မြို့ပြရဲ့အလင်းရောင်တွေမရှိသော အရပ်ဖြစ်၍လားမသိ ... လရောင်သဲ့သဲ့က လှပစွာဖြာကျနေသည်ကို တွေ့မြင်နေရသည်။ လမင်းရဲ့နံဘေးဝယ် ခစားလျက်ရှိသော ကြယ်စင်တွေကလည်း ပိုလို့လင်းလက်နေသယောင် ။ စခန်းနှင့်ခပ်လှမ်းလှမ်းရှိ ကုန်းမြင့်လေးတစ်ခုပေါ်မှာ တစ်ယောက်တည်း ထိုင်ရင်း အေးချမ်းတဲ့ လရောင်အငွေ့အသက်ကို ခံစားနေမိစဥ် သင်းပျံ့ပျံ့ ပန်းရနံ့တစ်ခုကြောင့် ဘေးဘီဝဲယာကို ခေါင်းလည်ကာ လိုက်ကြည့်မိတော့ ဧကရာဇ်ပန်းတွေ လက်ခုပ်ထဲမှာ ထည့်ရင်း အနောက်မှာ ရပ်နေသော အလင်္ကါ... ။
" မီးပုံနားမနေဘဲ ဘာလို့ ဒီကုန်းပေါ် လာထိုင်နေရတာလဲ ဆပ် အအေးမိဦးမယ် "
" မီးပုံနား နေတာကြာတော့လဲ ကျောပူလာလို့ ခဏ အအေးလာခံတာ "
မြက်ခင်းစစပေါ် ထိုင်ချလာရင်း လက်ထဲကပန်းတွေကိုတော့ သူ့ဆီကမ်းပေးလာသည်။ ဖွေးဖွေးနုနု ဧကရာဇ်ပန်းများ.... ရနံ့သင်းသင်းက အနီးတဝိုက် ဝေ့ဝဲနေသည်။
" ဒီဘက်မှာလည်း ဧကရာဇ်ပန်းရှိတယ်လား.... "
" စခန်းအနောက်ဘက်နားမှာ ရှိနေတယ် အပွင့်တွေပွင့်လာမှ သတိထားမိတာ "
သူ့လက်ထဲက ဧကရာဇ်ပန်းတစ်ပွင့် ကို ပြန်ယူကာ နမ်းရှိုက်ပြီးနောက် နားရွက် ကြားထဲ ပန်ပေးလာသည့် အလင်္ကါ...
" ဘာလို့ ပန်းလာပန်ပေးနေတာလဲ "
" ကိုယ့်ဘဝရဲ့ အရှင်သခင် ဧကရာဇ်လေးမို့ ပန်းပေးတာလေ
ငါ အမြဲတမ်း မင်းကို ပန်းတွေပေးခဲ့တယ်နော် ဆပ်.... "
" ထူးထူးဆန်းဆန်း ဘာတွေလာပြောနေတာလဲ အလင်္ကါ "
" မနက်ကျရင် ရှေ့တန်းလိုက်ရမယ်လေ... ကံတရားကိုလည်း မြင်နိုင်တာမှ မဟုတ်တာ အဲ့လိုစဥ်းစားမိပြီး ရင်ထဲရှိတဲ့စကားတွေကို သိမ်းမထားဘဲ ပြောပြချင်လာရော... "
" ဘာတွေပြောမလို့လဲ "
" ပန်းပေးတယ်ဆိုတာက အရှုံးပေးတယ် ဆိုတဲ့ အဓိပ္ပါယ်ပဲ မင်းကို ငါက အမြဲအရှုံးပေးနေခဲ့ပြီးသား ဆပ် မင်းဘက်က အော်လွှတ်လွှတ် ဂရုမစိုက်ဘဲနေနေ ငါက အမြဲပန်းပေးပြီး အနားကို လာနေခဲ့တယ်လေ... နောက်ကျတော့ ငါ့နှလုံးသားကပါ အရှုံးပေးလိုက်ရပြန်ရော
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
