بوصلة المشاعر

بارت5

فهد:طلعت من البيت بعد ماعرفت عمو ادهم ماحاضر وحتى لو حضر غرور ماتجي وياه اكيد خجلانه مني على قلة احترامه وياي بس اذا اعتذرت مني راح اقبل اعتذاره بهاي الاثناء واني كاعد افكر فتحت الباب اريد اطلع وجان اشوف مقابيلي عمو ادهم وغرور انتابني شعور غريب فرحت مادري تفاجئت مااكدر افسر الشعور الحسيت بي اداركت نفسي وسلمت على عمو وهوه دخل بقيت منتضر غرور تدخل واني متأكد راح تعتذر عن الي صار امس اكيد هيه حجت وياي بهذه الاسلوب لان جانت ضايجه وبهاي الاثناء وني منتضر اعتذاره دخلت هيه وعطره يسبقه ماانكر اني بقيت صافن بأناقته وجماله الطبيعي دخلت رمقتني بنضرات بطرف عينه ومبتسمه بثقه گالتلي صباح الخير ودخلت ورى عمو ادهم حتى مانتضرتني ارد عليهَ ..هنا وكافي هاي على شنو شايفه نفسه وتمشي كأن ماكو غيره على هاي الارض بس السبب مني اني ليش شاغل بالي وياه وافكر بيه اكبر بنت اني مااعترف بيه وهسه هاي الي بكد بنتي تعاملني بهذه الاسلوب بسيطه اني اعلمج منو فهد ..دخلت وراهم مادري ليش كنسلت التمرين يمكن لان تعكر مزاجي من الصبح.

غرور:وصلنه البيت عمو محمد دخلنه سلمت على فهد ودخلت سلمت على عمامي وجدا فرحت من شفت عمتي راويه موجوده هناك صارلي فتره طويله مشايفته بقيت كاعده يمه وهيه تسالني عن دراستي وتسولف وياي اما رؤى وعمه نوال كانت نضراتهم تبث سموم بس اني تجاهلتهن شفت ابن عمه راويه جان جدا لطيف ومحبوب ضليت اسولف ويا وهوه سوالفه حلوه متنمل يضحكني الگعده كوله وفهد متجاهلني حتى ماسلم عليه وحتى من ينضرلي نضراته غاضبه مادري شبي هذه المعقد بس اني خليت الموضوع طبيعي .

ادهم: ابو حماده شلونك اخبارك هاليام ماشوفك لاتجي ولاتسأل

مهند:شنو هوه الجبير يسأل على الصغير صارت بالعكس

ادهم:بهاي حقك والله بس تعرفني مشغول اسأل فهد حتى مرات مانرجع للبيت نرتاح .

فهد:اي والله الشغل هواي وعمو ادهم التزامته قويه.

مهند:الله يعينك يخوي .وفهودي نشالله يساعدك هوه صاير ذراعك اليمين ههه

ادهم:صح اني الله مارزقني بولد بس الحمد الله فهد صار هوه ابني واعز بعد غلاته من غلات بنتي غرور الله شاهد.

مهند:لايابه غرور منو يوصلله انت عاندت اخوتك الكبار على مود عيون غرور .

ادهم : ياابو حماده تعرفني اني كلمتي وحده ومااحب احد يدخل بقراراتي صح اخواني الكبار بس مااسمحلكم تحددون مستقبل بنتي الوحيده واتمني كلامي هذه يكون خصم الكلام.

محمد:اتركو هذه الموضوع هسه ويلا تفضلو على الغده .

فهد: سمعت كلام عمو ادهم ومهند بخصوص غرور بس مافهمت شي صار عندي فضول اعرف سمعت عمه راويه سألت غرور على الموضوع وجاوبته گلتله بابا يريدني اخلص دراسه البكلوريوس خارج العراق ولهذه السبب صاير خلاف بين عمامي لان ميقبلون اسافر وحدي عمتي راويه ضحكت گلتله والله ياغرور طلعتي مو هينه قنعتي ادهم المايگدر يفاركج يوم واحد تسافرين وحدج يلا حبي لاتهتمين للكلام وحققي طموحج عمامج من زمان بهذه تفكيرهم من جنت صغيره حرموني حتى اني من الدراسه وزوجوني وني صغيره حبيبتي لاتضوجين يلا كومي وياي خلي نتغده.

