" ကိုရင် မင်းထင်
ကိုရင်မင်းထင်ရေ "
ညနေခင်း မှောင်ရီပျိုးစအချိန် ကိုရင်ငကျိုင်း ရဲ့ ခေါ်သံကြောင့် အိမ်ပေါ်မှ ဆင်းလာခဲ့သည်။ ခြံဝန်းထဲ တွင် ဆီမီးတစ်ချို့ပင် ထွန်းညှိထားချေပြီ။ အဘကတော့ ပွဲတော်နီးပြီ ဖြစ်သဖြင့် အခြားရွာစားတွေနှင့် အစည်းအဝေးပွဲတွေတက်ရောက်နေရသည်။
" ကိုရင် ငကျိုင်း... ဘာကိစ္စရှိလို့လဲ "
" ကျုပ်နဲ့ တစ်နေရာကို လိုက်ခဲ့ပေးစမ်းပါ "
"ဘယ်ကိုလဲ ဗျ "
" ခင်တန်းရွာဘက် လူပျိုသွားလှည့်မလို့ "
" နေဦး ကျုပ်နည်းနည်းပါးပါး ပြင်ဆင်လိုက်ဦးမယ် "
" ကိုရင်ရာ မလိုပါဘူး ကိုရင့်ဥပဓိရုပ်က ခံ့ညားပြီးသား ပြင်ဆင်လိုက်ရင် မိန်းမပျိုတွေက ကျုပ်ဘက်လှည့်ကြည့်မှာတောင် မဟုတ်တော့ဘူး "
" ကဲပါ လာ သွားစို့ သွားစို့ "
လပြည့်ညမို့ လရောင်ကို အားကိုးကာ တစ်ဖက်ရွာဆီ ထွက်လာခဲ့ကြသည်။ ဟိုဘက်ရွာ သည်ဘက်ရွာ လူပျိုလှည့်ကြသည်မှာ အဆန်းတော့မဟုတ်။ လူကြီးမိဘတွေကလည်း မျက်စိရှေ့မှောက် တွင် လက်ခံစကားပြောခွင့်ပြုထားကြသည်။ ကိုရင်ငကျိုင်း သွားမည့်အိမ်ရှေ့ရောက်တော့ ခြေလှမ်းက တုံ့သွားသည်။
"ကိုရင်. သည်အိမ်လား "
"အင်း"
"ရွာစားရဲ့သမီးကို လူပျိုလှည့်မယ် "
"ဟုတ်ပါ့ဗျာ "
ကာလသားတွေလူပျိုလှည့်သည်ကို အသာတကြည် ခွင့်ပြုကြသည်ဆိုသော်ငြား...
ဤသည်မှာ သာမာန် ရွာသူရွာသားတွေ အတွက်သာ။ ရာထူးရာခံရှိလေသော ရွာစား မှာတော့ မတူပေ။ ခွင့်မပြုလိုပါက သူတို့ ဘာမှ တတ်နိုင်မည်မဟုတ်။
" အဲ့သဟာကြောင့်... ကိုရင့်ကို အပါခေါ်ခဲ့ရတာပဲ ဗျို့... ရွာစားကြီး မျက်နှာကို ထောက်ထားသော အားဖြင့် ကျုပ်တို့ကို နှင်တော့ မထုတ်လောက်ပါဘူးဗျာ"
ကိုရင် ငကျိုင်း သူ့အား ခေါ်လာခဲ့ရသည့် ရည်ရွယ်ချက်ကို သိလိုက်ရပေပြီ။ ယခုမှတော့ မထူးတော့ ။ အိမ်ရှေ့တောင် ရောက်နေမှတော့ ဝင်လိုက်ကြရုံပေါ့။
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
