بوصلة المشاعر

بارت 48

تذكير بأحداث الروايه

.
.
.
.
.
.
.
واخيرا تحقق حلمي ونجحت بالمعدل الي اريده وعمري ماانسه الفرحه الي نستني كل التعب والسهر والمعانات الي عشته بفتره معينه نسيت كل الضغوطات
.
.
.
.
.
تزوجت بنت عمي رؤى من جعفر ابن عمتي ورجعت علاقتي بيه نفس قبل واحسن ماتوقعته لما تزوج راح تتغير لهذه الدرجه الضاهر عداوته وياي قبل مجرد غيرة بنات
.
.
.
.
.
قنعت بابا بفكرة الزواج ولما شاف سمر اقتنع اكثر اكيد مو هينه عليه اخلي وحده ثانيه بمكان امي بس اني متأكدة مكانة وغلاة امي محفوضه بقلب بابا ومستحيل ينساه ولازم يكمل حياته بالخير الحياة ماتتوقف على شخص مهما تكون غلاته ومحبته( نبقه متمسكين بذكرياته الحلوه ويانه وكل منذكر موقف من مواقفه ويانه نعيش نفس شعور الحضه الاولى لكن بغصه والم )كل مايذكر بابا موقف وي ماما كان يردد على مسامعي هذه العباره
.
.
.
.
.
.
.

فهد:وين جنتي صارلج ساعه..

غرور:رؤى اتصلت عليه واخذتنه السوالف ماحسيت بالوقت وجعفر هم كل شوي ماخذ التلفون من رؤى ويسولف وياي هههه ضحكوني كل شوي ويتعاركون

فهد:هو هذه شبي يدخل نفسه بسوالف البنات وبعدين انتي ماصدكتي تموتين على السوالف والضحك ولادكولين عندي خطار عيب خلي اكعد يمه.

غرور:شبيك يمعود اخذ نفس وانطيني مجال احجي'بعدين منو كالك انت خطار انت من اهل البيت حتى رند عرفتك مو خطار حتى عصير مجابتلك هههههه..

فهد:اي حتى رند عرفتني عرف وجه يلا يابه يلا بقت عليه..

غرور:ههههههه هسه انت ليش ضايج.

فهد:شنو سولفتو انتي ورؤى وجعفرررر؟

غرور:هسه منو الي يدخل بسوالف .

فهد:عمو كالج شوكت يرجع من تركيا؟

غرور:غير يخلصون شهر العسل ويرجعون.

فهد:لا كالي احتمال سبوعين ويرجع لان عنده التزامات ونتي وحدج بالبيت .

غرور:ياا خطيه سمر عباله تبقه شهر هههه.

فهد:اي اضحكي بدت الشماته الله يساعده عليج شلون راح تتحملج .

غرور: ليش شلون تتحملني شبيه اني؟

فهد:بيج كولشي حلو والله..

غرور:شنو تشرب جاي لو قهوه ؟

فهد:تعجبيني من تغيرين المواضيع ..كلشي ماريد لاجاي ولاقهوه عندي شغل بس مريت عليكم اشوف خاف محتاجين شي ..