لحضه شنو هذه السمعته معقوله عمو ادهم يخلي بنته الوحيده تسافر وحده البلد اجنبي والله طلعت صدك مو هينه هاي البنت نشالله عمو ادهم يغير رأيه شلون سالفه هاي طلعتلي ماجنت متوقعه ابد.

رغد:بعد ماگعدت وي ماما ورؤى وسولفنه مشتاقتلهن حيل .

نوال:رغوده ماما شلونج شخبارج رامي شلونه وياج .

رغد:الحمد الله ماما زينه بس مرات يعصب عليه بس بسرعه يهده .بس انتي سولفيلي رؤى مانخطبت.ماشفتيله واحد منا منا

نوال:ههههه بنيتي رؤى خطيبه موجود بس كون تسمع كلامي وتعوف الثول مالته شويه.

رغد:صدك ماما منو هذه تعيس الحض الي راح يتورط برؤى هههه

نوال:اتأدبي ولج هاي اختج مثل ماتورط بيج رامي هيه يتورط بيه نسيبي فهودي هههه

رغد:شنووو فهد يزوج رؤى ماما تحجين صدك انتي ترى فهد ابد مو مثل رامي واصلا هوه مايفكر بالزواج.

نوال:معليج انتي خليه عليه بس الاريده منج تضبطين اختج يم فهد ابقي دائمآ امدحي بيه وسولفي عليه وهوه موجوده .

رؤى:شفت غرور اول مادخلت حتاريت على شنو اصفن على فستانه الي يسوه كنتوري كله لو على ثقته بنفسه وحتى ماسألتني ليش حاضرته لو ليش تركته حسستني اني لاشيئ عده بالحضه گدرت تخطف الانضار كله مادري هاي البنت شنو حضه قابل مثلي ماما كل شوي مرزلتني وبابا يريدني اترك الدوام.انتبهت على فهد وعيونه مشتعله بيه نار الغيره وهوه يشوف غرور تسولف وتضحك وي جعفر ابن عمه راويه ،بس بسيطه ياغرور الحيه والله اذا ماخليتج تفلسين من كولشي . بعد ماخلصنه من الغده صعدت الغرفت رغد اريد اشوف الاطفال بس شد انتباهي من شفت باب غرفت فهد مفتوح شوي فتحت الباب ودخلت فتحت العطور مالته واني استنشق بقوه ..

غرور:خلصنه غده وگعدنه رغد راحت تغسل الماعين مالت الغده وعمتي گالتلي روحي جيبي الجاي لان رغد مشغوله ورؤى مادري وين اختفت .صبيت الجاي واجيت قدمت العمامي وبابا وعمتي وصلت الرامي طبعآ اني ورامي علاقتنه كولش حلوه وقويه صح هوه اكبر مني بهوايه بس اعتبره اخوي الكبير قدمتله اخذ الاستكان وابتسم گالي يوم الزواج وضل يضحك اني بادلته الابتاسمه گتله لاعيني گولي يوم التخرج ماريد زواج ضلينه نضحك .فهد گاعد قريب على رامي خطيت خطوه اريد اقدم الفهد وجانت اكو طاوله صغيره صارت رجل الطاوله بين رجليه فقدت توازني واجان يوگع الاستكان على تشيرت فهد الحمد الله الجاي كان مو حار
يربي اني شبيه ضاربني الثول شفت فهد بسرعه راح يغسل ورامي ضل يضحك گالي هاا بس كتلج يوم الزوج فقدتي توازنج من الفرحه وگع بيه هذه المسكين خطيه سبحتي بالجاي اني من سمعت رامي صدك ضحكت بعدين رحت اريد اغسل اديه شفت فهد يمسح بتشيرته ومعصب بعدين رفع عيونه بالمرايه شافني واني توترت گتله ترى مو قصدي كالي مومهم ست غرور انسي عافني وصعد يربي شبي هذه كل مايشوفني يگولي ست غرور لعب نفسي ترى ..