' လေးနှစ်တာ လေလွင့်ပြီးနောက် ... '
ဆိုတဲ့ caption နှင့်အတူ ဘွဲ့ဝတ်စုံဖရိုဖရဲနဲ့ ပုံတွေရယ် အုပ်စုလိုက်နောက်ပြောင်ရယ်မောနေတဲ့ ပုံတွေရယ်။ နှုတ်ဖြေစာမေးပွဲခန်းထဲမှ ထွက်လာလာချင်း အိတ်ထဲမှ ဖုန်းကို ယူဖွင့်ကြည့်မိချိန် တွေ့လိုက်ရသည့် ပုံတွေပင်။
ပို့စ်ကို အသည်းပေးလိုက်တော့ စက္ကန့်ပိုင်းအတွင်းမှာပင် ဝင်လာသည့် စာတစ်စောင်။
" အလင်္ကါ ဖြေနိုင်ခဲ့ရဲ့လား "
" အင်း ဖြေနိုင်တယ် အခု ကျောင်းမှာပဲလား "
" ဘွဲ့ဝတ်စုံက ထုတ်ခဲ့ပြီးပြီ သူငယ်ချင်းတွေနဲ့အရင် ပုံတွေ ရိုက်နေတာ "
" ဟုတ်ပြီ ခဏနေရင် ကျောင်းကိုလာခဲ့မယ် "
" ocean ကိုလာခဲ့ ငါတို့က အဲ့ဒီကို သွားတော့မှာ "
" အင်း အင်း "
စာပို့ပြီးနောက် ပို့စ်ကို ပြန်ကြည့်ကာ ပုံတွေကို တစ်ပုံချင်း သေချာလိုက်ကြည့်နေမိသည်။ အနက်ရောင် ဘွဲ့ဝတ်စုံပေါ်မှာ ပန်းခရမ်းရောင် အစင်းလိုင်းနှင့် အနောက်မှာက စိမ်းနုနုအဆောက်ဦးတွေနှင့် သူနာပြုတက္ကသိုလ် ။ ပြုံးရယ်နေတဲ့ ဆပ်ရဲ့ပုံစံဟာ လွတ်လပ်မှုအသွင်ကို ထင်ဟပ်နေသည်။ ဘွဲ့ရပြီး တာဝန်ကျရာနေရာကို သွားရတော့မယ့် သူတစ်ယောက်။ သူနဲ့လည်း ဝေးရာဆီပေါ့ ။
Ocean ကို သူရောက်တော့ နေ့ခင်း နှစ်နာရီခန့်ပင် ရှိချေပြီ။ season bakery မှာ ထိုင်စောင့်ရင်း မုန့်စားနေသည့် ဆပ်ရှေ့မှာ ဝင်ထိုင်လိုက်ကာ
" တစ်ယောက်တည်းကျန်နေခဲ့တာလား "
" ပုံရိုက်ပေးမယ့်သူက ခဏနေရင် လာတော့မှာ စာမေးပွဲခန်းက ထွက်လာပြီး ဘာမှမစားရသေးဘူးမလား တစ်ခုခု သွားယူလေ "
ချောကလက်ကိတ်နဲ့ စတော်ဘယ်ရီမစ်ရှိတ်တစ်ခွက်ကို ယူကာ စားပွဲဆီပြန်လာခဲ့သည်။ ချောကလက်ကိတ်ကို တစ်ဇွန်းသာ ယူစားပြီး မစ်ရှိတ်ပဲ ထိုင်သောက်နေရင်း မျက်နှာချင်းဆိုင်က ကောင်လေးကို မသိမသာ အကဲခတ်နေမိသည်။ မိုင်လိုမစ်ရှိတ်ကို သောက်နေပေမယ့် မျက်လုံးက ချောကလက်ကိတ်ဆီက မခွာ ။ ဆပ် က ချောကလက် သိပ်ကြိုက်တာ သူသိပြီးသား ။
သိပ်မကြာပါ... သူ့ကို မေးလာတော့သည်။
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
