ရေစီးသံတွေကြားနေရင်းမှ တဖြည်းဖြည်း တိုးသွားကာ အခြားသော ဆူညံသံတို့ တဖြည်းဖြည်း ချင်း ကျယ်လောင်စွာကြားလာရသည်။
" ဘယ်လိုဖြစ်ကြတာလဲ ဟယ် "
" တစ်ယောက်က ရေနစ်တာ တစ်ယောက်က ခံတပ်ရိုးပေါ်က ပြုတ်ကျတာ "
နဖူးထက်မှ အနည်းငယ်နာကျင်မှုနှင့်အတူ မျက်လုံးတို့ကို ဖြေးဖြေးချင်း ဖွင့်ကြည့်လိုက်မိတော့.. ခပ်မှိုင်းမှိုင်းမျက်နှာကျက်တွေကို အရင်တွေ့လိုက်ရသည်။
" ဆပ်.. ဆပ် သတိရလာပြီလား "
ဘေးနားမှာ ထိုင်နေသည့် အလင်္ကါမောင့်ကို တွေ့တော့ အလိုလို လှမ်းဖက်လိုက်မိသည်။
တော်သေးတာပေါ့.. တကယ်ကို တော်သေးတာပေါ့ ။ သည်တစ်ခါ ထပ်ပြီးတော့သာ ဆုံးရှုံးခဲ့ရရင်...
" မေမေတို့ဆီတော့ ဖုန်းမဆက်ထားဘူး စိတ်ပူနေမှာစိုးလို့ "
" အင်း.. ဒါနဲ့ မင်း တစ်ခုခုကို မြင်ခဲ့သေးလား "
" ဟင်... ဘာမြင်ရမှာလဲ ငါလည်း မင်းအရင် စောစောကပဲ သတိရလာတာ ဟီး ဟီး "
ပြုံးရယ်ကာပြောနေပေမယ့် မပြုံးနိုင်ဘဲ နာကျင်သွားရသည်က သူ ။ မေ့သွားပြီပဲ ... စောင့်နေမယ်ဆိုပြီး ပြောခဲ့ပေမယ့် မေ့သွားခဲ့ပြီပဲ ။ စွဲလမ်းမိပါတယ် မြတ်နိုးမိပါတယ် ဆိုတာတွေဟာလည်း... ရေအလျဥ်နဲ့အတူ မြောပါခဲ့ပြီထင်ပါရဲ့ ။
ပေးခဲ့ဖူးတဲ့ ကတိစကားတစ်ခွန်းကို ယုံစားမိခဲ့တဲ့ ငါကပဲ မှားတာလား ။ မေ့လျော့သွားခဲ့တဲ့ မင်းအပြစ်ပဲလား ။ ဘဝတွေပြောင်းမှတော့ စိတ်တွေလည်း ပြောင်းပြီပေါ့ ။ တစ်ဘဝတည်းမှာတောင် အချစ်က အပြောင်းအလဲတွေများနေလိုက်တာ.. နောင်ဘဝဆိုရင်တော့....
" မောင်ရေ.... ဘယ်လိုဖြစ်ရတာလဲ "
ဂျူတီကုတ်အဖြူကို လက်တစ်ဖက်က ကိုင်ရင်း ကျောပိုးအိတ်အလှလေးကို လွယ်ကာ ရောက်ရှိလာလေသော မိန်းကလေးတစ်ယောက်။ အလင်္ကါမောင်ရဲ့ လက်တွေကို ဆုပ်ကိုင်ကာ စိုးရိမ်တကြီး မေးမြန်းနေလေတော့သည်။
" မောင် ဘာမှမဖြစ်ပါဘူး ခွာညိုရဲ့ ဒီမှာလေ ဆပ်ကသာ ခံတပ်အပေါ်က ပြုတ်ကျပြီး နဖူးကွဲသွားတာ နည်းနည်း ချုပ်လိုက်ရတယ် "
CZYTASZ
ပန်းဘွဲ့အလင်္ကါ (Completed )
Historyczneအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
