လေပြေသဲ့သဲ့တိုက်ခတ်ချိန်ဝယ် ထန်းလက်တို့အချင်းချင်းပွတ်တိုက်မိရာမှ ထွက်ပေါ်လာသော အသံတစ်ချို့နဲ့ စပါးခင်းတွေဆီမှ တရှဲရှဲမြည်သံတွေကို ကြားနေရသည်။ ကျိုးတိုးကျဲတဲ ထန်းပင်တွေရယ် ဝင်လုဆဲဆဲနေရောင်ခြည်တို့နှင့် အင်းဝမြို့ဟောင်း ဆည်းဆာချိန်ဟာ ပန်းချီကားတစ်ချပ်သဖွယ် ။
အပျက်အစီးအနည်းငယ်နှင့် ရှေးခေတ်လက်ရာ ကျန်ရစ်နေဆဲ ရတနာဆီမီးစုဘုရားပေါ်မှာတော့ အပင်အိုကြီး၏ခြေရင်းတွင် မှီထိုင်ရင်း ငေးမောနေကြသော သူတို့နှစ်ယောက် ။ သိပ်မကြာခင်မှာပဲ ဆပ်ရဲ့ ခန့်အပ်စာက ရောက်လာတော့မည် ။ ဘွဲ့ယူရမည့်နေ့ကလည်း ရက်ပိုင်းသာလိုတော့သည်။ အကယ်၍ များ အဝေးကြီးကို သွားရမည်ဆိုလျှင် သူ ဆပ်ကို သွားခွင့်ပြုနိုင်ပါ့မလား ။ ခွင့်ပြုခြင်းမပြုခြင်းက. သူနှင့်မသက်ဆိုင်သော်ငြား ဝေးကွာရသည့် အလွမ်းဒဏ်ကို သူ ခံနိုင်ရည်ရှိပါ့မလား မသေချာ။
"ဆပ်... တကယ်လို့ ဟိုးအဝေးကြီး နယ်စပ်ဒေသထိ သွားရမယ်ဆိုရင်လည်း သွားမှာပဲလား "
" အင်း ငါ မြန်မာပြည်အနှံ့ရောက်ဖူးချင်တယ် စာအုပ်တွေထဲမှာ ငါဖတ်ခဲ့ရတဲ့နေရာဒေသတွေကို ကိုယ်ကိုယ်ကျ မြင်တွေ့ချင်တာ.... "
" အဲ့တာဆို ငါကရော ထိုင်ပြီး လွမ်းနေရမှာလား "
" စောင့်လေ... အချိန်တစ်ခုကြာရင် ငါတို့နီးရမှာပေါ့ ပြီးတော့ ငါ ကချင်ပြည်ကို အရမ်းရောက်ဖူးချင်တယ် အဲ့ဒီကိုတာဝန် ကျရင် ပိုတောင်ကောင်းသေး "
" ဘာလဲ မြန်မာပြည်မြောက်ပိုင်း ကို ဖတ်ပြီးတော့လား "
" ဟုတ်တယ် တိုင်းရင်းသားအချင်းချင်းဆိုပေမယ့် သူတို့ဓလေ့ထုံးစံတွေ လူမျိုးစုငယ်လေးတွေအကြောင်း ငါတို့ဘာမှမသိကြဘူးလေ... ပြီးတော့.. "
ဆက်ပြောရန် ဟန်ပြင်နေပေမယ့် ဝင်လာသည့်ဖုန်းသံကြောင့် စကားစကို ရပ်ကာဖုန်းကိုင်လိုက်သည်။ ဖုန်းပြောနေရင်း အမူအယာမကောင်းတော့သလို မျက်နှာကြောင့် စိုးရိမ်ရပြန်သည်။
" ဆပ် ဘာဖြစ်လို့လဲ "
" pre convo တုန်းက ပုံတွေ ဒီနေ့အိမ်ကို ပို့လာတယ်တဲ့ အဲ့တာတွေ မေမေတို့ မြင်သွားပြီ "
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
