သပ်ရပ်စွာမီးပူတိုက်ထားသော ဂျူတီကုတ်အဖြူကို အနက်ရောင် ကျောပိုးအိတ်ထဲထည့်လိုက်သည်။ ကိုယ်တစ်ဝက်ပေါ်နေသော မှန်ရှေ့ရပ်ကာ ဆံပင်ကို အနည်းငယ်ပုံစံသွင်းသည်။ ကျောင်းဝတ်စုံ အင်္ကျီ အဖြူကိုတစ်ချက် ဆွဲဆန့်ပြီးနောက် စတိုင်ပန်ဘောင်းဘီအနက်အပေါ်ဝယ် ခါးပတ်ထပ်ပတ်လိုက်သည်။ လက်ပတ်နာရီကို ဝတ်ရင်း လှေကားပေါ်က ဆင်းလာချိန် မီးဖိုချောင်ဘက်မှ အသံတွေကြောင့် မျက်လုံးပြူးသွားမိသည်။
" နောက်ရက်မှ အန်တီ ခါကြက်ဥ ဖျော်ရည် လုပ်ပေးဦးမယ် အင်းပေါ့ ဆေးကျောင်းသားဆိုတော့လည်း စာတွေများတော့ မျက်လုံးထိပြီပေါ့ "
" သား အားတဲ့အချိန် လာခဲ့မယ်နော် အန်တီ "
" လာခဲ့ လာခဲ့ ... ဟိုကလေး ခုထိ ဆင်းမလာသေးဘူးပဲ "
" သား သွားခေါ်လိုက်ရမလား "
" ငါ လာပြီ... မင်းက ဘယ်လိုလုပ် ဒီဘက်ရောက်နေတာလဲ "
မေမေ့နားကပ်ကာ မျက်နှာ ချိုသွေးနေသော အလင်္ကါ မောင့်ကို မျက်လုံးပြူးပြရင်း မေးလိုက်သည်။ ပေါ့ပေါ့ပါးပါး free style ဝတ်ထားသည့် အလင်္ကါမောင့်ကို ကြည့်ပြီး တစ်ခုတွေးလိုက်မိသည်။ သူတို့ကျောင်းတွေမှာ uniform ဝတ်စရာမလို ဂျူတီကုတ်တစ်ထည် ထပ်ဝတ်ရင် ပြီးပြီ။ သူ့မှာတော့ ရှူးဖိနပ် အနက်လည်း စီးရပြန်ဦးမည်။
" ငါ့ဆိုင်ကယ် ပျက်နေလို့ မင်းနဲ့လိုက်မလို့ လာတာ "
" ငါက ward ဆင်းနေရတာ "
" သိတယ်လေ ကလေးဆေးရုံမှာမလား ငါ့ကျောင်းနဲ့ ပိုတောင်နီးနေတာကို "
" ကဲ နောက်ကျတော့မယ်.. သွားကြတော့ "
မေမေက သတိပေးတော့မှ အသာငြိမ်ကာ အပြင်ဘက်ကိုထွက်လာလိုက်သည်။ ခြံရှေ့ ထုတ်ထားပြီဖြစ်သော ဆိုင်ကယ် နားရောက်တော့ အလင်္ကါမောင်က မျက်စိရှေ့ လက်ဖြန့်လာသည်။
" ဘာလဲ "
"သော့ "
အနောက်ကနေ ထိုင်လိုက်တော့ လည်ပြန်ကြည့်လာပြန်သည်။
" ဘာလဲ မောင်းတော့လေ "
"ခါးကိုဖက်ထား "
" ရူးနေလား ဟေ့ကောင် ငါတို့အိမ်ရှေ့မှာနော် "
BINABASA MO ANG
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
