بوصلة المشاعر

32البارت

غرور:بقينه اني وفهد مرات نتراسل بس مو لوقت طويل يعني بس لما هوه يرد على ستورياتي واني هم يعني اطول وقت يمكن نتراسل هوه ساعه وحده لان اني مخلصه وقتي بس اقره ..شفت اجتني رساله من فهد.....

فهد:هلا غروري شلونج .

غرور:تمام انت شلونك..

فهد:توقعتج هسه نايمه لان تمطر اعرفج كل ماتمطر تنامين هههه

غرور:هههه الصراحه ماگدت انام لان الجوو يجنن واريد اطلع بس اخاف بابا مايقبل..

فهد:گومي بدلي يلا بسرعه ...

غرور:فهد انجنيت انت جنت اشاقه وياك ترى وبعدين بابا مايقبل ..

فهد :گومي بدلي ولاتجادلين يلا بسرعه وعمو ادهم خلي عليه ...

غرور:ههههه وربي انت مجنون ..

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فهد:السلام عليكم شلونك عموو..

ادهم:هلا فهودي الحمد الله اهلك شلونهم ..

فهد:يسلمون عليك ..اگولك عمو اليوم عمتي راويه اجتي البيتنه ولان مطر ماگدرت تجي وتريد تشوف غرور..

ادهم:راويه عدكم گوله مشتاقله هواي صار هسه اجيب غرور واجيكم ...

فهد:لا لا عمو لاتعب نفسك اني اجي اخذه ..

ادهم:لا فهودي ماريد اتعبك ..

فهد:لا عمو والله ماكو تعب بس خلي تجهز نفسه واني جاي بالطريق ..

.............،.....................ّ......

ادهم:رنددد رنددد ..اصعدي الغرور گوليله خلي تجهز نفسه فهد راح ياخذه العمته لان تريد تشوفه...

رند:حاضر بابا..

غرور:تفضل..

رند:گرور(غرور) بابا يگول خلي يجهز نفسه ..

غرور:عززززه وربي عرفته مجنون لج رند وين اجهز نفسي وين اروح ومنو ياخذني احجي بسرعه،

رند:راح ياخذك فهد حتى تشوف عمه راويه ...

غرور:ههههههه اوك اوك انزلي انتي ..والله طلع مو هين خلي اگوم ابدل احسن مااتأخر هفف شنو البس ..خلي البس هذه الفستان الابيض بس هذه خفيف يمكن ابرد من البسه يلا عادي المهم حلو عليه...جهزت نفسي خليت ميك اب خفيف ونزلت استأذنت من باب وطلعت...

فهد:ياربي شكد بطيئه يلا اصعدي للسياره بسرعه..

غرور:شبيك منو يركض ورانه مستعجل...

فهد:الهم صلي على محمد وال محمد ..

غرور:عفيه بالشطور صلي خاف تحسدني هههه..

فهد:اهووو هوه اني مااتوب كل ماامدحج تشوفين نفسج عليه خلي اسكت احسن ..

غرور:اي شلونه عمتي راويه هههههه..

فهد:ههههههه من وراج جذبت على عمو ادهم بس يلا والله بس اخطبج اعترف العمو على خذه الجذبه...

غرور:اممم وين رايحين هسه احنى..

فهد:بكيفج وين ماتريدين نروح اخذج حتى لو الباريس..

غرور:من گالي هيج اني التفتت اله وابتسمت ..

فهد:الله لايحرمني من هذه العيون..

غرور:اممم مادري وين نروح اريد مكان هادئ وبي هواء نقي احس نفسي اريد اتنفس ...

فهد:يلا وصلنه انزلي..

غرور:واااو شنو هذه المكان اول مره اشوفه ..

فهد؛هذه مطعم على نهر الفرات بس هنا راح تشمين هواء نقي ونضيف....

غرور:بقينه گاعدين وعيونه على موجات الماء ونفحات الهواء الي تضرب وجهنه مانطقنه ولا كلمه بس النضرات كانت تسولف وابدا ماسكتت....

لو العيون تحدثت بلغاتها""

قالت مقالاً لم يقلهُ خطيبُ""

فهد:بردانه ؟

غرور:لا حلوو الجو مو بارد..

فهد:اي مبين مو بردانه شوفي شلون حاضنه نفسج البرد هههه هاج اخذي قمصلتي ...

غرور:لا لا يمعود ماريد،،

فهد:اعرف هذه المشهد مال افلام بس ميخالف راح اموت من البرد من وراج اكو واحد يلبس هيج بهذه البرد بس يلا يستاهل الفستان الابيض هههه

غرور:ههه اي ابقه لابس جاگيتك ماريدك تبرد وبعدين تضل تعايرني..

فهد:قُل للمليحه بالقميص الابيضِ
     
          بردٌ ومطر حبيبتي لاتمرضِ
 
هل تسمحي لي ان اعيرك معطفي

    الرأي رئيكِ انما لاترفضي"""

غرور:هههه الله الله وشلون ارفض بعد هذه الكلام ...

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،