ပန်းဘွဲ့အလင်္ကါ (Completed )

31🌼U&Z

နှုတ်ခမ်းထက် စွဲကျန်ရစ်ခဲ့တဲ့ အငွေ့အသက်တွေကို ထာဝရ သိမ်းဆည်းထားလို့များ ရနိုင်မလား....။ မြတ်နိုးစွာ နမ်းရှိုက်ဖူးသူကတော့  အဝေးတစ်နေရာကို ရောက်နေခဲ့လေပြီ။ နောက်ဆုံးအကြိမ် နှုတ်ဆက် လက်ဆောင် အကြင်နာတွေက ချိုမြိန်ခဲ့သလို  ရင်နင့်အောင်လည်း လွမ်းစေခဲ့သည်။ ဆပ်သွားဖူးပန်းရနံ့လို မွှေးအီမနေပေမယ့်  ဆပ်ရဲ့အထိအတွေ့က ပန်းရနံ့ထက်နူးညံ့နေခဲ့သည်။ အချိန်တိုင်း ထွေးပွေ့ထားချင်ပေမယ့်   အခုတော့ မျက်နှာတော်တောင် မော်ဖူးခွင့်မရ အရိပ်လေးတောင် မမြင်ရနိုင်သော အ​ခြေနေ။

နယ်စိမ်းပယ်စိမ်းမှာ အဆင်ပြေရဲ့လား ဆပ်ရယ်...

ဆပ် တို့တာဝန်ကျပြီး မကြာခင်မှာပဲ  ကိုဗစ်ကပ်ရောဂါက ရောက်ရှိလာတော့ သူ့မှာ ပိုပြီး ရင်ပူရသည်။ အဆက်အသွယ်ကမရ...  ။ ဘယ်လိုမှ မနေနိုင်တော့သည့် အခိုက်မှာတော့  တစ်ဖက်က ဆပ်တို့အိမ်ဆီသွားကာ သတင်းမေးရတော့သည်။  ဆပ်ရဲ့ဖေဖေမရှိသည့် အချိန်ပေါ့ ။ အန်တီကတော့  အရင်လို မနွေးထွေးတော့သည်တိုင်  ဧည့်ဝတ်ကတော့ မပျက် ။

" သားက အဆင်ပြေပါတယ်တဲ့ အလင်္ကါ..  ရောဂါတွေအတွက်လည်း စိတ်မပူဖို့တော့ ပြောတာပဲ ကွယ်...  အဝေးမှာဆိုတော့ စိုးရိမ်ရတာပေါ့   "
မချိပြုံးလေးနဲ့  ခပ်ယဲ့ယဲ့ ဆိုသည်။

အပြေးသွားတွေ့လိုက်ချင်ပေမယ့် လမ်းတွေပိတ်ကာ lockdown ချထားပြန်သည်။ ကျောင်းလည်းမတက်ရ အပြင်လည်းမထွက်ရ. အခန်းထဲမှာနေရင်း  လွမ်းရုံသာ တတ်နိုင်တော့သည်။ တစ်လနီးပါး  အချိန်ကြာလေမှ   စာတိုက်ကနေ စာတစ်စောင်ရောက်လာခဲ့သည်။  အခြေနေတွေအရ စာတိုက်တစ်ခုသာ အသုံးပြုလို့ရတော့သည်မဟုတ်လား ။ ပို့လိုက်သည့် လိပ်စာ ကို မြင်တော့  စိုးရိမ်စိတ်တွေနှင့်သာ ပြည့်နှက်နေခဲ့သော နှလုံးသားက သိမ့်သိမ့်ကလေး ခုန်လာပြန်သည်။

ဆပ် ဆီက လာတဲ့ စာ....

' အလင်္ကါ ရေ....

မင်းကိုလွမ်းတယ် ... ဒါဟာ ပထမဆုံး ပြောချင်တဲ့စကားပဲ နောက်တစ်ခုပြောချင်တာ ကတော့ ငါ အဆင်ပြေတယ် ဆိုတာ...ပြီးတော့ ဝန်ခံစရာတစ်ခုရယ်