وجهي بدقه اليوم راح اصير اقوه من امس ومايهمني احد .راح التقي برؤى وماراح اسأله عن تصرفاته وتغييره المفاجئ وراح اشوف فهد ومااعتذرله عن قله احترامي اله امس لان اني ماجاوزت ولاحجيت شي غلط وحتى بعد مايتقربلي.. خلي اروح اسوي حمام مغربي واريح جسمي وبشرتي احسن من التفكير بناس متسوى بتسمت بثقه دخلت للحمام وتأخرت .سمعت طرقات على الباب .
غرور:منووو
رند:بابا يگول تأخرنه يلا بسرعه انزلي افطري وجهزي نفسك.
غرور:اوك اوك خلصت.بس دقيقه،نشفت جسمي وشعري وطلعت من الحمام احلى شعور النضافه مشطت شعري بعد ماجففته ولبست فستاني الماروني قصير شوي وقماشته جرجيت وشيلتي الي لونه ابيض مائل على الكريمي وحذائي الكعب نفس الون خليت مكياج جدا خفيف وبرز ملامح وجهي بخيت من عطري المميز ونزلت شفت بابا مجهز نفسه ومنتضرني شربت قهوتي الصباحيه وطلعنه متوجهين البيت عمو محمد .
....................................
رامي:رغد حضري الجاي اجو بيت عمه راويه واجو اهلج بسرعه ونادي على الاطفال عمتي تريد اتشوفهم.
رغد:يلا حبيبي دقايق والجاي يجهز .بس اگلك تعال ترى فهد بعده نايم گعده خلي يسلم على عمتي واهلي ترى عيب.
رامي:شكم مره منبهج معليج بأحد لاتدخلين عوفي نايم شوي ويكعد.
رغد:اي عيني اعصابك هسه اني شحجيت .
فهد:صباح الخير.شبيكم شصاير من الصبح تتعاركون .
رامي:صباح النور .شصاير يعني ماتعرف مدام رغد بكلشي حاشره نفسه .
فهد:هههه يلا صارلك سنين وياهَ ماتعودت يخوي.
رامي:خلي تولي ونت يلا خلص فطورك وتعال سلم على عمامي عيب.
فهد:عمو ادهم اجه
رامي :لابعده بس عمو مهند وعمتي راويه ولده وبناته اجو.
فهد:هاا يلا اني طالع عندي تمارين مهمه بالقاعه .
رامي :فهد تحجي صدك انت عايف خطارك ورايح تتمرن يعني وكت تمارين هسه.
فهد:يلا ابو جناوي انت موجود بمكاني ،باي
رامي:استغفر الله ربي .يلا انتي وين صار الجاي
أنت تقرأ
بوصلة المشاعر
Genç Kız Edebiyatıانثى تمردت على كل شيئ لم يستطيعو كسرها تركت قلبها وهاجرت بصحبة عقلها فقط⏳
